نسر وثلاث نجوم

الفصل العشرون

*نسر وثلاث نجوم*
*الفصل العشرون*

مر اسبوع علي اخر احداث ولا جديد يذكر الاوضاع مستقرة نوعا ما

بمستشفي الجنيدي التخصصي الساعه الثانيه بعد منتصف الليل

زيدان بإصرار: انا هخرج يعني هخرج

-يحيي وهو يحاول اقناع زيدان بالبقاء: ياابني انت لسه تعبان ومينفعش اللي بتعمله دا محدش هنا هيسمحلك تخرج اصلا

-زيدان بعناد: طب الراجل فيهم يقف قصادي ويشوفوا انا هعمل ايه

-كان زيدان يتحدث وهو يرتدي قميصه وعازم علي الخروج،، هتيجي معايا ولا القعده هنا عجبتك

-يحيي باستسلام: هقعد هنا اعمل ايه يالا

-اقترب يحيي من زيدان: طب خليني اسندك حتي

-ابعده زيدان بيده ووقف بثبات وشموخ: انا مش محتاج حد يسندني ثم تحرك وهو يقول: انا اسند بلد بحالها انت اللي شكل قعدة المستشفي نستك احنا مين

خرج زيدان وخلفه يحيي يستكمل ارتداء ملابسه وهو يسير: ياابني اصبر طيب اكمل لبسي

-وصلا الي باب المشفي

-احد افراد الامن: زيدان باشا عمر باشا مدينا اوامر ان سيادتك متخرجش

-زيدان بعصبيه: بلغ عمر باشا ان مش زيدان اللي حد يمشي كلامه عليه،، اوعي من وشي

-احمد الامن: يا زيدان باشا انا مش قد عمر باشا هيأذيني لو حصل حاجه غير اللي مبلغنا بيها

-ازاحه زيدان بيده: طب اوعي من وشي بقي بدل ما اساوي وشك بالاسفلت اللي انت واقف عليه دا

-تركه وتحرك وصل الي سيارة يحيي: هات المفتاح

-يحيي: يا زيدان مش كدا ياابني جرحك يفتح انت مش متعور وانت بتلعب دا جىح رصاصه، انت عملت اللي في دماغك وخرجت اهو سيبني انا اسوق

-زيدان بغضب وقد علت نبرة صوته: هتجيب المفتاح ولا اسيبك وامشي

-يحيي باستسلام: لا اله إلا الله،، ثم قذف المفتاح لزيدان بالهواء ليلتقطه زيدان ركب ثم اغلق حزام الامان ونظر للطريق امامه بغضب أدار المحرك ثم انطلق يسابق الرياح
..............

بقصر الجنيدي تحديدا غرفة عنايات تجلس تضع ساق فوق الاخري: يخويا واني مالي ماتروح تاخد دهبات مرتك تفك بيهم ضيجتك

-يونس: بجي اكده يا عنايات، يعني يوم ما احتاجك تجوليلي مرتك

-عنايات: بجولك ايه يا يونس اني اللي هعمله معاك اني هتنازل عن حجي في خسارة المصنع واكده يبجي كتر خيري جوي

-يونس: لا هو انتي كمان كنتي ناويه تطالبي بحجك فيها، راح فين حديتك وانتي بتجولي اني جارك ومعاك