مرحبا مليون ترحيبه ، رجعت لكم بيارت جديد.
اعذروني على القطعه و لان البارت شوي قصير ، لكن بإذن الله يعجبكم ❤️❤️.
لا اطول عليكم 🏃🏽♀️....
" شخصٍ تمنيته على العدل و الميل ، و الحمدلله يوم خلي تهيّا ".
مساء جديد في احد الطائرات المتجهه لـ لندن ، ريم وعاصف جالسين جنب بعض.
عاصف ناظرها : متحمسه ؟.
ريم الي بالقوه تمسك نفسها من الحماس : مراااا.
ابتسم و ابعد انظاره عنها.
بدأ الطيار يرحب بالمسافرين : سيداتي و سادتي مساء الخير ، مرحباً بكم على متن طائرة الخطوط السعوديه ، الكابتن ***** يتحدث و لدي بعض المعلومات لرحلتنا اليوم ، مدة الرحلة 7 ساعات و 5 دقائق للوصول الى مطار لندن " هيثرو ".
بعدها بدأ الطيار يقول دعاء السفر ، و بدأت الطياره في الاقلاع.
توترت ريم لانها تخاف من الطياره ، غمضت عيونها و بدأت تسمي بالله تحاول تبعد الخوف و التوتر عنها ، و تهدء نفسها.
اتسع مبسمه من شافها خايفه : وش فيك ؟ ، لا يكون تخافين من الطياره !!.
ريم هزت راسها بنكران : لا ما اخاف.
ضحك من شافها ترجف ، حتى لو تنكر وجهها و ملامحها تفضح له خوفها : ما تخافين وترجفين ؟.
حاوط كتفها بيده و احتضن كفها بيده الثانيه : لا تخافين حبيبتي انا معك مافي شي يخوف ، انتي بس أهدئي وكل شي كويس.
كلامه و يده الي محاوطتها و محتضنه كفها وكمية الحنان و الحب الي داهمتها اجبرتها تهدء وتحس بالامان الين استقرت الطائره في السماء.
ناظرته و اتسع مبسمها من شافته يتأملها بطرف ابتسامه : افا ام رعود تخافين من الطياره ؟ وش خليتي لرعد !!.
ريم : ما اخاف من الطياره.
رفع حواجبه : والي صار قبل شوي ؟؟.
ريم ابتسمت وللان صامله تنكر : توتر بسيط بس.
غصبن عنه ضحك : دام ذا التوتر البسيط الله يستر من التوتر القوي.
ضحكت معه.
نرجع لهم لما يوصلوا لندن.......
————
بيت الجد رابح ، دخل سعود الصالة وسلم عليهم وبعدها جلس.
عزيز : وين غرام ؟؟ ما جت معك ؟.
سعود : روحت السوق مع رهام و افنان يشترون اغراض حمودي.
عزيز ضحك : من الحين مختارين اسمه ؟ ولااا بدلع بعد ههههههههههههههه.
سعود : ايه ما عندنا وقت حبيبي.
ام سالم ابتسمت : يا زينها هالغرام ، ربي يقر عينكم بشوفته.
سعود ابتسم : امين يارب.
ناظر جده : جدي.
ابو سالم : لبيه.
سعود : عندي موضوع مهم.
ابو سالم : سم.
سعود بأرتباك : ما اعرف كيف ابدأ.
عزيز بإستغراب من توتر سعود : لاااا دام ابو احمد توتر الموضوع قوي.
سعود : لا مو قوي ولا شي بس انه مهم.
ابو سالم : تكلم لا تخوفني !.
سعود : محمد ولد سيف.
ابو سالم قطب حواجبه : وش فيه بعد ؟؟.
سعود اخذ نفس بتوتر : يبي افنان و وده يتقدم لها.
ابو سالم : وششش ؟؟؟ يبيها !!.
سعود : ايه ، والصدق بعيداً عن مشكلتكم انت و جدي زايد ، محمد كلٍ يعرفه محترم و و اخلاق و ربي منعم عليه وانا اشوف انه يستاهل افنا....
قاطع كلامه صراخ جده : ب تجننوني انتم ب تجننوني !! ، تبوني اموت ناقص عمر ؟؟ ، عاصف ياخذ ريييم ، وذا يبي ياخذ افنان !!! ، وانا طززز في رأي و كلامي.
سعود : بس يا جدي الولد يحبها و يبيها.
ابو سالم الي انصدم اكثر : يحبها بعدد ؟؟ ، ويييين شافها عشان يحبهااا هاااا!؟؟؟.
سعود الي استوعب العيد الي جابه : جدي اكيد انه ما شافها وين بيشوفها يعني ؟؟!.
مسك ابو سالم راسه.
عزيز وقف يحاول يهدء جده قبل يرتفع ضغطه : يبه اهدء الله يهداك ! ، لا يرتفع ضغطك.
ابو سالم : اببعددد عني يا عزيييز واتصل على افنان.
عزيز : ابشر.
سعود : جدي الله يهديك لا تتسرع بقرارك ! ، فكر بعيداً عن مشكلتك انت واخوك.
ابو سالم بحدة : سعووووود قفل فمك ما ابي اسسسمع حسسسك.
ام سالم أشرت لسعود انه يسكت ، و استجاب لها.
أنت تقرأ
ما يموت الحب لو يطول الغياب
Romanceبعد مشكلة بين الجد زايد و أخوه الجد رابح ، يرفض الجد زايد بطلنا عاصف بالزواج من بطلتنا ريم ، ويقبل رجل آخر ليصبح هو زوجها. بعد مرور السنين تنجب بطلتنا ريم طفلاً " رعد " ، و تبدأ أحداث قصتنا.
