ما يموت الحب لو يطول الغياب

Part 13

منسدح على سريره ويفكر ، دخلت عليه جدته.
عدل جلسته : هلااا بالغاااليه ، تفضلي.
ام سالم قفلت الباب ووقفت عند السرير وواضح على ملامحها الغضب.
عاصف : وش فيك ؟؟
ام سالم : وش تبي بريم ؟؟
عاصف قطب حواجبه بعدم فهم : وش ابي فيها ؟؟؟
ام سالم بحده : لا تستهبل على راسي يا عاصف! وش تبي فيها يوم ناديتها.
عاصف فهم السالفه وتنهد : موضوع عن زوجها وبس.
ام سالم : اسمع يا عاصف !!! مب عشان جدك سمح لنا نروح لهم يعني العلاقة رجعت وطاح الحطب!! لا يحبيبي ، وانا ما ابي مشاكل ! فكرتك الي في بالك شيلها احسن لك.
عاصف بغضب : بس يا جده انا احبها وش دخلني بمشكلتهم ؟؟؟.
ام سالم : قلت لك الي عندي ، بتنساها وتبعد عنها. رفعت اصابعها بتهديد وكملت كلامها : ولو عرفت انك تكلمها يا عاصف او تفكر فيها ، ما بتلوم الا نفسك.
عاصف سكت وناظرها ببرود ، مايبي يدخل معها في نقاش نهايته زعله و زعلها.
بعد ما خرجت ام سالم من الغرفة ، ضرب المخدة بقهر : والله لا اخذها غصبن عن الكل والله.
انسدح ويده على قلبه ، يحاول يهديه لايطلع من مكانه من القهر و الغبنه.

————

بداية اسبوع جديد سعيد .
حكم على خالد بالسجن اربع سنوات و طلق ريم.
وحكم على رابح بالسجن سنتين بما انها اول مهمة له.
حكم على نايف بالسجن عشر سنوات بما ان عنده سوابق قتل و سرقة و تهريب و تزوير.
ورجال نايف نصهم اربع سنوات والنص الثاني سبع سنوات.

————

رجعوا لبيت الجد رابح بعد المحكمه ، دخلوا للصالة و ابو سيف و غادة و حنين كانوا على اعصابهم.
غادة : ها بشري يمه ؟؟.
ريم بأبتسامه : خلاااص ابشركم صرت حُره.
غادة زغرطة : الحمدلله الحمدلله
حنين ركضت وحضنت ريم : مبروووكك ريوووم ، واخييراً.
ابو سيف : مبروك يا بنيتي.
ريم ؛ الله يبارك فيييكم كلكم.
ركض لها رعد بإستغراب :ماما وش فيه ؟؟
ريم وهي تبوسه : مافي الا كل خيير يا عيوني انت.
غادة : من اليوم تبدأين العده.
ريم : ايه ان شاء الله.
رن جوالها ، وسرعان ما ارتخت ملامحها بضيق ، له كم يوم يتصل عليها وهي ما ترد عليه ، ما تبي تتعلق فيه اكثر ، ب تبتعد عنه وتنساه وتشوف حياتها.
اتجهت لغرفتها وردت ببرود : الو.
ابتسم من وصله صوتها : السلام عليكم.
ريم : وعليكم السلام.
عاصف : كيفك ريم وكيف رعد ؟.
ريم : الحمدلله بخير.
عاصف بأستغراب : ما بتسألين عن حالي ؟.
ريم بعدم اهتمام : اكيد انك بخير.
انقهر شوي من برودها معه لكن طنش : تدرين اني زعلان منك ؟.
ريم : طيب ؟.
عاصف: اخر من يعلم بطلاقك انا ؟ ، ولااا اسمع الخبر من عزيز بعد !!.
ريم : ها عرفت اني تطلقت وش استفتدت ؟.
عاصف بغضب من اسلوبها معه : رييم ؟؟ وش ذا الاسلوب ! وش فيك ؟؟.
ريم وهي تمسح الدمعه الي طاحت من عيونها: ما فيني شي.
عاصف بشك : اذا فيك شييي قوووليه لا تعامليني ببرود كذا !.
ريم : ابعد عني يا عاصف وشوف حياتك ، ما ابي اخرب علاقتك مع حبيبتك واكون طرف ثالث.
قطب حواجبه بعدم فهم: وش الي ابعد عنك ؟ ووش حبيبتي ؟!.
ريم وهي تحاول تخفي صوتها الباكي : عاصف قلت لك الي عندي ، ابعد عني لو سمحت وارجع لحبيبتك ، فمان الله.