ظلم طفولتي

البارت السابع

ظلم طفولتي        ظلمتني الحياه          (ظلم طفولتي)
ظلم طفولتي          عشت معاناه
رأيت مأساه             آهات واهات          الكاتبه :Narren
من عالم لا يرحم الفتاه
_______________________________________
اسيل : كعدت الصبح وجانت الساعه 7:00 رحت غسلت وجهي وبعدين رحت لغرفه جمان فتحت الباب وشفته نايمه ارتاحي من شفته وكلت الحمد لله انو هي رجعت بخير بعدين رحت وحضرت الريوك كملته ورحت كعدته
اسيل : جمان جمان يله كعدي راح تتأخرين عن الشغل
جمان : تمام راح اكوم بس عشر دقايق
اسيل : لا ماكو عشر دقايق هاي العشر دقايق راح تصير نص ساعه
جمان : لا والله بس عشر دقايق
اسيل : تمام راح اروح وره عشر دقايق اذا ما جيتي اجي اسحلج سحل
جمان : اوك
اسيل : رحت وبديت اتريك وره ربع ساعه اجت وكوه تفتح بعيونه
جمان : بيش الساعه
اسيل : 7:41
جمان : اوف ما اريد اروح لشغل بعدني ما شابعه نوم
اسيل : ليش انتي يمته اشبعين نوم
جمان : هو النوم ينشبع منه
اسيل : انسي النوم الي يريد يعيش بهاذه العالم لازم يتعب والي يريد يوصل لهدف لازم يسهر الليالي
جمان : بس اني بنيه رقيقه ما اتحمل شغل وتعب
اسيل : ضحكت عليه وكمت وكلتله يرقيقه راح تتأخرين وتترزلين تره
جمان : اي ادري هو اني ما كله رزاله ما كلتها خلي اتأخر شوي
اسيل : لا حبيبتي انتي تعوتي مو
جمان : انتي مو عدة شغل ما ترحين
اسيل : رايحه وديري بالج على روحج
جمان : تمام
اسيل : طلعت من البيت ورحت على شغلي وبلشت اشتغل شوي ودخل ياس للمطعم جنت اشتغل ما منتبه
ياس : مرحبا اسيل
اسيل : مرحبا ياس
ياس : شلونج
اسيل : اني الحمد لله وانته شلونك
ياس : اني زين الحمد لله وجمان شلونه بعد الشي الي صار وياها
اسيل : جمان زين اما بالنسبه للشي الي صار وياها فهي طبيعيه ولا كانوا صار شي اصلا
ياس : زين هاذه الشي إيجابي
اسيل : شكرا على وكفتك وياي
ياس : مو كافي من البارحه لهسه انتي تشكريني
اسيل : الشي الي سويته يستاهل الشكر
ياس : سويت هاذه الشي بصفتي صديقج بس البارحة ردتي ادكولين شي بس ما كدرتي
اسيل : شنو هاذه الشي
ياس : ما اعرف كلتي قراراتج الخاطئة وسكتي
اسيل : اه اي صحيح
ياس : شنو جان قصدج
اسيل : ضليت ساكته وادور بعيوني
ياس : تمام الظاهر انو انتي لهسه ما توثقين بيه
اسيل : لا لا تفهمني غلط اني أوثق بيك لأنك صديقي بس ما أكدر احجي بمكان عام خلينه نطلع ونحجي
ياس : اوك
اسيل : لعد اني رايحه اطلب من المدير اذن حته اطلع
ياس : اوك لعد راح انتظرج بره
اسيل : رحت واستاذنت حته اطلع طلعت ورحنه اشترينه موطه وكعدنه على البحر
ياس : يله احجي
اسيل : اني وجمان عشنه بميتم من جنه صغار مانعرف شي عن أهله او اقاربنه وانت تعرف شنو يعني نعيش بميتم جانت العيشه صعبه هناك جنت متحمله كل هاذه واكول عادي فتره وتخلص بس بعد ما نجحت من الثالث المديره مقبلت اكمل دراسه عاندت ووكفت بوجها لان اذا اترك دراستي معناها مستقبلي وحياتي واحلامي راح تدمر فقررت اهرب وطبعا جمان نفس الشي وبعد ما هربنه اجينه لهنا
ياس : لهذا السبب حملتي نفسج المسؤولية
اسيل : اي
ياس : انتي بنيه جريئه مو اي وحده بعمرج تخاطر هيج مخاطره
اسيل : اي بس ما اخفي اني جنت خايفه من إذا يلزمونه او اني أواجه مشاكل هنا بس ما جنت متوقعه راح الگه صديق مثلك انته اول انسان أوثق بي من بعد جمان محد وگف وياي من قبل ف شكرا لانك وياي
ياس : واني هم ما عندي هواي أصدقاء وخصوصاً اني جنت عايش ببلد غير بلدي جنت احس بالغربه لذا مجان عندي هواي أصدقاء وانتي اول صديقه
اسيل : ظلينه اني وياس نحجي لوقت طويل واخذ رقمي جان يسولفلي على حياته السابقه تونست كلش ويا
__________________________________________
ساره : بعد ما انقذنه جمان رجعت للبيت بوقت متأخر تلكوني اخواني الصغار
ايه : ساره ليش تأخرتي
يوسف : خفنه عليج
ساره : ماكو داعي للخوف هاي اني اجيت
ايه : مگلتي ليش تأخرتي
ساره : جان عندي شغل هوايه
ايه : زين شنو هذا الجرح الي بايدج
ساره باوعت للجرح وگالت : ماكو شي حبيبتي جرح عادي ااا صحيح اكلتو
يوسف : لا
ساره : ليش؟
ايه : جنه منتظرينج
ساره : ياعمري هسه ابدل بسرعه واجي اوك
ايه ويوسف : اوك
ساره : رحت لغرفتي بدلت ورحت صبيت الاكل واكلنه وكلتلهم تأخر الوقت ولازم انام اخذتهم للغرفه بستهم وغطيتهم وطلعت رحت لغرفتي حته انام لان اليوم جان تعب بتعب كعدت الصبح الساعه ٦:٠٠ لگيت ايه ويوسف بعدهم نايمين بدلت وطلعت للشغل وصلت لگيت جمان هناك
ساره : صباح الخير جمان 
جمان : صباح النور
ساره : شلونج اليوم
جمان : الحمد لله زينه وانتي
ساره : الحمد لله
جمان : ضلينه نسولف اني وساره وفجأه دخلت الشرطه
الشرطي : وين مدير هاذه المكان
أمير : اني المدير شكو شصاير
الشرطي : عندك موظفه اسمه ساره
أمير : ليش
الشرطي : جاوب
أمير : اي عندي بس ليش
الشرطي : اكو واحد مقدم شكوه عليه
أمير : شنو سيدي اني اعرف هاي البنيه هي ماتسوي شي غلط
الشرطي : اني ما اعرف المهم جيب البنيه لهنا
أمير : تمام  رحت وكلت لساره كلشي
أمير : ساره تعالي
ساره : وين استاذ
أمير : الشرطه يردوج
ساره : اول ماسمعت كلمه شرطه ارتبكت وكلت ش شرطه بس اني مم ممسويه شي
أمير : ما اعرف بس همه يردوج لذا تعالي يله
ساره : تمام اني جايه
ساره : رحت وي أمير وجنت خايفه
الشرطي : انتي ساره
ساره : اا اي اني ساره
الشرطي : اكو شخص مقدم عليج شكوه مال قتل لذا لازم تجين ويانه
ساره : ظليت مصدومه من كلامه الكل ضل يباوعلي باستغراب ودمعه جانت بعيني عرفت انو همه عرفوا بكلشي  مرت لحظات واني مجمده بمكاني وشفت الشرطي أشر لواحد من الشرطه حته يقبض عليه اجه الشرطي ومجنت أكدر اتحرك فجأه سمعت صوت جمان

يتبع
_____________________________________
انتهى البارت كتبولي تعليقاتكم ارائكم بالبارت