ظلم طفولتي

البارت الاول

اسيل :اسمي اسيل واني من بغداد عمري حاليا 15 سنه اني يتيمه الاب والام عشت كل حياتي بالميتم اما هسه راح اعوفكم وي القصه

اسيل :كعدت من الصبح تقريباً جانت الساعه 5:00 لان اني الي اسوي الريوك كعدت وجنت طايره من الفرح لان اليوم استلام النتائج طبعا اني صف ثالث متوسط جنت جاي احضر الريوك
واجتي صديقه عمري جمان

جمان : صباح الخير والورد شعجب كاعده من الصبح اليوم شكو شصاير
اسيل :جمان اذا اجيتي لهنا علمود تنايطين هسه احط راسج بالطاوه
جمان : هههههه مبين عليج كلش متوتره من وره النتائج
اسيل :لا مو من النتائج
جمان : لعد شبيج هيج خايفه
اسيل : اني خايفه من المديره
جمان :شبيها المديره
اسيل : خايفه ماتسمحلنه نكمل دراسه ويروح هذا التعب كله
جمان : خلينه نروح نجيب النتائج والله كريم ان شاء الله تسمحلنه
اسيل : ان شاء الله
جمان : يله لعد اني راح اروح ابدل ملابسي وانتي خلصي بسرعه وتعالي باي
اسيل :جمان وين رايحه مراح تاكلين
جمان : لا مااشتهي
اسيل :خلصت الريوك وصعدت لغرفتي حته ابدل لكيت جمان مكمله وتنتظرني لبست وخلصت ورحنه اني وجمان للمدرسه جانت قريبه على الميتم خلصنه الطريق ضحك وسوالف طبعا جمان صديقتي الوحيده جنت ارتاح وياها ودائما اشكيلها همومي وصلنه للمدرسه واني ميته خوف وبعدين صاحوا اسمي واستلمت النتيجه والحمد لله معدلي جان عالي رحت لجمان واني طايره من الفرح
اسيل: ولج جمان شوفي واخيرا طلعت المعدل يلي أريده
جمان :الف مبروك يا عمري تستاهلين
اسيل: يبارك بيج حبيبتي بشري انتي اجكد
جمان : نفس ماتوقعت ٨٨
اسيل : لعد يله نرجع للميتم
اسيل :رجعنه للميتم وصعدنه للغرفة بدلته ملابسنه و رحنه لغرفة المديره دكينه الباب وسمعنه صوتها
رفاه: تفضل
اسيل :دخلنه للغرفه مرحبا ست
رفاه :خير شتردن
جمان : عدنه طلب واحد ونتمنه ماترفضيه
رفاه :كولن
اسيل :احنه نجحنه من الثالث ونريد نكمل دراسه
رفاه :شنو عيدي شنو تردين
اسيل : نريد نكمل دراسه
رفاه : انتي تعرفين انو ممنوع البنت تكمل دراسه هنا
جمان :ليش ممنوع شنو الجرم يلي راح نسوي
رفاه : جمان كافي اني دااكول انو ممنوع يعني ممنوع فالاحسن الجن تنسن الموضوع
اسيل :لا مراح ننسه شي كلت اريد اكمل دراسه يعني راح اكمل
رفاه : انتي جاي تعانديني لو شنو
اسيل : اي جاي اعاند
رفاه : اسيل اعتقد انو انتي اكثر وحده هنا تعرف عقوبه الي يعاندني
جمان : اسيل كافي خلينه نروح
اسيل : لا مراح اروح خليني اشوف شراح تسوي (جنت ابا علها بنظره تحدي)
رفاه : تردين اشوفين شراح اسوي بسيطه راح ارجع اربيج من جديد
اسيل : لزمت ايدي وتحاول انو أجرني من ايدي وجمان تحاول توخرها عني
جمان : الله عليج لتعاقبيها هاي اخر مره مراح تعيدها
رفاه : عفت ايده وكلتلها خلي تعتذر مني واني مراح اعاقبها
اسيل : مستحيل مراح اعتذر ومراح انسه شي كافي عاد سكتنه هواي عن ظلمج بس من توصل لدراستي اني مراح اسكت
رفاه : خلينه نشوف
اسيل : سحبتني من ايدي واخذتني للمخزن مثل كل مره طبعا من جنت صغيره ولحد هاي اللحظه اني الوحيده الي توكف بوجه المديره وبوجه ظلمها لهذا السبب جانت تكرهني تعاقبني على أقل غلطه فتحت باب المخزن وشمرتني بي وقفلت الباب رحت يم الباب وحجيت (سوي الي تريدي مراح اترك دراستي عسى ما تخليني اموت من الجوع هنا)
رفاه :لج اسكتي لا صدك الخليج تموتين جوع
اسيل : بعد ماكالت جملتها راحت واني رحت بالزاويه ابجي على حظي وره دقائق قليله سمعت صوت جمان من وره الباب
جمان :اسيل اسيل وينج هاي اني جمان
اسيل : جمان جدسوين هنا اذا شافتج المديره راح توگعين بمشكله
جمان :انجبي لج لعد بس انتي توگعين نفسج بالمشاكل لحظه انتظري هسه اطلع
اسيل : ديري بالج لا أحد يشوفج تره تتعاقبين وياي
جمان : ماعندي مانع خليني اتعاقب وياج اني همين ردت اكمل مو بس انتي
اسيل : بعد ماسمعت كلامها دموعي بدن ينزلن وحده حسيت جمان مو بس صديقتي لا هاي اختي

جمان : بعد ما راحت المديره رحت جبت المفتاح مال باب المخزن الاحتياط لان احنه مسوين مفتاح احتياط كل ما اسيل تنحبس اطلعها وره ماحجيت وياها فتحت الباب وشفتها تبجي
جمان : اسيل شكو ليش تبجين
اسيل :مسحت دموعي وكلتلها ماكو شي ليضل بالج
جمان : شلون ماكو شي احجي اسيل ذيج البومه سوتلج شي
اسيل : ههه والله اذا اسمعج اله تعلمج منيه البومه
جمان : مو عالاساس اني اخاف منها المهم عوفينه منها امشي نصعد فوك
اسيل : اخذتني جمان وصعدنه كعدت على الجربايه واني احس نفسي فقدت الأمل سمعت صوت العصافير ورحت يم الشباك وفجأة اجتني فكره الهروب باوعت على جمان واني مبتسمه
جمان باستغراب : شكو اسيل شنو سر هالابتسامه
اسيل : جمان اجتني فكره
جمان :شنو فكرتج بله
اسيل : الهروب
جمان بصدمه : شنو الهروب

لهنا يخلص البارت الأول اتمنى يكون عجبكم انتظروا البارت الثاني لان راح تصير أحداث مشوقه باااااي