ظلم طفولتي

البارت الحادي عشر

ظلم طفولتي ظلمتني الحياه        الكاتبه : Naren
ظلم طفولتي عشت معاناه           ( ظلم طفولتي )
رأيت ماساه
اهات واهات
من عالم لا يرحم الفتاه
_______________________________________
-------------------------------------------------------
_______________________________________
اسيل : بعد ما اكلنه رحنه للبحر تقربيا رجعنه الساعه 11:41 بليل رجعت ولكيت جمان نايمه لذا رحت بدلت ملابسي ونمت
جمان : كعدت الساعه 6:30  الصبح ورحت كعدت اسيل وسويت الريوك وبدلت ورحت للشغل
اسيل : بعد ماكعدتني جمان تريكت وبدلت ورحت للشغل بعد ما وصلت لبست ملابس الشغل وبديت اشتغل شويه واجه المدير
نوفل : اسيل
اسيل : نعم استاذ تفضل
نوفل : اسيل اني راح اسافر للخارج لذا ابني راح يكون المدير بغيابي
اسيل : ابنك
نوفل : اي ابني ياس هسه شويه ويجي اريدج تخبرين باقي الموظفين بهذا الشي
اسيل : تمام استاذ
اسيل :  راح المدير وشويه واجه ياس
ياس : شلونج اسيل
اسيل : يا هلا اني زينه انت شلونك
ياس : الحمد لله
اسيل : شنو تحب اكلك حضره المدير او استاذ 
ياس : هههههه الظاهر بابا كلج بالموضوع
اسيل : اي كلي
ياس : اني ما اريد ادكليلي لا حضره المدير ولا استاذ
اسيل : لعد شگلك
ياس : گللي ياس وبس
اسيل : حاضر
ياس : تمام هسه اطلعين
اسيل : لا ياس لعبنه هواي كافي لعب عندي شغل
ياس : تمام بس نطلع بليل
اسيل : اشوف
-----------------________________----------------
جمان : وصلت لمكان شغلي واني احس نفسي مشتاقه لساره المهم رحت بدلت ملابسي ومن وصلت للقسم لكيت ساره
جمان : اااااااااااااا سااره ورحت شبكته
ساره : جمان متتخيلين اجكد مشتاقتلج يا روحي
جمان : اني مشتاقتلج اكثر يا عمري
جمان : چان صراخي كلش عالي بحيث من وخرت عن ساره لكيت الموظفين كلهم ملتمين علينه واجه المدير يركض
امير : جمان شكو ليش اصرخين صار شي
جمان : لا استاذ مصار شي
امير : لعد ليش اصرخين
جمان : مو شفت ساره ومن فرحتي بيه كمت اصرخ
امير : هيج خوفتينه بصوتج فرحي بصوت ناصي بعد
جمان : حاضر استاذ انه اسفه
ساره : بعد ما راح امير والموظفين جمان رجعت شبكتني وكالت
جمان : اني كلش فرحانه لان ما اتاذيتي
ساره : واني فرحانه همين بس اشلون
جمان : شنو الشلون
ساره : شلون وافق احمد يسحب الشكوه هالشي جان من المستحيلات
جمان : اي شي عجيب ( بتوتر )
ساره : جمان صار شي اني ما اعرف بي
جمان : لا مثل شنو يعني ( بتوتر )
ساره : احجيلي شلون احمد وافق
جمان : ما اعرف ( بتوتر )
ساره : جمان متاكده ( بحده )
جمان : ضليت ساكته ما اعرف شسوي بديت ابجي
ساره : جمان حبيبتي شكو شصاير ليش تبجين
جمان ( بدموع ): احمد طلب الزواج مني مقابل اطلعين
ساره : شنو زواج لا لا دگليلي انج وافقتي
جمان : اي وافقت
ساره ( بعصبيه ) : شنو لج انتي صاحيه شلون توافقين انتي تعرفين منو احمد
جمان : انجبرت
ساره : انجبرتي شنو بعدين اسيل شلون تخليج تاخذين هيج قرار وحدج
جمان : اسيل  متعرف بالموضوع
ساره : لعد اني رايحه اگله
جمان : لا ساره عليج الله والله راح تعصب عليه ومراح تخليني ازوج
ساره : وهيج لازم يصير اسمعي انتي ما مجبوره على شي روحي وگليله انج ما تردين تزوجين لا تسوين هيج بينه جمان
جمان : مو بهاي السهوله اذا جذبت عليه راح ياذي شخص بسببي واني ما اريد يصير هيج
ساره : شنو يعني خلص انتي راح اسلمين نفسج لهيج شخص
جمان : اي
ساره : مثل ما تردين بس تاكدي اني وياج مهما صار( بهدوء بعد ما حست انو هي ماراح تكدر تقنع جمان )
جمان : شكرا الج
--------_______---------_______---------_______
اسيل : خلصت شغلي ورجعت للبيت لكيت جمان راجعه قبلي وطابخه الغده
اسيل : لك شنو كل هذا النشاط توقعت الكاج نايمه
جمان وهي تحط الاكل على الطاوله : اني نشيطه وفرحانه كلش
اسيل : وشنو سبب هاي الفرحه
جمان : ساره
اسيل : شبيه ساره
جمان : طلعت من السجن
اسيل : شنو
جمان : مثل ما سمعتي
اسيل : صدك والله
جمان : اي والله
اسيل : لا مستحيل بس شلون
جمان : ما ادري شلون ما يهمني اهم شي انو هي طلعت
اسيل : اي والله الف الحمد لله
جمان : يله بسرعه بدلي وتعالي اكلي
اسيل : اي والله اني ميته جوع
اسيل : رحت بدلت ملابسي بسرعه ورحت اكل وراه غسلت المواعين ورحت ارتاح شويه اول ما حطيت راسي على المخده دزلي ياس مسج وبدينه نسولف صارت الساعه 5:00 واني وياس بعدنه نسولف شويه واجت جمان جانت مبدله مبين انو هي راح تطلع
جمان : اسيل انتي بعدج كاعده
اسيل : اي حبيبتي كاعده تعالي
جمان : دخلت وكعدت يمه على الجربايه وملامح الحزن على وجهي
اسيل : جمان صاير شي ليش ضايجه
جمان : هزيت راسي وگلت لا مصاير شي اني بس اجيت اگلج انو اني اريد اطلع
اسيل : تمام بس لتتاخرين
جمان : تمام باي
اسيل : باي
جمان : ردت اطلع ووكفت الدموع بعيني حسيت اني اشتاقيتله من هسه درت وجهي ورحت اركض شبكته وكتله
جمان : اني احبج انتي احله صديقه او لا انتي احله اخت
اسيل : جمان شكو
جمان : لا ما كو شي باي وطلعت
اسيل : استغربت من الي سوته بس تجاهلت هذا الشي وقررت اتصل بساره
ساره : الو
اسيل : من يمته طالعه وما كايلتلي
ساره : هيج الشخص يتحمد لصديقه بالسلامه
اسيل : الف الحمد لله على سلامتج لا صدك يمته طلعتي
ساره : البارحه
اسيل : وليش ما گتيلي
ساره : ردت اسويه مفاجأة
اسيل : زين ساره صار شي اليوم وي جمان
ساره : لا مصار شي ليش
اسيل : ما اعرف چان تصرفه غريب
ساره : يا تصرف
اسيل : اجت شبكتني وكالت انو هي تحبني وچان اكو دموع بعينه
ساره : لا ما اعرف
اسيل : زين سؤال ثاني
ساره : اسألي
اسيل : شنو الشي الي خلاج تقتلين علمود شخص ثاني
ساره ( بتوتر ) : انتي شنو تقصدين
اسيل : قصدي واضح
ساره : لان جمان صديقتي
اسيل : هذا السبب مو مقنع
ساره : يعني اذا جنتي مكاني ما سوين هيج علموده
اسيل : اي راح اسوي
ساره : لعد ليش اسألني
اسيل : بس اني صديقته من زمان وانتي تعرفيه من اسبوعين
ساره : شنو تردين دكولين
اسيل : اني حاسه انج ضامه سر علينه
ساره : لا سر شنو اني ما ضامه شي
اسيل : ساره احجي الحقيقه
ساره : ما اكدر ( بعد مده )
اسيل : ليش
ساره : لان مو هسه
اسيل : لعد يمته
ساره : اسيل رجاء اني ما اكدر احجي هسه
اسيل : ردت احجي بس سدت الخط ذبيت التلفون على الجربايه وطلعت اسوي كهوه طبعا السؤال الي  سالته لساره ياس سالنياه بالاول لذا سألت ساره وطلعت شكوكنه صحيحه ساره ضامه سر علينه بس  شنو ممكن يكون السر
-------------------------------------------------------
-------------------------------------------------------
انتهى البارت