اسرِّ جناحِ

الاسَر السابع ♠️

فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه

ماصـخ مسـتحاهم وآني مالـح طيــب
اليتبده وي غيــري بـروحـي مالمـه

بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه

.

.

.

                        قراءة مُمتعه لكَم ..
                  ------------------------------

سَهر : ياهمه

زهراء : كلهم وعلي اجت جوكه جهال مساع ويه جهالكم

سَهر : عيع

رحت غسلت وجهي و زهراء راحت تنزل بيبي من العرباته حته تدخلها

طلعت حته ارجع لبيتنه

هستوني جاي اطلع جان اسمع صوت وراي
زهراء : سهرر سهرر

التفت عليها
سَهر : ها بويه

زهراء : تعالي ماما تريدج

رجعت لبيت جدو دخلت لكيت بيبي نايمه على الچربايه و صافنه عيونها متعلگة على الحايط

وكفت يمها
سَهر : ها بيبي صحتيني

ام فضل : روحيلي للمحل

زهراء واكفه يمي
زهراء : اي و جيبي وياج صوصج لخليل

اخذت فلوس حته اروح طلعت من البيت
لاكتني ميسم

كمزت وكفت يمي
ميسم : توني دادك الباب و طلعتي ترحين ويايه للمحل

سَهر : هو اني رايحه

تمشينه و نسولف
و ميسم بيها طبع تلزم الايد شلون المرتبطين

من بعد صمت اردفت ميسم
ميسم : اكلج صدك تدرين منو شفت

سَهر : منو شفتي و هدي ايدي لعبتي نفسي

ميسم : ماعرف خليني لازمتها باعي شفت زهراء و انعام و ساره

سَهر : شبيهن

ميسم : طلعن چا اهلهن مو يكولون ميطلعن

سَهر : ميسم عوفي الناس بحالها لا اركعچ

ميسم : چذابات ميريدن يطلعن ويايه فيكولن منطلع

سَهر : اي خيولن معليج بيهن قريتي

ميسم : اي قريت

سَهر : عفيه

وصلنه للمحل
دخلنه شترينه و دفعنه فلوس و طلعنه

جاي نتمشه و طلع يوسف من الحديقه اجه يمنه
يوسف : مزوجات انتن

ميسم تافئفت بضوجه منه
ميسم : شعليك بينه اويي