مو كل اليحب ايعيش فرحان ..
اكو واحد يحب بس هو يائس
واكو لمن يحب ايصارع الموت ..
ميهمه يصارع الف فارس
ينشدونه اعله قيس وليلى كل يوم ..
اشو محد ذكر بالعشك عابس
.
.
.
قراءة مُمتعه لكَم ..
------------------------------
جريت التلفون فتحت اشوف الحاله ...
فتحت الحاله جانت حالتها تقريبا تشبه حاله بيبي شمرت التلفون و كمت انزل اصلي و اني خايفه لا تصير نفس بيبي
توضيت و رحت فرشت السجاده و صليت
كملت و نزلت لكيت بابا كاعد يكلب بالجهاز
اندار شافني نازله صاحني
حسين : اي همزين نزلتي تعالي اخذيلي خيرة
سَهر : بابا كذب المنجمين ولو صدقو
حسين : هسه شعليج جذبي عليه اني قابل
رحت كعدت اخذتله خيره حجيت كم شغله و كمت
حسين : وين
سَهر : راسي مصدع
حسين : هي هاي الله كدرتي عليه كتلج جذبي بس مو هيج
سَهر : شعليه انته كلت جذبي و جذبت
حسين : كبر طمج يلا ولي
سَهر : وليت وليت
عفته و صعدت فوك لزمت الجهاز اكلب بي
انداريت على اثر كلام تبارك
تبارك : شتكولين امي تصير زينه
سَهر : أن شاء الله تاملو بالخَير تجدو
تبارك : هسه اكللها تعالي هنا بيت حسين مترضه لازكه ببيت سارة
سَعر : غير على الونسه و هناك البنات معايفاتها
جاوبت و مبينه الحيرة من صوتها
تبارك : اي هو هم صح مادري سهر
سَهر : كولي يالله ولله مابيها شي هسه تروح لدكتور و تصير زينه
تبارك : أن شاء الله الله يسمع منج
سَهر : ارتاحي ولا تضلين بقلق
اباوع عليها بعدها صافنه عفتها على راحتها و رحت نمت على الفراش
وراح بالي لبعيد كلش واني اشوف حسابه دخلت عليه و اكلب بصور طلعت صورة اله بيها لحيه طويله
أبتسمت و اذكر احد المواقف الصارت
كاعدين سوة و خطر على بالي سوال
انداريت علية
سَهر : مهيمن ليش مطول لحيتك
مهيمن : عيع تجكجك
سَهر : بس شكلك يوحي انته حلو تصير اذا تسوي لحيه
مهيمن : اي اصير مثل مهند التركي
سَهر : لا عيع شجاب الثور ع الحلقوم
أنت تقرأ
اسرِّ جناحِ
Ficción Generalهَي قَويه جداً .. صلبة من الخارج كَ الحجار . ورقيقه من الداخل تشبه الفراشه . في المواقف الصعبه تتصف بالصمود في الفرح تحب الابتسامه تكون لوحتها في الحزن تكون ذات قَلب مكسور الجناح هي نصَفِ فراشَة و نصَفِ ملاك تشبه البشر وعلى عاتق رقبتها حَبل اشبه...
