اسرِّ جناحِ

الاسَر الثالث عشر ♠️

حبيتك صدك ...
معقوله ما حسّيت
وآنه الجنت اظنّك تدري وتحبني
طلع كلبك اناني أني ويه أنغرّيت

ما وقه لمحَبتي وبالعجل ذبني
وحيد بلا حبيب ولا عشك ضلّيت

شجره بلايه ميّ ولا شمس جنّي
صلب مثل الجبل بالشدّه منهزّيت

بس بُعدك عليه بهالوكت هزني
حيّرني الزمان وبيك أنه أحتاريت

وجن بيك الزمن رايد يعذبني
نطرت محبتك والهه شكثر تانيت

لحظات العشك وياك نستني

.

.

.

                       قراءة مُمتعه لكَم ..
                  ------------------------------
اني معدله اكدر اسويها بس كون محمد يبقه ساندني بكولشي وما يزعلني ودعيت انو الله يسعدني ويريح بال امي بقيت افكر لحد مانمت

سهر :
اول مرحنه لكيناهه نايمة وماخذه وضعيه البزون بالفراش سوينه مداهمه عليهم

دخلت عليهم اصيح
سَهر : يربععع كومو

حورية كوه فتحت عينها
حورية : خاب شني ترة منايمين

وكفت على راسهم اريد يمكومن
سَهر : راح يجون الوادم

امي راسا كومتهن
سناء : يلا بنات تحركن اني راح انضف

زهراء تباوع عليه وتفرك بعيونها
زهراء : سهر بكل عزة لطامة اول ناس تبدل

غمزت الها و اضحك
سَهر : لج عيني شعبالج

اجت عمة زينة تباع عليَّ
زينة : لج عيني قنفذ شطالعه

رجعت شعري ليوره بغرور
سَهر : برئيج شطالعه

حورية تباوعلي بخُبث
حورية : قنفذ

هزيت راسي
سَهر : بضبط

زهراء طكت من الضحك
زهراء : ترة قصفتج

صفنت على الكلام
سَهر : هي كالت لج عيني قنفذ شبيجن فلشتن فرحتي الله يفلش عضامجن

كعدنه تبو والكل يضحك عليها لان كوة كامت راحت للصالون هي وعمة زينة

واحنه شغلنه ديجي اغاني و انضف

اجو الخطار واني اخذت الساحه فلاحه ملاجه اهز واركص فرحانه من كلبي لتبو

ام حيدر تباوع عليه
ام حيدر : صيحو سناء تركص ويَ بتها

طب ابوي اني داهز جتف وهو اجه كدامي يهز بجتفو واجه ياسين بنص يهوس

مطلعين اغنيه معزوفة هورنات اجه حارث يمنة اجت عمة زهرة بنصنه صاحت ام حيدر من بعيد وهي كاعده على تخم وتصور

ام حيدر : زهرة اكعدي خلي فرقة حسب الله تركص براحته

كلنة ضحكنه امي اجت تصفك لان جانت حزينة على ابوها بس ابوي اخذ ايدها وضل يركصون بنص واني اهزز من كل كلبي