ظلم طفولتي

البارت الثاني عشر (لقاء غامض )

احمد : جنت انتظر جمان بس هي تاخرت كلش لان احنه متفقين الساعه 5:00 نعقد بس لهسه ما كو صارت الساعه 5:30 واجت بس جانت تبجي
احمد : جمان شكو شصاير ليش تبجين
جمان : ماكو شي
احمد : بس
جمان قاطعته وگالت : احمد كافي گلت ماكو شي خلينه نعقد ونخلص
احمد : تمام رحنه للمحكمه وعقدنه واني لهسه ما مصدك انو جمان صارت مرتي
جمان : عقدنه واني خايفه من الجاي اخذني احمد للبيت وشويه واجا اتصال لذا اطر انو يطلع رحت بدلت ملابسي لان اني اصلا جايبه ملابس وياي رحت نمت وكعدت الساعه 12:25 بليل على صوت رحت طلعت بره الغرفه وطلع احمد
احمد : جمان انتي لهسه ما نايمه
جمان : لا جنت نايمه بس كعدت على صوت الباب
احمد : اه اسف اذا كعدتج من نومج
جمان : لا لا تعتذر مصار شي
احمد : اوك لعد امشي نروح انام
جمان : تمام
جمان : كعدت الصبح ولكيت احمد ماكو شفت موبايلي وشفت اكثر من عشر مكالمات من اسيل عفت الموبايل ونزلت لكيت احمد يحضر بالريوك
احمد : صباح الخير
جمان : صباح النور
احمد : اسيل هواي دكت عليج
جمان : اي هي قلقه عليه
احمد : لحظه يعني انتي لهسه ما گالتلها بموضوع زواجنا
جمان : لا وما اعرف شلون اواجها
_____________________
اسيل : بعد ما طلعت جمان من البيت انتظرته لساعات بس هي ما رجعت صارت الدنيا الليل دگيت عليه بس ما ردت دگيت على ساره همين ما ترد وللصبح ما نمت صارت الدنيا الصبح اتصلت على ياس وگلتله ما اكدر اجي ورحت لمكان شغلها واول ما وصلت شفت ساره
ساره : اسيل انتي هنا
اسيل : وين جمان
ساره : جمان
اسيل : اي جمان من البارحه مختفيه وما اعرف اي شي عنه احجي وين هي
ساره : اسيل اهدي شويه واني شمدريني بجمان
اسيل : لا انتي اكيد تعرفين هي وينه البارحه جان تصرفاته غريبه
اسيل : رحت سالت ساره لان شكيت انو هي تعرف بعدين طحت بالكاع وانهاريت بالبچي
ساره : من شفته انهارت بالبچي حاولت اهديها بس ما فاد لذا مظل عندي غير اني احجيله الحقيقه
ساره : اسيل اهدي اني اعرف جمان وين
اسيل : وين احجي بسرعه
ساره بتوتر : اسيل جمان ازوجت
اسيل : نزل عليه هذا الخبر مثل الصاعقه كلتله ازوجت لا مستحيل لا دكليلي انو هي قبلت بأحمد
ساره : للاسف ما كدرت امنعه
اسيل : حاولت استجمع قوتي گمت من الكاع وكتله يمته ازوجت
ساره : البارحه
اسيل : تمام
اسيل : طلعت من المول واني مشتعله من العصبيه على هذا الي اخذ صديقتي مني وقررت اروحله للبيت
________=============___________-------
جمان : بعد ما خلصنه ريوك اندك الجرس راح احمد حته يفتح الباب وضليت اني بالمطبخ وسمعته يرحب بهذا الشخص ويكله تفضلي لذا قررت اني اطلع ومن طلعت شفت مره يطلع عمره تقريبا 45 سنه
جمان : السلام عليكم
ميسم : وعليكم السلام
احمد : ماما هاي مرتي جمان جمان هاي امي
جمان : اهلا وسهلا اني جمان
ميسم : واني ميسم
احمد : ماما اني حجيتلج بالموبايل عن جمان
ميسم : اي بس طلعت احله مما وصفته الي
جمان : شكرا خاله
احمد : جنه كاعدين طبيعي بس شويه وسمعنه صوت الجرس يندك بقوه رحت وفتحت الباب وشفت اسيل وجانت عيونه حمر
احمد : شسوين هنا
اسيل : اريد جمان
احمد : جمان ماكو
اسيل : مو بكيفك هاي صديقتي وراح اشوفه رضيت ولما رضيت
احمد : صديقتج هاي صارت مرتي لذا روحي منا قبل متشوفين شي ميعجبج
اسيل : مراح تخوفني اني مو بس صديقته اني اخته من چنه صغار وهسه اكدر اقنعه انو تعوفك
احمد : متحملت كلامه لذا طلعت المسدس وحطيته براسها وكتله اياج اسيل اياج ثم اياج تقتربين من جمان
جمان : بعد ماراح احمد تاخر هواي لذا رحت ورا وشفته حاط المسدس براس اسيل وصحت عليه
جمان : احمد جدسوي وخر المسدس عنه
احمد : جمان
اسيل : من شفته وخرت احمد ورحت شبكته
جمان : اسيل
اسيل : ولج ليش ليش هيج سويتي ها
جمان : اسفه سامحيني بس جنت مجبوره
اسيل : اكو وحده تزوج من دون علم اخته
جمان : جنت اعرف انج مراح تقبلين
اسيل : اي اكيد مراح اقبل انو تزوجين واحد مثل هذا
احمد : هيي لتجاوزين حدودج
اسيل : انت الي اجاوزت حدودك من جبرت بنيه متريدك على الزواج منك
جمان : اسيل كافي بلا مشاكل
احمد : اسمعي زين تره اني خليتج تشوفين جمان بس لانج صديقته
جمان : احمد كافي اياك تحجي وي اسيل بهاي الطريقه
احمد : تمام بس گولي هذا الحجي لصديقتج همين
جمان : تعالي اهدي ودخلي لجوه
اسيل : اخذتني جمان ودخلنه لجوه شفت مره كاعده يم احمد وعرفت من جمان انو هاي ام احمد كعدت وتعرفت عليه بس جانت تباوعلي بنظرات غريبه صارت الساعه 10:00 وكتلهم لازم اروح طلعت من البيت ورحت للمطعم
ياس : اسيل شنو صار
اسيل : صار الي جنت خايفه منه
ياس : شنو قصدج
اسيل : احمد اجبر جمان على الزواج منه
ياس : شنو
اسيل : اي بس الظاهر جمان متخذه قراره ومراح تتراجع
ياس : يعني معقوله ازوجه بدافع الحب
اسيل : اي مبين انو هو يحبه من صدك
ياس : اوك خن نشوف وين يوصل هذا الزواج
اسيل : بس اني خايفه على جمان
ياس : اهدي ماكو داعي للخوف بكل الاحوال مراح يكدر ياذيها
أسيل : بعد ما خلصت شغلي رجعت للبيت بس ظلت نظرات ذيج المره براسي واسئل نفسي ليش تباوعلي هيج بس ما فكرت بالموضوع هواي سويت اكل لنفسي اكلت ونمت
________________________
ميسم : رحت لبيت ابني علمود اشوفه خصوصا بعد خبر زواجه وهناك شفت بنيه اسمه اسيل شكيت انو هي نفس البنيه الي ادور عليه ركزت بملامحه زين وبعد ما رجعت للبيت جنت تعبانه لذا نمت بدون اكل وكعدت الساعه 5:32 وهمين كعدت اغكر بنفس الموضوع لذا قررت اسئل اختي رحمه عن هذا الشي
____________________________
جمان : بعد ما راحت اسيل طلعت ام احمد ومن صارت الساعه 12:00 اقترح عليه احمد انو نتغده بره وافقت ورحنه تغدينه
احمد : عجبج المكان
جمان : اي عجبني
احمد : حلو لعد يمته ما تردين تجين لهنا كليلي
جمان : تمام بس عندي طلب
احمد : شنو
جمان : اريد اشوف اسيل
احمد : مو الصبح جانت يمج
جمان : شفت ملامح احمد تغيرت فجأه فكتله اي بس اشتاقيتله بعدين احنه شمتفقين احمد
احمد : تمام تمام اني ما كلت لا بس مو هسه خليه بليل
جمان : اوك خلصنه غده ورجعنه للبيت
_______________________________________
انتهى البارت اتمنى عجبكم