ظلم طفولتي ظلمتني الحياه ( ظلم طفولتي )
ظلم طفولتي عشت معاناه
رأيت ماساه الكاتبه : Narren
اهات واهات
من عالم لايرحم الفتاه
_____----_____-----_____----_____-----_____--
ياس : بعد ماشفت اسيل وكعت كدامي فقدت عقلي رحت اركضله وشفته غارقه بدمه كبل اتصلت بالاسعاف اجت سياره الإسعاف واخذته جانت تردد باسمي بعد مادخلوها ظليت كاعد بره حطيت ايدي على راسي وفجأه اتذكرت شي اتذكرت ذاك الي دفعه جان متعمد بس جان ملثم ماكدرت اشوف وجه الف سؤال اجه براسي منو ذاك الي دفعه وليش اسيل گالتلي انو هي ماتعرف احد هنا مرت ساعه كامله وطلع الدكتور
ياس : دكتور شنو صار
الدكتور : المريضه حالته مستقره بس بعده فاقده الوعي
ياس : ويمته تستعيد وعيه
الدكتور : بعد اربع وعشرين ساعه
ياس : شكرا دكتور
الدكتور : العفو
ياس : بعد ماراح الدكتور باوعتله من الجامه حالته جانت تكسر الكلب قررت اني ابقه بالمستشفى الى ان تستعيد وعيها
_______________-----------------____________
&&&&&&&&& $$$$$$$$$$
جمان : جنت جاي احضر العشه وفجأه حسيت اكو واحد وراي يعني شبكني من وره
جمان : احمد
احمد : عيونه
جمان : احمد وخر شويه مو وكت رومانسيه
احمد : جمان ممكن طلب
جمان : اطلب
احمد : ممكن مره وحده تخليني على راحتي
جمان : شلون يعني اخليك على راحتك
احمد : يعني تخليني استمتع بهاي اللحظات من دون ما دگليلي وخر ممكن
جمان : بس
جمان : من ردت اگول بس حط أصبعه على حلكي وگلي ( اسسس) وبعدين بده يبوس بيه ووووووو بعد معليكم
______====================_________
اسيل : بديت افتح عيوني شوي شوي بس كلشي جان مغوش رفعت ايدي وشفت اكو كانونه عليه بعدين بدت الرؤيه توضح عندي باوعت على يميني شفت ياس نايم بعدين بديت اتذكر شنو صار اي تعرضت لحادث سياره وبعدين فقدت الوعي شويه وكعد ياس
ياس : اسيل انتي بخير
اسيل : ياس اهدأ اني بخير
ياس : لحظه خليني اصيح الدكتور
اسيل : راح ياس وصاح الدكتور واجه الدكتور وفحصني وگال انو اني اكدر اطلع راح الدكتور واجه ياس كعد يمي
ياس : شلون صرتي
اسيل : اني احسن لتخاف عليه
ياس : زين تعرفين منو سوه هيج
اسيل : لا
ياس : لازم نعرف منو سوه هيج
اسيل : يمكن دفعني بالغلط
ياس : لا اني شفته جان متقصد
اسيل : منو ممكن يكون
ياس : ما ادري بس انتي هسه ارتاحي وبعدين نعرف
اسيل : اوك
ياس : نامت اسيل واني طلعت من الغرفه بعدين اجاني اتصال من جمان
{مكالمه بين ياس وجمان }
ياس : هلوو جمان شلونج
جمان : هلوو ياس اني زينه الحمدلله انته شلونك
ياس : اني زين شكو صاير شي
جمان : اسيل من البارحه ماترد ومن رحت للبيت مالگيته گلت يمكن تعرف وين راحت
ياس : ااا اسيل اي اعرف مكانه
جمان : زين وين هي
ياس : هي بالمستشفى حاليا
جمان : شنو شسوي بالمستشفى
ياس : اسيل تعرضت لحادث
جمان : شنووو حادث وين هي هسه وشنو حالته
ياس : لتخافين هي هسه بخير تعالي لهنا واني احجيلج الي صار
جمان : تمام انطيني عنوان المستشفى
ياس : هي بمستشفى ------
جمان : تمام جايه
جمان : سديت الخط ورحت بدلت واني نازله من الدرج شافني احمد وسالني
احمد : جمان وين رايحه
جمان : اسيل سوت حادث
احمد : شنو وين ويمته
جمان : البارحه
احمد : اوك لعد راح اروح وياج
جمان : تمام بسرعه
احمد : رحنه للمستشفى وشفنه ياس واكف بباب الغرفه راحت جمان سالته على حاله اسيل وگلله انو بخير بس نايمه بعد نص ساعه تقريبا كعدت دخل ياس وجمان بس ترددت ادخل لان اعرف بيه تكرهني لذا ضليت بره بس شويه واجت جمان
جمان : احمد ليش ما دخلت
احمد : ما اريد ازعجه ما اعتقد انو اطيق تشوف وجهي
جمان : احمد شنو هالحجي
احمد : حمان اني اعرف كلش زين انو هي تكرهني
جمان : لا مستحيل اسيل ماتحقد على احد يله تعال
احمد : جرتني جمان ودخلتني مجانت تكدر تتحرك ابتسمت ابتسامة خفيفه
احمد : الحمد لله على سلامتج
اسيل : الله يسلمك شكرا
احمد : صوته جان ضعيف سالته منو سوه هيج گالتلي ما اعرف
وبعد مرور نص ساعة
احمد : جمان يله نروح وخلي اسيل ترتاح
جمان : تمام باي حبيبتي
اسيل : باي حبيبتي
جمان : ياس انتبه عليه
ياس : لتخافين عليه
جمان : رجعنه اني واحمد للبيت ودخل احمد يسبح وبهاي الاثناء رحت لغرفتي وشفت موبايل احمد وجان اكو رقم غريب دازله رساله شلت التلفون وشفت الرساله وكع الموبايل من ايدي اول ما قريت الرساله
الرساله : اني اسف الخطأ جان من السايق الي صدمه بس اكيد راح نكدر نقتله المره الجايه
جمان : ضليت مصدومه معقوله يحجي على اسيل اي ماكو غيره منو ممكن يسويه غيره وهاي الرساله اكبر دليل ضلت دموعي تنزل من دون صوت عبالي انو هو تغير وانو هو يحبني صدك بس مراح يتغير طلع احمد من الحمام وشافني ابچي اجه يركض عليه ويكلي شبيج
احمد : طلعت من الحمام وشفت جمان تبچي رحت سالته بس هي مااجاوبني اخير شي ضربتني راجدي خلاني مصدوم
جمان : لتمثل انو انته تحبني انته لو جنت تحبني مجنت اذيتني هيج هو هذا هو هذا حبك الي مع الأسف واني الغببيه الي بديت احبك واتعلق بيك بس انته طلعت متستاهل ( بعصبيه وصراخ )
احمد : عن شنو جاي تحجين شلون اضربيني
جمان : هسه اراويك عن شنو جاي احجي ( شلت الموبايل وراويته الرساله )
احمد : هاي شنو الرساله ومنين اجت
جمان : هاي الرساله دزاه ذاك الشخص الي وديته حته يقتل اسيل
احمد : شنو يعني جاي اشكين بيه
جمان : لا اني مااشك اني متاكده ميه بالميه
احمد : جمان اسمعيني صدكيني هاي مؤامره
جمان : لا احمد لا اني مستحيل اسمعك ولا راح اظل دقيقه وحده وياك
جمان : رحت بدلت ملابسي وطلعت من البيت
احمد : جمان بس اسمعيني صدكيني اني مستحيل اسوي هيج
جمان : احمد كافي عوفني ولتجي ورايه
جمان : طلعت من البيت ورحت لبيت اسيل كعدت بس ابچي واني الوم نفسي على الي صار
احمد : بعد ما طلعت جمان ظليت اتصل عليه بس ماترد وصارت الدنيا ليل لذا قررت اروح لبيت اسيل لان اعرف انو هي هناك ومن رحت دكيت الباب بس مافتحت لذا اتصلت عليه وردت
جمان : شتريد
احمد : كلشي ما اريد بس اسمعيني
جمان : احمد كافي ما اريد اسمع شي
احمد : زين افتحي الباب
جمان : لا
احمد : ردت احچي بس سدت الخط گلت لازم اطلب المساعده من شخص واني اعرف منو هذا الي راح يساعدني لذا شغلت سيارتي ورحتله
يتبع يتبع
______________________________________
خلص البارت كتبولي ارائكم وتعليقاتكم وبرئيكم منو تتوقعون الي راح يساعد احمد
أنت تقرأ
ظلم طفولتي
Mystery / Thrillerاسيل تعيش حياه صعبه بالميتم الا ان يجي يوم وتقرر تهرب والسؤال راح تكون النتائج للأفضل ام للاسؤ
