ظلم طفولتي

البارت الرابع عشر (مؤامرة )

لا تبالي فستشفى الجراح      ( ظلم طفولتي )
وظلام الليل لن يطول
انصتي                     الكاتبه : Narren
ففي كل صباح
صوت في الاعماق يقول
كلما زارنا طيف حب لاينام
هزنا زادنا املا لايخشى الايام
&&&&&&&&&&&&&
_______________________
$$$$$$$$$$$$$$$$$
جمان : مرت الايام عاديه بس لاحظت انو احمد يحبني حب حقيقي وما يرفضلي طلب ما انكر اني بديت اتعلق بي واحبه بس ما اكدر اعترف لنفسي او اله
_______________________________________
اسيل : جنت كاعده منتظرته واندك الجرس عرفته هو لذا رحت فتحت الباب ودخل وبعد ما سلمنه ظلينه ساكتين شويه مرت تقريبا عشر دقايق وحجه
ياس : اسيل انتي تعرفيني زين واعتقد انو من الفتره الي مرت المفروض تعرفين حبي الج واني ما اعترفت الى لمن اتاكدت انو انتي تبادليني المشاعر نفسه
اسيل : شلون عرفت انو اني ابادلك نفس المشاعر
ياس : من عيونج الانسان اذا خجل او خاف انو يحجي شي فالعيون راح تحچي مكانه
اسيل : صحيح اكثر شي يفضح الانسان هي العيون
ياس : ما سمعت رأيج بالموضوع
اسيل : تستحق انطيك فرصه
ياس : يعني انتي تحبيني
اسيل : خجلت انو اگله احبك بس ما اعرف شلون كمت وشبكته وگتله احبك وخرت عنه واني اشوف الصدمه على وجه حسيت انو اكو حراره تاكل وجهي عفته وركضت للغرفه وقفلت الباب واني اسمعه يضحك اجه يم الباب وگلي تصبحين على خير ظليت ساكته ما جاوبته هو راح وسد الباب
ياس : طلعت ورحت للبيت واني ميت فرح ماتوقعت تصرفه كل ما اذكر وجه اكوم اضحك عليه خطيه كلش خجلت
اسيل : بعد ماراح طلعت من الغرفه رحت غسلت وجهي وحاولت انو انام بس ما كدرت سويت كهوه وظليت كاعده للصبح واني افكر بي صارت الساعه 7:00 الصبح واندك الجرس رحت فتحت وشفت جمان گبل شبكتني وجان احمد واكف وياها
جمان : اشتاقتلج ياروحي
اسيل : واني هم اشتاقيتلج
جمان : لعد ليش ما تجين
احمد : اعتقد انو هي ماتريد تشوف وجهي
اسيل : اوف انته بعدك هيج مستفز
احمد : شسوي مو بيدي اني احب استفزج
جمان : اوف ميصير كل ما تلتقون يصير هيج
احمد : حبيبتي انتي تعرفين انو احنه ما نطيق بعض
جمان : لا اسيل ما تحقد على احد ( تباوع على اسيل ) مو اسيل
اسيل : اي طبعن
احمد : لا انتي وحده حقوده والدليل حته ما گلتينه اتفضلو
اسيل : اتفضلو
احمد : يله جمان خل ندخل
جمان : دخلنه اني واحمد وكعدنه وجابت الكهوه وهمه يتعاركون احمد گال انو يريد يروح گتله اوك راح احمد وگتله
جمان : اي اسيل حاسه اكو شي صاير
اسيل : الحقيقه اي
جمان : اي وشنو صاير
اسيل : سولفتله كلشي وهي فاتحه حلكه من الصدمه
جمان : هذا كله صاير واني ماادري
اسيل : اي
جمان : اي والله من اول مره شفتكم سوه عرفت راح يصير شي واحساسي ما غلط بس اكلج شو الساعه صارت ب9:00 وانتي ما رايحه للشغل شنو اخذتي اجازه لو شنو
اسيل : يمعوده شلون راح اراوي وجهي يعد الي صار البارحه
جمان : وشنو المشكله يعني انتي تحبي فطبيعي من شنو خجلانه روحي هو اكيد ينتظرج
اسيل : يعني اروح
جمان : اي يثوله روحي
اسيل : بس خاف
جمان قاطعته : خاف شنو دولي الولد ينتظرج
اسيل : لا مااكدر
جمان : دروحي وجربي
اسيل : والله خايفه
جمان : انچبي ماكو داعي للخوف
اسيل : اوك راح اروح بس اذا صار شي خلاني اتمنه الگاع تنشك واضمني لتلومين الا نفسج
جمان : اوك بس روحي
اسيل : رحت بدلت ملابسي وطلعت وصلت للمطعم رحت بسرعه بدلت ملابسي وكفت واني اتلفت واگول ( همزين اعتقد مجاي ) بعدين سمعت صوت وراي
ياس : منو تقصدين
اسيل : درت وجهي وشفته گلت (ياس انته يمته اجيت )
ياس : اجيت من الصبح انتي المتأخره
اسيل : اني
ياس : اي انتي اكو واحد يجي للشغل ب 9:30
اسيل : مواني
ياس قاطعه : ماكو داعي للاعذار اصلا اني ادري ليش اتأخرتي
اسيل : ليش بله
ياس : خدودج الي راح ينفجرن
اسيل : شنو
ياس همس باذنه : اكثر شي حبيته بيج خجلج
اسيل : ياس راح يشوفنه واحد
ياس : ماعندي مشكله
اسيل : نلتقي بعدين حبيبي
ياس : رادت تروح جريته من ايده وگتله وين رايحه
اسيل : عندي شغل
ياس : يعني اني المدير هنا فلا تخافين من هذا الموضوع
اسيل : باوع حبيبي صح اني احبك
ياس : شنو
اسيل : شنو شنو الغريب بكلامي
ياس : عيديه مره ثانيه
اسيل : شنيه
ياس : احبك
اسيل : لا
ياس : ليش
اسيل : الك حق تسمع هاي الكلمه مره وحده بالاسبوع
ياس : لا اسيل شنو مره وحده بالاسبوع
اسيل : اسفه لكلشي ثمن وهذا ثمن الحب
ياس : زين عوفينه من هذا الموضوع اكو شي مهم اريد اگوله
اسيل : گول شنو هذا الموضوع
ياس : بس اول شي اوعديني ما تعصبين
اسيل : لا مااعصب بس احچي
ياس : شوفي هو الموضوع مصار بارادتي جنت مجبور صدكيني
اسيل : عصبت حيل من المماطله مالته بس بنفس الوقت خفت كلش  وگتله ( لك ياس احچي بسرعه راح توكف كلبي )
ياس : اوك بس اوعيديني انج راح اظلين تحبيني بعد هذا الكلام
اسيل : تمام اوعدك بس احچي
ياس : اسيل اني ااا احبج
اسيل : شنو
ياس : احبج ما سمعتي
اسيل : عصبت حيل ضربته على صدره وهو يضحك وبعدين رحت اشتغل واني معصبه حاول ياس انو يراضيني بس اني ما قبلت صارت الساعه 12:00 وخلص وقت دوامي لذا رجعت للبيت تغديت ورحت لغرفتي بعدين اذكرت موضوع الشغل الي عرضته عليه ام أحمد بالبدايه جنت متردده بقراري اما بعد ما اعترفلي ياس صرت متاكده اني مراح اعوف شغلي لذا اتصلت عليه
اسيل : مرحبا
ميسم : مرحبا منو وياي
اسيل : اني اسيل الي التقيتيه بالمطعم
ميسم :ااه اسيل اهلا بيج حبيبتي اتصلتي علمود عرض الشغل مو
اسيل : اي شوفي ست ميسم اني ما اكدر اقبل بالعرض
ميسم : ليش
اسيل : اني مرتاحه بشغلي
ميسم : تمام حبيبتي مثل ما تردين
اسيل : شكرا على تفهمج
ميسم : باي
اسيل : باي
ميسم : سديت الموبايل واني معصبه وگلت بكلبي ( تمام اسيل انتي الي اختاريتي هاي الطريقه ) رفعت الموبايل واتصلت
ميسم : كلشي جاهز
مجهول : اي كلشي جاهز انتي بس امري
ميسم : راح انفذ الخطه
مجهول : اوك
_______________________________________
اسيل : بعد ما سديت الموبايل ردت انام بس اول ماغمضت عيوني اتصل عليه ياس
اسيل : الو
ياس : شلونج حبيبتي
اسيل : نعسانه
ياس : شسوي ياحبيبتي غير اشتاقيتلج
اسيل : يمته لحكت تشتاقلي مو قبل شويه جنه سوه
ياس : اريدج دوم يمي
اسيل : ان شاء الله حبيبي بالمستقبل
ياس : هسه المهم اطلعين بعد شويه
اسيل :وين
ياس : معليج انتي المهم انو تجين الساعه 8:00 وتلكيني يم السوبر ماركت اوك
اسيل : اوك
ياس : يله باي حبي
اسيل : باي
اسيل : سديت المبايل ووقته ونمت كعدت الساعه بالسته جهزت نفسي وخلصت الساعه 7:45 وطلعت من البيت بس واني جاي اعبر الشارع حسيت واحد دفعني للشارع وصدمتني سياره صارت الصوره مشوشه عندي ما اسمع غير صوت ياس وهو يصيح باسمي الى ان فقدت الوعي
_________________________________

خلص البارت انطوني ارائكم وتعليقاتكم
ملاحظه : اسفه كلش على التاخير