اسرِّ جناحِ

الاسَر الرابع عشر ♠️

شعب تَمرَّس في الصِّعاب ولم تَنَلْ منه الصعاب
لو هَمُّه انتاب الهضاب لدُكْدِكَتْ منه الهضاب

مُتَمَرِّدٌ لم يَرْضَ يومًا أن يُقِرَّ على عذاب
وعُداته رغم الأنوف تذلُّلاً حانو الرقاب

مثلٌ حدا حادي الزمان به وناقَلَت الركاب
إِنْ تجهلَ العَجَبَ العُجاب فإننا العَجَب العُجاب

.

.

.

                          قراءة مُمتعه لكَم ..
                  ------------------------------
سناء : شعليج بناس انتي شو هاي المنطقه كله تخاف من ابوج وعمامج ماخذينهم فلاحه ملاجه فنه الحجو عليهم اذا ما نكضوهم تنكض شبيج جبانه على منو طالعه انتي

طلعت امي وعافتني ضايجه

شوي ورجعت يمي
سناء : كومي بدلي راح نروح لهلي

كمت على سريع لبست قميص ابيض وبنطرون نيلي وحذاء ابيض فليت شعري ولفيته بقراصة منا ومنا وضل نصه نازل

طلعت لكيت الكل مبدل ومحضرين روحهم بس امي لابسه اسود

وصلت الفرع ولكيت نفس لمة بس كاعدين يضحكون ويمهم ام يوسف سلمت على امي وضلن يسولفن ضليت اني واكفه على جهه وبيدي فلة كايدته

وامي لازمة سمير بيدها لان طفل

فلة اندارت تجر بيدي
فلة : بقني اوجع

التفتت الها واردفت بضجر
سَهر : وشتردين

فلة : حليب

سَهر : شكد شربين حليب شنو هايشه

اجاني صوت واحد من ورايه 
: الهايشه يطلعون منه حليب مو تشرب

درت وجهي لكيته سجاد صاير وراي
سكتت محجيت

شلت فلة و انداريت اوجه احاجي امي
سَهر : رايحه كدامج عود تعالي

ام يوسف باوعت عليه و ببتسامه بشوشه
ام يوسف : شني خاله سهر الابيض ضارب عليج مسويج كمر

سَهر : شكرا خاله عيونج الحلوات

منتظر بس يتلفت
منتظر : يمه بله من يا جها تشوفين شو اني ماشوفه نفس ما انتي تشوفينه

ام يوسف : يا يمة غير معدك ذوق اذا سهيره مو حلوة ياهو حلو

يوسف رافع حاجب عود ضايج
يوسف : احمم اني الحلو مال منطقه

امي باوعت عليه
سناء : اي بشواربك الهلس

سجاد طكه ضحكه طويله عفتهم ومشيت

وامي اجت وراي تغلط عليه و تحجي 
سناء : انتي متستحين المرة تحجي وياج تردين من ورة خشمج الى متى تضلين مغرورة

لحد موصلنه بيت جدو وامي على نفس السطوانة متغيرت

اول مطبينه الكل ملتم بيت جدي منتضرينة