اسرِّ جناحِ

الاسَر الثالثَ ♠️

لاتحزن بعد وتبچي على الراح
وعوف ادموع عينك لا تبديهه

ووگف على الجرح لاتصرخ وياه
وراح اكتب قصيدة والك اهديهَ

مدينة الم روحي لاتظــن ترتاح
وانه ابن المدينة وتيهت بيه

يل عندك جرح وتگلي مجروح
انه جروحي فاضت وين اودّيه

.

.

.

قراءة مُمتعه لكَم ..
------------------------------
تدور وجها وعيونها حمر من العصبيه
ام فضل : ياهوووو داخل غرفتيي

الكل داخل حاله ذهول و صدمه
زهرة : محد داخل

ام فضل : لتجذبوننن واحد طاب للغرفه

خليل فرك وجها بحيرة و حجه
خليل :شنو يمه عدج مصباح سحري تتلمسين فوك لباب
و تعرفين اذا احد داخل لو لا

ندارت علينه وهيه كوة كاتمه عصبيتها
ام فضل : اني مثبته خيط ع لباب و اله يتحرك الباب يلله الخيط يروح و واحد منكم فاتح الباب و الخيط رايح

الكل داخل حاله صدمه

تبارك : يااا بيبي عود صدك تحجين

ام فضل : يا يوم شايفتني مشاقية وياج ايي صدك احجي يلا اعترفو منو منكم داخل و شنو ماخذين من الغرفه

خليل : اخذنه الخزنه الملكيه الخالتها بالفرفه

ام فضل : شنووو

خليل : شبيج يمه يعني رحمه للكعبه شناخذ نطب لغرفتج

ضلينه كلنه نتراجف وهيه فتحت باب الغرفه و دخلت تتاكد بدها تاكلنه بسنونها لان طبعا ها شك احنه طابين و ماخذين من الغراض

رجعت من صفنتي واني عيوني مدمعه وخايفه شراح يصير بيها

تبارك حجت بعدم استيعاب
تبارك : يعني راح يكصون رجليناتها ثنينهن

عمة بس سمعت تبارك كامت تبجي اقوة
زهرة : سوده بوجهي يا يمةةة عساني اني بمكانج ليش ياربي ليش نطوني قرأني خلي اصلي وكومن كلجن توضن حته نصلي عسى ولعل البتر جوة الركبه ونكدر نخلي الها رجل اصطناعيه متاثر

كمنه كلنه وحده ورة الخ توضينه و عمه زهرة راحت ويه عمو سالم للمستشفى البيت غيم عليه الحزن و اختفت الفرحه خلال دقايق

دخلنه السنه الجديده محد اله نفس بشي كلشي متغير مجرد الرقم

و احتي عمه زهرة عكبت كرفس و ذبحت دجاجه و بطه انوب رجعت راحت للمستشفى

مرت اسبوعين بسلام و راح يطلعون بيبي ليوم رجعت من المدرسه اركض و تبارك و حورية تركن هل سنه بسبب الاحداث الصارت دخول داعش و مرض بيبي و كذا سالفه و حده منهن تبارك غلطت على معلمه بالمدرسه فتركن ضليت اني بحدي بالمدرسه