مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس
ينشدونه آعله قيس وليلى كل يوم ..
أشو محد ذكر بالعشــگ عابس
.
.
.
قراءة مُمتعه لكَم ..
------------------------------
نتبهت على ورقة بيضةعايفتها على الكاونتر بية كتابه وفوكاهه كلاص شلت الورقة واباع على كلمات كدامي وكامت عيوني تلالي بدموع
جان مكتوب
سناء : اني راح اروح حسين لحد يدور عليَّ طلعت من بغداد ولتعبون وتدورون عليَّ اني تعبت من عمري 12 ليهسه شبعت ضيم وياكم وماشفت يوم راحه وهسه انوار توزك علي وتندفع انت وكلشي تكولة الك انوار تصدكة دير بالك على جهال وعلى علوش ذمة بركبتك اذا اذيتهم لان اني رحت بأرادتي اريد اعيش حريتي الله وياكم سهر ديري بالج على خوانج
جنت اقرة الرساله وادموعي يحركن خدي خلص يعني امي بعد ماكو راحت من حياتنة
كمت اركض ملهوفة مثل المخبلة وفلة وراي تلوب تريد تشوف شنو بالورقة صار كدامي علوش حضنتة وكمت ابجي بصوت مسموع وعالي
فلة اجتي وكفت يمي و خايفة
فلة : شبيج سهر شمكتوب
حجيت من بين شهكاتي
سَهر : راحتت امكم عافتكم وراحتتت ارتاحووو
كمت للغرفة وادك بالباب حيل على مود ياسين يكعد
فتح باب الغرفة هستوة كاعد من نوم وعيونة مورمه وباوع عليَّ ومستغرب من شكلي و مصدوم لكاني عيوني وخشمي حمر وابجي
يباوع عليه مصدوم و سالني
ياسين : شكو منو ماتت
سَهر : محد ماتتت الحكك امك راحت
سكت يستوعب كلامي و يفرك بعيونه
ياسين : شني وين راحت
سَهر : ماعرف هاك اقرةةة الضيم مال الله
سحبها من ايدي يقرها بمجرد ما كمل قرايه
شمرها عليه و ركض لبس تيشيرت
وطلع من الباب يركض بهل اثناء ماعندي غير خيار وجنت لوحدي بالبيت وخفت من رد فعل الكل تجاهه هل موضوع
ركضت على تلفون وخابرت تبارك
جاوبتني واني ابجي
تبارك : شكو سهر شبيج
سَهر : تبارك تعالييي فدوةة بسرعهه لحكيلي
تبارك : غير اعرف شصاير ولجج ليش تبجينن
سَهر : لحكيلي تباركك بسرعه تعالي
سكتت ثواني اسمع صوت انفاسها بس
تبارك : جاية
أنت تقرأ
اسرِّ جناحِ
Ficción Generalهَي قَويه جداً .. صلبة من الخارج كَ الحجار . ورقيقه من الداخل تشبه الفراشه . في المواقف الصعبه تتصف بالصمود في الفرح تحب الابتسامه تكون لوحتها في الحزن تكون ذات قَلب مكسور الجناح هي نصَفِ فراشَة و نصَفِ ملاك تشبه البشر وعلى عاتق رقبتها حَبل اشبه...
