ما يموت الحب لو يطول الغياب

Part 14

—————

في بيت ابو عاصف ، متجمعين في غرفة غرام يساعدونها في تجهيزات عرسها ، لان ما بقى على العرس غير يومين.
غرام : صدق زياد جاااء ؟؟؟.
ريوف : ايييه.
غرام بزعل : يوووه قهر ماااشفته !.
رهام : زين ما شفتيه ، لان زوجك مسوي الرجل الغيور.
غرام بخجل : يازينه سعّودي.
رهام : يييع.
افنان : اففف ، احس اني مو مصدقه ان عرسك بعد بكره.
ريوف : وانا بعد ، توها بزر.
غرام رفعت حواجبها بخبث: وش رأيكم اكنسل العرس ، و اعيش حياتي ، واخذكم ونسافر لندن وبريطانيا؟.
اصايل ضحكت : ايه تبين سعود يموووت.
رهام : صددددق ، الحسنه الوحيده بعرسكم ان سعود بيذلف من بيتنا.
افنان : صادقه.
غرام بدلع : ليه حبيبي جالس فوق راسكم ؟؟ ، يا حبيبتي جالس في بيييت ابوووه.
ريوف قطبت حواجبها بقرف : يع يع.
افنان : المهم قولي لنا مين عزمتي لعرسك ؟؟
غرام : صديقاتي و اهل امي ، و عمتي غاده و بناتها.
اصايل قطبت حواجبها : لا تكفييييين.
ناظرتها غرام بأستغراب: وش ؟؟.
اصايل : ليه عزمتي غاده وبناتها !! تبي جدي يذبحك انتي واخوك ؟؟.
افنان : وليه ما تعزمهم ؟؟ هم بعد اهلنا !.
اصايل : لا صدق انجنيتوا انتم.
رهام ناظرت اصايل : وانتي وش حارق رزك ؟؟ ، تعزمهم ولا ما تعزمهم بكييفها !
كملت كلامها ببطء : العرسسس عرسهاااا.
اصايل : ما اختلفنا ، العرس عرسها لاكن انا ما ابي مشاكل مع جدي ! ، وغير كذا يعني تعرفون سالفة عاصف و ريم.
رهام رفعت حواجبها : وانتي وش دخلك بعاصف وريم ؟! 
ارتبكت اصايل من نظرات رهام ، تعرف رهام زييين ، ذكيه واكيد انها ملاحظة عليها شي : يعني لاتفهميني غلط ! ، بس اكيد بتحاول تتقرب من عاصف !.
رهام بخبث : وانتي ليه مهتمه بعاصف ؟؟ ، شكلك تح.....
قبل تكمل كلامها قاطعتها اصايل بغضب : مالك دخل !! ، والي في بالك يا رهام غلط.
كلهم انصدموا من ردة فعل اصايل ، الي اخذت اغراضها وخرجت.
افنان بغضب ناظرت رهام : غبيه انتي ؟؟؟ زين كذا زعلتي البنت ؟!.
رهام بعدم اهتمام : خليها تستاهل صايره تقهرني.
ريوف : رهوووم !!! ، وش فيك عليها ؟.
رهام : اغبياء انتم ؟؟ ماتشوفون نظراتها لعاصف و ريم ؟؟.
غرام : رهام بلا غباء ! علاقة عاصف وريم انتهت من زمان ، والبنت تزوجت !!.
رهام : طيب يا ذكيه انتي ، هي خايفه ان ريم تتقرب من عاصف وتاخذه منها.
غرام : ياااالله افكار المراهقين ، متأثره بمسلسلاتك حبيبتي.
ريوف : ريحي نفسك الي في بالك غلط ، و اصايل تعرف وكلنا نعرف ان عاصف يشوفنا كلنا مثل خواته ، ومستحيل ياخذ وحده مننا.
صدت رهام عنهم ، ورجعت بها ذاكرتها ليوم العزيمه.
( فلاش باك )
بعد ما خرجت اصايل من الصالة وكان واضح عليها الغضب من سمعت رعد يقول لامه ( عاصف يبيك ).
لحقتها رهام تبي تشوف وش فيها ، لاكن سرعان ما اتسعت عيونها بذهول من الكلام الي سمعته.
اصايل بغضب لريم : ابعدي عن عاصف يا ريم احسن لك ، ولا بتشوفين شي ما يعجبك !!.
ريم : وبصفتك مين تهدديني ؟.
اصايل بثقه : حبيييبته حالياً ، وزوجته مستقبلاً ، والكل يعرف ان انا لعاصف وعاصف لي ، فنصيحه مني لا تبنين احلامك معه ، وتصيرين طرف ثالث بيننا ، لانه نسيك وما صار يشوف غيري.
رجعت مكانها وهي مصدووومه من كلام اصايل ، ابداً ما توقعت ولا واحد بالميه انه اصايل تحب عاصف.
انقهرت اكثر لانها تعرف ان الكل يعرف ، ان عاصف ما تزوج لانه ما قدر ينسى ريم ، وهي الحين رايحه تكذب على ريم ان عاصف يحبها !.
رجعت لواقعها من صوت ريوف الي تضحك : زعلت الورعه.
رهام : الموضوع ما يستاهل ازعل عليه اصلا.
كملوا يساعدوا غرام في تجهيزات العرس وهم متحمسين ويسولفون.