اسرِّ جناحِ

الاسَر العاشر ♠️

مَــأّ غٌـيِّـرتّ أّلَآَّسـوِدِ بِـعٌـدِهِ وِيِّــأّيِّ
أغٌـيِّـر گـمَـتّ بِـَّس بِـنِـوِعٌ أّلَقِـمَأّشٍ

وِمَنِ يِّوِمَ أّلَرحٌتّ مَأّشٍفِّتّ ګلَ نِوِمَ
وِإذّأّ مَـتّـثّقِ تّـعٌأّلَ وِحٌلَفِّ أّلَفِّـرأّشٍ

نِـمَتّ بَِّس مَرهِ وِحٌدِهِ وِبِيِّـهِأّ تّعٌبِأّنِ
وِمَـوِ بِـفِّـرأّشٍ أبِـشٍـرګ لَأّ بِآلَأنِعٌأّشٍ

.

.

.

                          قراءة مُمتعه لكَم ..
                  ------------------------------
ابجي بحركه گلب ماعرف احس شتاقيتله جدو كلش حنين رغم يسكر بس مياذي احد من يسكر بالعكس يضل بس يعترف بحبه للناس نقهرت كلش عليَّ

مرن يومين ورجعنه لبيتنه امي نتگست حالتها
و طاح عليَّ شغل اكعد من صبح اسوي ريوك واغسل مواعين واروح للمدرسة ارجع بسرعه اسوي غده وانضف البيت واودي خواني للمدرسه والعصر اطلع بيبي وارجع لمغرب اسوي عشه ونضف البيت ويادوب الحك اقرة

مر شهر على هل حالة رحت لبيت جدو لمغرب ضايجه وضعفت گلش بسبب التعب ومقهورة لكيت عمة زهرة  بالباب كعدت بصفه

زهرة : شبيج

سَهر : مابيه

زهرة : دحجي الكتم مو زين

سَهر : امي من مات ابوهه لهسه ماعرف شبيه عاذرته بس دادمر روحها هيج لا تاكل لا تشرب لا تكعد ويانه تخيلي حته سبح متسبح بتواسيل كامت ونگتت ثوبة من تراب لفت شيلته عدل

كامت وگفت ومدت ايدها الي
زهرة : امشي وياي

سَهر : وين

زهرة : نحجي ويه امج

سَهر : يلا

كمت امشي بصفها طبينه بيتنه كعدنه

فتحت عمه زهرة الموضوع
زهرة : سناء هو صح ابوج ومدللج وتحبينه بس هسه هو بمكان احسن مني ومنچ ومن جاي يشوفچ هيچ جاي يتعذب وحرام هل شي انتي تردينه يرتاح لو يتعذب

سناء : لا اكيد اريدة يرتاح

زهرة : لعد طلعي من هل قوقعه واترحميله وعيشي حياتج محد مات ورا واحد بس ابوج مات وره امة

سكتت امي وعمه طلعت لبيت جدي

رجعت امي لحياتها طبيعيه ورا كلام عمة زهرة وكلامها نحفر بداخلي وضل اله اثر كلش جبير رغم هي بس حجت بس كدرت تطلع شخص من حزنه

مرت الايام اسرع من البرق وصارت الاربعين مال جدو

رحنه نزور بنص طريق وگفو السيارات وطلبو من الكل ينزلون من سياره

جان خالو رسلان بسياره مالتنة كاعد كدامي بالكشن بسرعه نگلب وچه من السيطره طلبت تفتيش وضل يكلب بعيونة الكل نتبهه اله ولحرگاته الغريبة