ظلم طفولتي ظلمتني الحياه. ( ظلم طفولتي)
ظلم طفولتي عشت معاناه. الكاتبه :Narren
رأيت مأساه آهات و آهات
من عالم لايرحم الفتاه
_______________________________________________
اسيل : بعد ماوصلنه للمكان بدينه نخطط شلون راح ندخل
اسيل : ساره وياس انتو ابقوا هنا اني راح ادخل بعدين اتصل بيكم ياس : شلون تردين ادخلين وحدج لازم واحد يدخل وياج
ساره : اي صحيح اصلا ذولي ناس خطيرين
اسيل : بس ما أكدر اعرضكم للخطر وانتوا ما الكم ذنب
ياس : اسيل احنه ما اجينه حته نباوع وبس لذا راح ندخل ثلاثته
اسيل : تمام
ساره : دخلنه لذاك المبنى وجان كلشي قديم واحس السقف راح يوكع علينه بعدين سمعنه صوت رحنه لغرفه ولكينه مجموعه شباب كاعدين عرفنه انو ذولي همه العصابه الي خطفت جمان جانوا ملتهين وما منتبهين انو اكو شخص دخل رحنه ندور على جمان وقررنه نفترق وندور
اسيل : بعد ما افترقنه بديت ادور دورت بكل الغرف بس مالكيت شي منا لمن وصلت لغرفه مقفوله
اسيل : جمان انتي هنا جمان اذا انتي هنا ردي عليه جمان
جمان : اسيل هاي انتي
اسيل : اي ياروحي اني انتي بخير
جمان : اني بخير بس طلعيني اسيل راح اموت من الخوف
اسيل : لتخافين راح اطلعج بس انتظري شوي
اسيل : بديت ادور على شي أكدر افتح بي الباب بس كلشي مالكيت
اسيل : جمان اني راح اروح اجيب المفتاح من عدهم حته أكدر افتح الباب
جمان : اسيل ديري بالج مو يلزموج والمفتاح عد شاب اشقر وعيونه عسلي
اسيل : تمام
اسيل : رحت رجعت لذيج الغرفه وبالطريق شفت ياس وكلتله انو اني لكيته ورحنه سوه وصلنه ولكيناهم نايمين دخلت للغرفه بهدوء رحت على واحد اشقر دورت على المفتاح بجيوبه وكدرت الكاهن أشرت لياس بالمفتاح وهو سوالي 👍 ردت اطلع بس عثرت بأيد واحد من من الشباب ووكعت وطيحت المزهرية رفعت راسي واشوفهم يباوعون عليه بنظره حاده وتخوف حجه واحد من عدهم
احمد : منو انتي وشسوين هنا
اسيل : ضليت مجمده بمكاني من الخوف حاول واحد من عدهم يلزم ايدي بس ياس اجه ودفعه ولزم ايدي وهربنه من عدهم ضلوا يركضون ورانه المبنى جان چبير كلش يعني نطب منا ويطلعونه منا وضلينه على هاي الحاله نص ساعه تقريبا منا لمن وصلنه لطريق مسدود وما احس الا واحد ضربني على راسي وفقدت الوعي
ساره : بعد ما افترقنه ضليت ادور وكلشي ملكيت بعد فتره قصيره شفت العصابه يركضون وره ياس واسيل جنت خايفه وما كدرت اساعدهم اخير شي كدروا يلزموهم فكلت لازم انقذهم
اسيل : كعدت ولكيت نفسي مربطه وياس يمي حاولت اكعده بس راسي جان بعده يوجعني من الضربه بس واخيرا كعد
ياس : اسيل شنو الي صار
اسيل : كدروا يلزمونه
ياس : شراح نسوي هسه
اسيل : ما اعرف ردنه ننقذ جمان من الخطف بس انخطفنه وياها
ياس : بعد ثواني من الصمت حسيت دموعها تنزل
ياس : اسيل شكو ليش تبجين
اسيل : انه اسفه ورطتك بشي انت ماالك ذنب بي انته هنا بسببي
ياس : اسيل كافي لتلومين نفسج اني اجيت بارادتي ومحد جبرني
اسيل : اذاصرلك شي بسببي ماراح اسامح نفسي ابد
ياس : لتخافين
اسيل بدموع : كله صار بسببي
ياس : ولج كافي تلومين بنفسج ماكوشي يصير بسبب هاذه وبسبب ذاك ما يصير اله الي يكتبه النه الله
اسيل : قراراتي الخاطئة هي السبب
ياس : شنو قصدج قراراتج الخاطئه
اسيل : ردت احجي ما حسيت الا الباب انفتح ودخل واحد مضهره يخوف سد الباب وتقرب يمي
احمد : منو انتي وشسوين هنا
اسيل : اني هنا حته انقذ صديقتي
احمد : اه انتي الي اسمج اسيل مو اتصلنه عليج علمود الفديه
اسيل : اي اني
احمد : والله بجيتج لهنا اثبتي انو انتي صدك جريئه
اسيل : وين جمان
احمد : لهاي الدرجه صديقتج مهمه بالنسبه الج
اسيل : وين جمان
احمد : تمام شنو رئيج نسوي اتفاق اني وياج
اسيل : احجي
احمد : احنه هسه صار عدنه بدل الرهينه رهينتين مو
اسيل : شنو تقصد منو الرهينتين
احمد : صديقتج وهذا الولد
اسيل : خلصني كول شتريد ( بعصبيه)
احمد : تمام اهدي اريدج تشتغلين ويانه
اسيل : ما فهمت ششتغل يعني
احمد : يعني انتي بنيه حلوه واذا كتلناج خساره مو
اسيل : كمل
احمد : يعني شنو رئيج مقابل سلامه صديقتج والولد تشتغلين بنادي
ياس : انته تخبلت مستحيل يصير هاذه الشي هي مستحيل توافق
احمد : هي الي تقرر مو انته جكلتي اسيل اذا جنتي تردينه يموتون رفضي الموضوع
اسيل : ضليت ساكته ما اعرف شحجي ما أكدر اكون انانيه وارفض هاذه الشي بس بنفس الوكت ما أكدر اوافق اشتغل بنادي وابيع نفسي
احمد : راح اعوفج تفكرين بس اذكري حياه اثنين أشخاص بين ايديج ففكري زين
اسيل : طلع احمد وقفل الباب
ياس : اسيل لا توافقين
اسيل : ما أوافق شلون يعني اخليك تموت بسببي
ياس : يعني شنو اخذتي قرارج
اسيل : ماعندي غير هذا الحل
ياس : لا ماراح اسمحلج
اسيل : بس اذا ما وافقت راح نموت كلنه
ياس : خلينه نفكر بغير حل
اسيل : مثل شنو يعني
ياس : ساره ساره لحد هسه ما لازمينه يعني ممكن تنقذنه
اسيل : ما اعرف حايره حايره
ياس : ضلينه ساكتين ربع ساعه وانفتح الباب بس هاي المره ساره هي الي فتحت الباب
اسيل وياس : ساره
ساره : انتو بخير اذوكم
اسيل : لا
ساره : حررتهم وكلتلهم يله لازم نروح نطلع جمان
اسيل : والعصابه
ساره : العصابه ما موجودين حاليا
اسيل : وين راحوا
ساره : ما اعرف وما عدنه وكت بسرعه
اسيل : تمام يله
اسيل : طلعنه من الغرفه وطلعنه جمان وطلعنه من المبنى واخيرا رجعنه للبيت طبعا جمان سئلتني عن الي صار وياي واني حجيتلها كلشي
جمان : شنووو طلبوا من عندج تشتغلين بنادي
اسيل : اي
جمان : لعد اجكد حقراء شلون يطلبون من عندج هيج شي
اسيل : مو مشكله حبيبتي المهم انو كلشي انتهى هسه
جمان : يعني انتي جنتي راح توافقين علمودي
اسيل : اكيد اني ما عندي غيرج بهاي الدنيه كله
جمان : شبكتها وكلتلها واني ماعندي غيرج بهاي الدنيه
اسيل : يله ياعمري انتي تعبانه روحي ارتاحي
جمان : تمام وانتي هم ارتاحي لان تعبتي
اسيل : اوك
_______________________________________________
انتهى البارت
أنت تقرأ
ظلم طفولتي
Mystery / Thrillerاسيل تعيش حياه صعبه بالميتم الا ان يجي يوم وتقرر تهرب والسؤال راح تكون النتائج للأفضل ام للاسؤ
