ما يموت الحب لو يطول الغياب

Part 6

" انا على نار انتظر رجعتك لي ، لو طال الغياب ".

صباح جديد ، يبدأ من غرفته ، طول الليل كان يفكر فيها و كيف ينقذ ولدها ، يحس بمسؤليه كبيره جات على راسه.
اخذ شاور سريع ومثل كل يوم ، بعد ما لبس بدلته وقف قدام مرايته يعلق رتبته.
دق باب الغرفه ، وبعدها دخلت ام سالم : السلام عليكم.
ابتسم وهو يتوجهه لها يبوس راسها : وعلييييكم السلاااام ، هلااا بالغاااليه.
ام سالم : هلا فيك ، وينك امس ؟ ليه ماجيت للعشاء !.
عاصف : جيت متأخر والله.
ام سالم : تمام ، اليوم لا تتأخر ! نبي نروح المزرعه مع اعمامك.
عاصف قطب حواجبه : غريبه ؟ وش جاكم فجأة !.
ام سالم : من زمان ما رحنا لها ، وجدك قال نروح نغير جو شوي.
عاصف : تمام يالغاليه ، ان شاء الله اخلص اشغالي والحقكم.
ام سالم : يلا تعال نفطر.
عاصف : لا تسلمييين والله عندي مشوار ضروري.
ام سالم : ما تعشيت امس ! والحين ماتبي تفطر؟.
عاصف وهو يبوس راسها : والله يا جده مشغول.
ام سالم : اجل الله معك.
خرجت ام سالم ، وبعدها خرج عاصف وتوجهه لبيت خالد.

————-

في غرفة مظلمه ، بعد ما نام وهو خايف ، صحى على نفس الخوف ، صار له يوم كامل ما اكل ولا شاف احد.
انفتح الباب بهدوء ، ودخل الرجل 1 وبيده أكل.
حطه على الارض جنب رعد : يلا كِل.
رعد ناظره بخوف : ابي امي.
الرجل 1 بغضب ضربه : خلصني !!! ماني ناقصك كل.
بخوف مد يده على الصحن و بدا ياكل.

—————

عنده ، وصل لبيت خالد ونزل من السياره ، متاكد ان مستحيل أب يخطف ولده لاكن لازم يتاكد.
دق الباب ، وبعد دقايق فتح خالد الباب.
قطب حواجبه من شافه لابس بدلته العسكريه ، : خير !؟
عاصف بكل هيبه : اولا وعليكم السلام ، ثانياً اذا انت الي خطفت رعد رجعه.
خالد بتوتر بان على ملامح وجهه : وش ؟؟ انا ! ولدي انخطف ؟! ، وش السالفه؟؟.
عاصف تنهد بعدم صبر : شوف لا توجع راسي ما عندي وقت لغثاثتك ! اذا انت الي اخذته خلصني وقول مكانه احسن لك.
خالد يمثل الخوف : ياااارب يكون بخير ، انت مهبول !! من جدك ؟ اخطف ولدي ! لو ابي اخذه اخذته غصبن عن الكل.
عاصف طلع جواله ووراه الفيديو حق خطف رعد.
ارتخت ملامح خالد و بلع ريقه ( الله ياخذك يا نايف انت ورجالك ) : صدقني مستحيل اخطفه.
عاصف هز راسه : لو اعرف ان لك يد في سالفه خطفه ، اقسم بالله محد بيفكك من يدي.
اعطاه ظهره وركب سيارته متوجهه لدوامه.
خالد الي قفل الباب بقرف : بلي ما يحفظك.
رفع جواله واتصل على نايف : الووو.
خالد : الله ياخذ رجالك يا نايف.
نايف قطب حواجبه: وش ؟
خالد قال له الي صار.
نايف ؛ يارجال بسيطه ، لا تجي للمخزن لين يوم شحنة البضاعه لانهم اكيد بيراقبوك ، وحاول ما تلفت النظر.

————

في بيت ابو سيف ، كلهم كانوا متوترين وخايفين ، يدعون ان رعد يكون بخير.
ريم اكثر وحده نفسيتها تعبت لدرجه الليل كله ما نامته .
ومن يوم اشرقت الشمس وهي عند راس سلطان تقنعه يتصل على عاصف يطمنها.
ريم ودموعها بطرف محاجرها : سلطان تكفى ، اتصل عليه يمكن عنده خبر جديد !.
سلطان : ريم ! ذي االمره الالف الي اتصل عليه و ما يرد.
مسك يدها وجلسها بهدوء يمسح دمعتها الي طاحت : ريم يا حبيبي ، صدقيني عاصف بيحصله بس انتي اهدئي ! ، وبعدين هو اكيد مشغول وماراح يرد ، عنده الف قضيه غير قضيه رعد.
ريم الي زادت بكاء : تكفى يا سلطان اتصل عليه ، اخر مره.
تنهد سلطان بعدم حيله ، رفع جواله واتصل على عاصف ، جاه الرد بسرعه : الو.
سلطان: السلام عليكم.
عاصف : وعليكم السلام ، وش تبي يا ابوي كسرت جوالي من اتصالاتك.
سلطان : اعتذر ، بس ابي اسأل وش صار ؟ لقيت شي عن رعد ، عرفت شي ؟
عاصف تنهد : رحت لخالد ، والظاهر ان ماله يد في الموضوع.
ريم الي كانت تسمع كلامهم بحكم ان سلطان فاتح المكبر : وش الي ماله يد ؟؟ انا متأكده مليون بالميه ان هو الي اخذه.
سمع صوتها الباكي وتجمدت اطرافه ، غصبن عنه  ابتسم بخفه من سمعها قالت اسمه.
ريم : عاصف لو سمحت لا تصدقه ! انا اعرفه خسيس يكذب عليك......
كانت بتكمل كلامها لاكن الجمتها نظرات سلطان الي تقول لها تسكت.
عاصف : ابشري لا تخافين ، بترك سياره تراقبه كم يوم واذا وضعه سليم تركته في حاله.
قفل الاتصال و اتصل على مركز الشرطه يبلغهم بإرسال سياره تراقب خالد ، وبالفعل كلها دقايق ووصلت سياره المراقب لعند بيت خالد.
اما هو توجه لدوامه وعلى طول راح لغرفة الفريق عبدالرحمن.
عبدالرحمن : عااااصف ، كالعاده متأخر.
عاصف جلس : مو وقتك ، كنت عند خالد.
عبدالرحمن : قال لك شي ؟.
عاصف : لا اتفاجئ و قال انه ما يعرف شي ، المهم ارسلت دوريه تراقبه ، مع اني ما اتوقع يخطف ولده.
عبدالرحمن : كويس ، انا بعد ما اتوقع بس لازم نراقبه.
قعدوا يفكرون كيف يرجعون رعد ؟ ومين يمكن يخطفه ، وكيف يمسكوا نايف.