ظلم طفولتي

البارت الثاني (الحريه)

البدايه بالكفاح والنهايه بالنجاح

الكاتبه :Nareen
الكاتبه : Beneen

جمان : نهرب
اسيل : اي نهرب
جمان : بس اسيل اذا انلزمنه شنو راح يكون مصيرنه
اسيل : ما اعرف بس اكيد راح يكون احسن من عيشتنه هنا
جمان : ما اعرف شكلج بس خلينه نفكر زين قبل ما نتخذ هيج خطوه
اسيل : اي فكرت وفكرت زين تعرفين شنو راح يصير بينه اذا تركنه الدراسة وشلون راح تكون حياتنه صعبه
جمان : ساكته
اسيل : جمان احنه بكل الاحوال حياتنه مدمره خلينه نحاول
جمان : صافنه وتفكر بكلام اسيل
اسيل : تمام الي فهمته انو انتي ماراح تكونين وياي
اسيل : فتحت الباب وردت اطلع وسمعت صوتها
جمان :ترحين وتعوفيني وحدي
اسيل : درت وجهي وشفتها تباوعلي بابتسامه
جمان : ولج ثوله اني وياج للموت
اسيل : فرحت من سمعت كلامها رحت عليها شبكتها
جمان : يمته نهرب
اسيل :باليل بعد متنام المديره والكل ينام
جمان :ولج هي هاي البومه تنام
اسيل :هههه كلش لايكلها هذا الاسم
جمان : ههههه المهم امشي نحضر ملابسنه
اسيل : تمام
جمان : جنت متردده بالبدايه بس بعدين اقتنعت رحنه حضرنه الملابس وخططنه لكلشي وخلينه خطه لكل الاحتمالات وصار الليل وصارت الساعه 1:42 كمنه من الفراش طلعنه و طلعنه جنطت الملابس من غير صوت وجنت ارجف من الخوف وصلنه لباب الخارجي ولكيناه مقفول عرفنه انو المفتاح عند المديره
اسيل :هسه شراح نسوي
جمان : لازم وحده تروح لغرفه المديره وجيب المفتاح بس منو تروح
اسيل : اني اروح
جمان :تمام ديري بالج على روحج
اسيل : تمام رحت لغرفه المديره الاضويه جانت طافيه شغلت الاكلوب ودورت على المفتاح دورت بكل مكان بس ملكيت شي فجأة سمعت صوت واحد اجه كبل ختلت جوه الميز واني كلبي يريد يطلع من مكانه من وره الخوف شفتها حطت المفتاح عالميز وطلعت وقفلت الباب طلعت اني اخذت المفتاح ورحت حته افتح الباب لكيت الباب مقفول ضليت حايره ما اعرف شلون اطلع منا دحين الباب بلكي جمان تسمعني بس ماكو كعدت واني خايفه من الجاي فجأة واحد فتح الباب بالبدايه عبالي جمان بس طلعت هدى اكثر انسان يكرهني
هدى :اسيل شسوين هنا بنص الليل
اسيل : هاا ان انتي شسوين هنا
هدى : سمعت صوتج واجيت
اسيل : تمام شكرا روحي لتدخلين
هدى :باوعت عليها شايله جنطه على ظهرها ولازمه مفتاح معقوله تريد تهرب
اسيل : شفتها تباوعلي باستغراب هيي ليش تباوعيلي هيج
هدى بابتسامة خبيثه : تردين تهربين
اسيل : كتلج لتدخلين
هدى : بسيطه اني رايحه اگل للمديره
اسيل : من سمعتها حجت هيج حاولت امنعه تروح بس هيه جانت تريد تصرخ وقبل ماتصرخ شفتها وگعت گدامي طاحت هدى بالكاع وشفت انو جمان هيه الي ضربتها على رأسها
جمان : بعد ما راحت اسيل بقيت انتظرها وفجأة شفت هدى راحت لغرفه المديره ورحت وراها بقت تحجي وي اسيل بعدين شفتها تريد تهرب من عدها عرفت انو هي عرفت بكلشي شفت مزهريه يمي اخذتها وضربت بيه راس هدى
اسيل : ولج شسويتي
جمان : اسيل والله ماضل وكت عدنه عوفيها خلين نروح 
اسيل : بس
جمان اتقاطعها : اسيل فدوه بلا بس امشي نروح قبل ما يجي احد
اسيل : تمام   رحنه فتحته الباب وهربنه بس ضل بالي يم هدى وصلنه للشارع العام طبعا جانت هاي اول مره نطلع ونبتعد هيج مسافه بعيده وكفنه تكسي وصعدنه ويا واخذنه لمنطقه بعيده عن هاي وصلنه ونزلنه صارت الساعه 3:00 ضلينه نفتر وندور على مكان واخيرا لكينه بيت للايجار بس جانت الساعه 3:30 لذا انتظرته للصبح صارت الساعه 8:00 وشفنه ابو البيت وسئلنا عن الإيجار
اسيل : السلام عليكم عمو
ابو البيت : وعليكم السلام تفضلي بنتي
اسيل : عمو  هذا البيت الك
ابوالبيت : اي عمو الي
اسيل : زين عمو اجكد ايجاره
ابو البيت :ليش عمو تردين تاجرينه
اسيل : اي عمو
ابو البيت : بس عمو انتن بنات صغار وين اهاليجن اجابجن لهنا
اسيل : اجت جمان وكفت يمي