كان فاروق يعلم بأن عمه لن يدع الأمر يمر بدون محاسبة وإنتظر قدومه للبيت ولم ينتظر كثيرا لأنه حضر للبيت بعد العمل وفتحت له رحمة: ادهم اهلا اهلا , حمد الله على السلامة
الله يسلمك يارحمة.
إنت رجعت إمتى ؟
رجعت إمبارح.
الله فاروق مقالش يعنى ؟
هو فين؟
لاحظت رحمة بأن ادهم غاضب فقالت: مالك يا أدهم هو فاروق عمل حاجة ؟
عمل !! عمل شيء حقير ... فاروق .. فاروق.
خرج فاروق من حجرته ووقف أمام الباب وسألت رحمة: فيه إيه يا أدهم؟
دلوقتى تعرفى يارحمة.
كانت صدمة رحمة كبيرة عندما علمت برهان فاروق : إنت يافاروق تعمل كده؟ ومع مين؟ مع بنت رقيقة زى وردة؟
يا ماما .....
بس مش عايزة اسمع منك أى حاجة, يا خسارة تربيتى فيك, تتراهن على قلب ومشاعر إنسانة كل ذنبها إنها حبتك.
أنا بأحبها فعلا يا ماما والله بأحبها.
حركت رحمة رسها وسالت دموعها : اللى يحب ميجرحش يافاروق وأنت مجرحتش وردة بس, إنت جرحتنا كلنا والإساءة بقت لينا كلنا.
لم يتحمل فاروق نظرات عمه وأمه وخرج من البيت بسرعة وبكت رحمة وقالت: إزاى يعمل فيها كده؟ إزاى؟
اللى عرفته بأنها وقفت قصاده اول ماسافرت أنا وهو مقبلش إنها تتحداه ومها وعلى إتنين شياطين إستغلو غضبه ووقعوه في موضوع الرهان.
وهى عاملة إيه؟
هي متماسكة قدامنا لكن اكيد من جواها حزينة ومكسورة.
ياحبيبتى يابنتى.
أنا هامشى دلوقتى وياريت تبلغيه بإنه ميحاولش ييجى الشركة تانى ولا ييجى لى البيت.
خرج أدهم ووقفت رحمة وضربت كف بكف وقالت: كده يافاروق تحط وشى في الأرض؟ كده؟
****************
عرضت وردة على أدهم بيه إقتراح فتحى ووافق عليه وقال: ماقدرش أرفض لك طلب يا وردة وخصوصا إن الموضوع ده هايفتح لك أبواب جديدة وأنا معنديش مانع أبدا يابنتى إنك تعملى له حملة إعلانية بس بشرط ده ميعطلش شغلك معانا.
متقلقش يا أدهم بيه انا هارتب مواعيدى بحيث الشغل هنا يتم في موعيده وميحصلش أى تعارض ,وبعدين هنا الأساس.
بالتوفيق إن شاء الله.
شكرا يافندم.
خرجت وردة من مكتب ادهم وإتصلت بفتحى وطلبت منه أن تزوره في شركته للتعرف على فريق العمل والتنسيق معهم وعرض أن يرسل لها السائق الخاص به ووافقت.
أنت تقرأ
لأنها أنت مسابقة M.A
Romanceهذه الرواية تم نشرها فى كتاب فى معرض القاهرة الدولى للكتاب 2023 من الخطأ أن يحكم الإنسان على الآخرين من المظهر والشكل فقط فربما تحت الشكل شيء آخر والمظهر لا يجعلك تعرف حقيقة الشخص فكثير من الناس يبدو شكلهم جميل...
