ظلم طفولتي

البارت الخامس (اللقاء الأول)

اسيل : رجعت للبيت من وكت لذا ما لكيت جمان كلت اروح انام على ما تجي نمت وكعدت الساعه 1:00 رحت غسلت وجهي واستغربت انو جمان لهسه ما راجعه اتصلت على موبايلها ما ترد خفت عليه كلش فرحت لمكان شغلها بس المحل جان مغلق فرجعت للبيت ورجعت اتصل مره ثانيه بس ماكو شمرت الموبايل على الجربايه وحطيت ايدي على راسي واني افكر شنو ممكن صار وياها وبعدين سمعت موبايلي يدك شلت الموبايل بسرعه ورديت
اسيل : الو وينج جمان ليش ما تردين
المجهول : اني مو جمان
اسيل : منو انته جمان وين
المجهول : جمان مخطوفه
اسيل : شنووووو
المجهول : شوفي اذا تردين صديقتج تبقه عايشه تنفذين الي اكوله بالحرف الواحد واذا احد عرف بهذا الشي او حاولتي تخبرين الشرطه اندزلج جثه صديقتج لبيتج
اسيل : لا عفيه صدكني ماراح اگل لأي أحد بس لتاذيها
المجهول : شوفي جيبي المبلغ الي نريده وأخذي صديقتج
اسيل : اجكد المبلغ
المجهول : ٣ ملايين
اسيل : شنو بس هاذه المبلغ چبير ما أكدر اامنه
المجهول : اوك يعني اتفقنه انو انتي تردين صديقتج تموت مو
اسيل : لا لحظه اوكف لتقتله راح اجيبلك المبلغ بس لا تأذيها
المجهول : تمام عندج يومين بس حته جيبيلي المبلغ اذا بعد يومين ما جبتي اعتبري صديقتج ميته
اسيل : بعد ما گال كلامه سد الخط واني انهاريت من البچي ضليت ألوم بنفسي وافكر شلون راح اجمع ٣ ملايين بعدين سمعت الباب يندك رحت فتحته وشفت نفس الولد يلي شفته مساعه
ياس : مرحبا
اسيل : مرحبا منو انته
ياس : اني ياس شبيج نسيتيني بسرعه قبل شويه التقينه
اسيل : ها اي تذكرتك  بس ليش اجيت
ياس : اجيت علمود المفاتيح مال المطعم ظلت عندج
اسيل : تمام انتظر شويه وهسه اجيبه  رحت جبت المفاتيح وانطيتها اله
ياس : اسمج اسيل
اسيل : اي
ياس : انتي عايشه وحدج بالبيت
اسيل : من سألني ياس هذا السؤال ذكرني بجمان و متحملت دموعي كامن يجرن
ياس : اسيل شكو شبيج ليش تبجين
اسيل : كله بسببي اني بسببي
ياس : شنو الي بسببج اهدي شويه اسيل
اسيل : كله صار بسببي
ياس : اسيل ليش تبچين فهميني شنو الي بسببج
اسيل : صديقتي نخطفت بسببي اني
ياس : شنو ليش بسببج اوكفي واحجيلي
اسيل : نهاريت وكعدت ابجي بالكاع وهو يهدأ بيه كومني ودخلني
البيت وجابلي گلاص ماي
ياس : هدأتي
اسيل : اي شكرا
ياس : شنو الي صار
اسيل : باوعتله بنظره استغراب ودرت وجهي ظليت ساكته
ياس : اعتبريني صديق واحجيلي بس اذا ماتريدين فبكيفج
اسيل : بس ما اريد احد يعرف
ياس : تمام
اسيل : حجيتله كلشي صار وياي
ياس : ٣ ملايين هاذه مبلغ كلش چبير
اسيل : اعرف وهسه اني ما اعرف شسوي
ياس : ظلينه ساكتين كم دقيقه بعدين حجت
اسيل : شكرا الك لان سمعتني جنت محتاجه احد مثلك
ياس : شنو هالكلام ماكو داعي للشكر خلينه نصير أصدقاء ونفكر سوه بحل
اسيل : يعني راح تساعدني
ياس : اكيد احنه بعد صرنه أصدقاء
اسيل : شكرا هواي
ياس : كافي هاي المره الثانيه يلي شكريني بيه
اسيل : صحيح ماعرفت اسمك
ياس : اسمي ياس
اسيل : بعد ماصرنه اني وياس أصدقاء بدينه نفكر شنو راح نسوي وفجأه يدك موبايلي
_______________________________________
جمان : بعد ماطلعت اسيل طلعت وراها بربع ساعه وصلت للمحل لبست ملابس الشغل وبديت اشتغل واني جاي اشتغل اجتني ساره
ساره : جمان يكول المدير روحي لهذا الموقع وجيبي بضاعه خاصه وصلت
جمان : تمام شفت الموقع ورحت عليه اخذت البضاعه من العامل بس جانت ذيج المنطقه مابيه ولا بشر قبل لا اطلع من المنطقه وكفت كبالي سياره سوده نزل من عدها ٣ ولد كبار خفت من عدهم لان نظراتهم جانت تخوف
الولد ١: هاي شسوين وحدج هنا
جمان : منو انتو شتردون مني
الولد ٢ : كلشي منريد منج بس صعدين ويانه بهدوه
جمان : دفعت واحد منهم وبديت اركض بس كدرو يلزموني حاولت اصرخ بس خدروني واغمه عليه كعدت لكيت روحي مربطه ما أكدر اتحرك جنت ميته خوف وره شويه انفتح الباب ودخل واحد من الولد الثلاثه واخذ تلفوني
جمان : جدسوي انته عوف الموبايل
احمد : فتحي الموبايل
جمان : شتريد تسوي بي
احمد اريد اتصل على واحد من اهلج علمود الفديه
جمان : ما عندي اهل ولا احد حته تتصل عليه
احمد : فتحي احسلج لان ما عندج غير خيار
جمان : جبرني افتحه واتصل على اسيل وطلب من عدها ٣ ملايين راح طلع واني ضليت ابجي اعرف انو اسيل راح تسوي كلشي علمود تأمن المبلغ بس خايفه انو ما تكدر
__________________________________________
اسيل : رن الموبايل فرديت بس جان الرقم غريب عبالي نفس الولد بس من رديت جان صوت بنيه
اسيل : الو
ساره : مرحبا انتي اسيل
اسيل : اي اني اسيل بس منو انتي
ساره : اني ساره اشتغل وي جمان بالمحل واليوم جمان تعرضت للخطف
اسيل : اي اعرف والخاطفين طلبو مني فديه
ساره : باوعي اني اعرف انو حالتكم صعبه لذا اتصلت حته اكلة انو اني لحكت السياره الي خطفته واعرف وين حاطينه
اسيل : انتي تحجين صدك يعني تعرفين وين أخذوا جمان
ساره : اي اعرف
اسيل : تمام يعني ادكدرين تساعدينه
ساره : اني اتصلت علمود اساعدكم
اسيل : زين دزيلي الموقع واني اتصرف
ساره : تمام راح ادزلج الموقع وخلينه نلتقي هناك
اسيل : تمام
ياس : اسيل منو هاي
اسيل : هاي البنيه تشتغل وي جمان وتعرف الخاطفين وين أخذوا جمان
ياس : خبر حلو
اسيل : دزتلي الموقع
ياس : وين
اسيل : ما اعرف وين هاي المنطقه
ياس : انطيني خلي اشوف
اسيل : ياس اخذ الموبايل وشاف الموقع وكال انو هو يندله طلعنه من البيت وصعدنه بالسيارة واني كلبي راح يوكف من الخوف عليها وره نص ساعه وصلنه للمكان جان مبنى قديم
ووووووو وو يتبع
_________________________________________
سوري سوري سوري سوري سوري على التأخير
بس ما بيه مجال لايك تعليق منا منا لان اريد اعرف رئيكم بالقصه لان جاي احس نفسي اكتب على الخالي بلاش

الكاتبه : Narren