ظلم طفولتي

البارت العاشر ( انا موافقه)

جمان : الو
احمد : شلونه الحلو
جمان بخوف : انته
احمد : اي اني ما مشتاقه تسمعين صوتي
جمان : لك شتريد مني ليش متعوفني بحالي
احمد : واريدج انتي ليش مجاي تفهمين انو اني احبچ واريدج
جمان : وانته ليش ما تفهم انو اني ما أريدك ولا اطيقك
احمد : انتي تعرفين انو صديقتج دخلت للسجن بسببج
جمان : بسببي
احمد : اي بسببج ما تردين تساعديه
جمان : شلون اساعده
احمد : اني اگلج شلون اساعديه
جمان : شلون
احمد : راح اسحب الشكوه بس بشرط
جمان : واني موافقه على الشرط مهما كان
احمد : تزوجيني
جمان : شنو لا مستحيل
احمد : انتي كلتي راح توافقين على الشرط مهما كان
جمان : اي بس مو زواج
احمد : هذا شرطي اذا توافقين اسحب الشكوه
_______________________________________
اسيل : بعد ما راح ياس للبيت رحت نمت ورن موبايلي الساعه 5:00 رديت
ياس : الو
اسيل : الو منو انته
ياس : هاي شبيج اسيل فاقده الذاكره لو شنو اني ياس
اسيل : ها معرفت صوتك لان توني كاعده من النوم ف بعدني ممصحصحه
ياس : وهسه صحصحتي
اسيل : اي صحصحت
ياس : اوك بما انو انتي صحصحتي شنو رئيج نطلع
اسيل : وين
ياس : مفاجئة
ما اگلج هسه حضري نفسج ب 6:30 اجي اخذج
اسيل : تمام باي
ياس : بايات
اسيل : حسيت بفرحه من گلي نطلع والابتسامه انرسمت على وجهي اول مسمعت صوته كمت من الفراش وحضرت نفسي تقريبا خلصت ب6:00 ورحت حته اگل لجمان انو اني طالعه بس من رحت لغرفته ملكيتها جن جنوني ودورت عليه بالبيت كله بس ملكيتها صارت الساعه 6:22 ودك موبايلي طلع المتصل جمان لزمت الموبايل واني ايدي ترجف
اسيل : الو جمان وينج من يمته اتصل ليش متردين جمان : اسفه ما انتبهت
اسيل : وين انتي
جمان : اني وي صديقتي
اسيل : رجعي للبيت بسرعه
جمان : ليش
اسيل : جمان گلت رجعي يعني رجعي بسرعه
جمان : تمام
اسيل : سديت الموبايل و ارتاحيت لان جمان بخير ومصايرله شي الساعه 6:30 اجت جمان
اسيل : منو هاي صديقتج الي ترحين وياه بدون مدگليلي (بعصبيه)
جمان : اسيل انتي ليش هيج معصبه اني شسويت
اسيل : شسويتي لج متت خوف عليج
جمان : اسفه مو قصدي اخوفج عليه بس انتي جنتي نايمه ومحبيت ازعجج
اسيل ( بدموع) : شبكتها وگلتلها : ازعجيني شنو شراح اسوي إذا صارلج شي لج اني ماعندي لا أهل ولا أقارب ولا اخوات اني عندي صديقت عمري وبس الي هي انتي اذا رحتي من ايدي شسوي ها
جمان : كلامها أثر بيه لدرجه مو طبيعيه بديت ابجي وياه اخير شي گلتله (كافي والله اسفه بعد ما اطلع بدون علمج اسفه)
اسيل : وخرت عنه وگلتلها توعديني
جمان : اوعدج
اسيل : تمام
جمان وهي تمسح دموعها : ليش مبدله
اسيل : راح اطلع
جمان : وي منو
اسيل : وي ياس
جمان : اوك ديري بالج على نفسج
اسيل : اوك
جمان : اني رايحه ابدل ملابسي
اسيل : وره ثواني من روحت جمان اجه ياس وفتحتله الباب
اسيل : هلوو شلونك
ياس : هلوو زين الحمد لله انتي شلونج
اسيل : اني زينه صدك مگلتلي وين المكان
ياس : موكتلج مفاجئة هسه نوصل وتعرفين
اسيل : تمام يله نروح
ياس : يله
اسيل : صعدنه بالسياره واني متحمسه لمفاجئه ياس وره ربع ساعه وصلنه لحديقه چبيره وحلوه وجانت الشمس جاي تغرب نزلنه من السياره بس الحديقه جانت تخبل رحنه كعدنه يم شجره جبيره ونباوع لغروب الشمس المنظر جان يجنن
ياس : اني كلش احب هذا المكان
اسيل : اي المنظر كلش حلو ويريح الشخص
ياس : اي اني كل ما اضوج اجي لهنا حسيت بيج ضايجه ومختنكه من الأحداث الي صارت
اسيل : اي والله اني مو بس مختنكه لا طلعت روحي من هاي المشاكل من اجينه لهسه احنه مشكله وره مشكله مليت عبالي راح نخلص من العذاب عبالي راح نصير احرار بس طلع ثمن الحريه كلش غالي
ياس : لدكولين هيج كلشي واله حل
اسيل : ان شاءالله
اسيل : ضلينه لحد 8:12 احنه نسولف ونضحك كلش تونست
ياس : اسيل اني جعت وانتي
اسيل : اني هم جعت
ياس : لعد امشي نروح للمطعم
اسيل : تمام
_______________________________________
جمان : سديت الموبايل واني معصبه حرت ما اعرف شسوي صارت الساعه 4:30 بدلت وقررت اني اروحله للبيت رحت ودكيت الباب وفتحلي جانت علامات الاستغراب على وجه
احمد : يا هلا وميت هله بحبيت القلب
جمان : لا اهلا ولا سهلا بيك
احمد : ههههههه اكثر شي يعجبني بيج انج جريئه وبنفس الوقت جبانه
جمان : اسمع اجيت احجي وياك بموضوع الشكوه
احمد : راح نحجي بالباب تفضلي جوه
جمان : دخلت وسد الباب وراي كعدت واجه كعد يمي
احمد : احجي
جمان : باوع انسه فكرت الزواج احسلك لان مستحيل أوافق
احمد : ليش حته ما توافقين رغم اني احبچ ومستعد اسوي اي شي علمودج
جمان : جذاب
احمد : ليش جذاب
جمان : انت تريد تتونس مستحيل واحد مثلك ممكن يحب لان ماعندك قلب تحب بي إذا جنت تحبني من صدك ما جنت خطفتني واذيت صديقتي وهددتني بيه
احمد : شسوي حته اثبتلج انو اني احبچ
جمان : انت اذا جنت تحبني راح تتمنالي السعاده مو
احمد : اي طبعا اتمنالج السعاده وراح اعيشج بسعاده صدكيني
جمان : بس سعادتي مو وياك
احمد : انطيني فرصه وحده
جمان : صفنت شويه وفكرت بكلامه وگلتله ( وساره)
احمد : راح اسحب الشكوه
جمان : ما جنت اريد أوافق لان اعرف منو هو أحمد بس اذكرت ساره وتذكرت شلون سوت كلشي علمودي
احمد : جمان شنو ردج
جمان : اني موافقه
احمد : من سمعت كلمه موافقه من عده فرحت وحسيت انو اني اكثر انسان محظوظ بهاي الدنيا
احمد : والله يعني انتي موافقه
جمان : بس هسه تروح تسحب الشكوه
احمد : اي اكيد راح اسحب الشكوه واذا عندج اي شرط ثاني اني موافق عليه
جمان : اني هسه لازم ارجع للبيت وبعدين نحجي
احمد : براحتج
جمان : طلعت من البيت وشفت الموبايل وجانت اسيل حاركه الموبايل حرك من الاتصالات فتصلت عليه انجبرت انو اجذب عليه لان ادري بيه راح تعصب اذا تعرف اني وين رجعت للبيت وشفته مبدله ومن گالتلي انو راح تطلع هي وياس صار عندي شك بس تمنيت هذا الشك يطلع صدك المهم رحت بدلت ونمت گبل من التعب
_______________________________________
انتهى البارت أنطوني ارائكم