ဇွန်ဘီဘုရင်ရဲ့အိမ်မွေးကြောင် [COMPLETE]✓

Chapter 22.2

Unicode

Chapter 22.2-သန်မာတဲ့ကုသရေးစွမ်းအင်

ထိုနေရာတစ်ဝိုက်တွင် ဖုတ်ကောင်အုပ်စုများရှိ‌နေပြီး အတွင်းထဲသို့ တွားသွားရန် ကြိုးစားနေကြတယ်။ ဒါပေမယ့် ဒီဖုတ်ကောင်တွေက အတွင်းထဲကို တွားသွားချင်တာကြောင့် သူတို့ကအပြင်မှာ ပိတ်မိနေပြီး အထဲမဝင်နိုင်ဖြစ်နေတယ်။

ဟနေတဲ့နေရာကနေ ကားအောက်မှာ လဲနေတဲ့လူတစ်ယောက်ကို ဖန်းဟယ်တွေ့လိုက်တယ်။ သူက သွေး‌တွေနဲ့ဖုံးလွှမ်းနေပြီး သွေးတွေက သူ့သွေးတွေလားသူများသွေးတွေလားမသိရဘူး။

သို့သော် ဖန်းဟယ်က လီကျန်းရဲ့တုံ့ပြန်မှုကိုမြင်တဲ့အခါ အဲ့ဒါက  လူငယ်ရဲ့ကိုယ်ပိုင်သွေးဖြစ်ကြောင်း သူ ချက်ချင်းသိလိုက်တယ် ။

ဘာလိုဆို လီကျန့်ရဲ့လှုပ်ရှားမှုတွေက သိသိသာသာတောင့်တင်းသွားပြီး သူ့ရဲ့လမ်းလျှောက်နှုန်းကလည်း နှေးသွားတဲ့အပြင် သူ့ခေါင်းက အဲ့ဒီလူဘက်ကိုလှည့်သွားတာကြောင့်ဖြစ်တယ်။

ဖုတ်ကောင်တွေက အသက်ရှိတဲ့လူသွေးကြောင့် လွယ်လွယ်ကူကူဆွဲဆောင်ခံရ‌နိုင်တယ်။ ဒါကြောင့် ဖန်းဟယ်က အလျင်အမြန်ပျံတက်သွားပြီး ဖုတ်ကောင်တွေကို လီကျန်းထက်အရင် သွားတိုက်ခိုက်လိုက်တယ်။ အမည်မသိစွမ်းအင်က ဖုတ်ကောင်တွေဆီကထွက်လာပြီးလီကျန်းဆီရောက်သွားတယ်။ အဲ့ဒါတွေက အသက်ရှိနေတဲ့လူသွေးကြောင့်ဖြစ်လာတဲ့ သူ့ရဲ့ လူသားစားချင်တဲ့စိတ်ကို ဖိနှိပ်ပေးလိုက်တယ်။

ဖန်းဟယ်ပတ်ပတ်လည်က ဖုတ်ကောင်တွေကိုရှင်းလိုက်ပြီးနောက် လီကျန်းကလည်းပဲ ရှေ့တိုးလာခဲ့တယ်။ပြီးတော့ လီကျန်းက ကားကိုဖွင့်ရာမှာ သူနဲ့အတူပူးပေါင်းဆောင်ရွက်ဖို့ ဖန်းဟယ်ရဲ့လေစွမ်းအင်ကို စောင့်ခဲ့တယ်။ သူရဲ့မျက်စိရှေ့က အခြေအနေကြောင့် ဖန်းဟယ်က သူ့နားရွက်လေးကို မလှုပ်ရှားပဲမနေနိုင်တော့ဘူး။

အထဲမှာ အသက်နှစ်ဆယ်လောက်တောင်မရှိသေးတဲ့ လူငယ်လေးတစ်ယောက် တကယ်ကိုရှိနေခဲ့တယ်။ အသက်ရှင်နေသေးပေမယ့် မကြာခင်သေဆုံးသွားနိုင်တယ်။ စတီးပိုက်တစ်ခုက သူရဲ့ ဝမ်းဗိုက်ကိုထိုးဖောက်နေပြီး သူ့ရဲ့သွေးတွေက ကြမ်းပြင်တစ်ခုလုံး စီးကျနေတယ်။