(unicode)
''နောက်ဆုံးတော့လည်း ငါတို့ရဲ့crushကြီးပါသွားပြီပေါ့...''
''အေးလေ...ဖူးစာဆိုတာ ထူးဆန်းတယ်နော်၊
ဒါပေမဲ့...ကျေနပ်ပါတယ်..နှစ်ယောက်သား
အရမ်းလိုက်လို့''တူမနှစ်ယောက်ပြောနေတာကို နားထောင်နေတဲ့ ဒေါ်ခင်မေက crushဆိုတာ ဘာမှန်းမသိ။ နားထဲမှာ ကြားနေတာက ''ခွက်''ဘဲ။
''ညည်းတို့ပြောနေတဲ့ ''ခွက်''က ဘာလဲအေ့...
လူနာမည်လား..ကျုပ်လည်းမကြားဘူးပါလား''သက်ထားနဲ့သူဇာက နှစ်ယောက်သားဆွေးနေရာက ကြီးတော်ကြီးပြောတဲ့''ခွက်''ဆိုတဲ့စကားကို ကြားပြီးတာနဲ့ ခွက်ထိုးခွက်လန်ရယ်တော့သည်။
''ဟီးဟီး...ကြီးတော်ကလည်း၊ ''ခွက်''မဟုတ်ပါဘူး၊ ခရက်စ်..ခရက်စ်..''
''ဟားဟား...နင်ရှင်းပြနေလည်း သဘောပေါက်မှာမဟုတ်ဘူး...အဲ့ဒါကြောင့် ကိုကြီးနေဝန်းကို
ရည်ညွန်းပြောတာလို့ပြောလိုက်''''အမလေး...မကြံကောင်းစည်ရာအေ..ဟိုက အိမ်ထောင်သည်ဖြစ်တော့မှာနော်၊ ညည်းတို့ မဟုတ်တာတွေမပြောစမ်းပါနဲ့...ငရဲမကြောက်ဘာမကြောက်...နောက်မပြောရဘူးနော်...''
ဒေါ်ခင်မေ မျက်မှောင်လေးကျုံ့ရင်း ခပ်ကြိတ်ကြိတ်ဆူရသည်။ တူမနှစ်ယောက်လုံးက အသက်၁၆လောက်လေးတွေဆိုတော့ စိတ်ကစားတက်တဲ့အရွယ်လေးတွေမလား၊ထို့ကြောင့် မနည်းအုပ်နေရသည်။
''မကြံပါဘူး...ကြီးတော်ရဲ့..သမီးတို့က
မကြီးချစ်ကြိုးနဲ့လည်း သဘောတူပြီးသားပါ...''''အံမယ်...ညည်းတို့အရင်က ချောင်းနေတာတွေ ကျုပ်အကုန်မြင်တယ်လေ...အဲ့ဒါကြောင့် နောက်ဆို ချောင်းတာတွေ ကြည့်လို့ကောင်းတာတွေကို ပြောလည်းမပြောရဘူး...ကြည့်လည်းမကြည့်ရဘူး....အေး..မှာထားတဲ့ကြားက ပြောစကားနားမထောင်ရင် ညည်းတို့ အမေရွာပြန်နေကြဖို့ပြင်..''
''ရက်စ်...ဆား...ကြီးတော်....''
''အင်းပါ...ကြီးတော်ရဲ့ စိတ်ချပါ...''
နှစ်ယောက်လုံးကို မျက်စောင်းရွယ်ပြီး အထဲဝင်ခဲ့သည်။ ကိုယ်နဲ့လာနေတာ နှစ်ချီနေပြီမို့ အလကားသက်သက်ခြောက်ရုံပြောလိုက်ခြင်းဖြစ်သည်။ သူ့အမေဆိုတာ နောက်အိမ်ထောင်နဲ့မို့ပြန်မလွှတ်ရက်ပါဘူး.....။
ESTÁS LEYENDO
ညွှန်း၍မမှီ ချစ်ပုံပြင်(complete)
Romanceတောရွာက ချစ်စရာဇာတ်လမ်းလေးတစ်ပုဒ်။ ဖူးစာပါရင် ရှောင်လွဲလို့မရဘဲ၊မထင်မှတ်ဘဲအိမ်ထောင်ကျသွားတဲ့အဖြစ်လေး...။ (နေဝန်း+ချစ်ကြိုး)