حاولو إفاقة وردة ولكنها ظلت فاقدة للوعى وطلبو الإسعاف لنقلها للمستشفى ووقف فاروق ينظر لها بفزع وخوف وعندما وصلت الإسعاف ركبت معها نسمة سيارة وفى المستشفى قالت: كانت واقفة يادكتور وفجأة وقعت ومش راضية تفوق.
طيب إستنى هنا حضرتك.
وقفت نسمة قلقة وتابعتهم وهم يدخلون وردة لغرفة المعاينة وجلست ووضعت الحقائب بجوارها وهمست: أستر يارب أستر يارب....
ظهر فاروق في آخر الممر واقترب بسرعة وسأل بقلق: إيه الأخبار؟
وقفت نسمة امامه وقالت بغضب: إنت إيه اللى جابك؟
جاى أطمن عليها .
وليك عين تيجى هنا؟ وقاحة!!
ارجوكى يا نسمة أنا بأحب وردة و....
إسكت, متنطقش إسمها على لسانك....
صدقينى أرجوكى..
مستحيل ,الكذاب اللى زيك محدش ها يصدقه.
طيب نطمن عليها وبعدين هاشرح لكم كل حاجة , المهم هي تبقى بخير.
هاتبقى بخير بس إنت تمشى من هنا لأنى ماظنش إنها هاترضى تبص في وشك تانى.
أحنى فاروق وجهه بألم وأكملت: إزاى قدرت تعمل كده؟ إزاى لعبت عليها وإتقربت منها ؟
أنا ...
إنت مجرم , وإذا وردة جرى لها حاجة مش هارحمك؟
رن هاتف وردة وأخرجته نسمة وقالت: دى أخت وردة أعمل إيه دلوقتى؟
ظل الهاتف يرن بإلحاح فأجابت نسمة: الو أهلا يابسنت.
وردة أنتى ....
أنا مش وردة انا نسمة المساعدة بتاعتها.
هي وردة مشغولة كنت عايزاها .
لأ هي مش مشغولة,, بصى أنا هاقولك الحقيقة أختك في المستشفى.
إيه!! بتقولى إيه؟ في المستشفى ليه؟
لسه منعرفش أحنا منتظرين الدكتور.
إبعتى لى الموقع أنا هآجى حالا
حاضر.
أرسلت نسمة الموقع لبسنت ونظرت في الساعة بتوتر وقالت: هم إتأخرو ليه؟ يارب خير.
خير إن شاء الله , هاتكون بخير.
نظرت إنت مجرمه نسمة بغضب ولكنه لم يهتم كان قلقا جدا على وردة وقالت نسمة: إمشى من هنا يافاروق بيه أحسن لك.
مش هامشى قبل ما أطمن عليها.
طال الانتظار وأتت بسنت وسألت: نسمة فيه إيه؟ إيه اللى حصل؟
أنت تقرأ
لأنها أنت مسابقة M.A
Romanceهذه الرواية تم نشرها فى كتاب فى معرض القاهرة الدولى للكتاب 2023 من الخطأ أن يحكم الإنسان على الآخرين من المظهر والشكل فقط فربما تحت الشكل شيء آخر والمظهر لا يجعلك تعرف حقيقة الشخص فكثير من الناس يبدو شكلهم جميل...
