ភាគ១១
(ចាន់ និយាយ)
ពេញមួយយប់ដែលដេកឱបនាងល្អិត ជឺសៀ ដែលចូលមកគេងជាមួយខ្ញុំដោយហាមមិនបាន។ ខ្ញុំក្រោកដើរទៅបន្ទប់ទឹកងូតទឹករួចចេញមកវិញជាមួយរាងកាយគ្មានសម្លៀកបំពាក់មានត្រឹមកន្សែងពោះគោរុំត្រឹមចង្កេះមកដល់ត្រឹមភ្លៅដើរចេញពីក្នុងបន្ទប់ដែលមិនមែនជារបស់ខ្ញុំសម្ដៅទៅរកបន្ទប់របស់ខ្លួនវិញ។
"លោក..." ខ្ញុំត្រូវឈរទ្រឹងសម្លឹងមើលអ្នកប្រុស អ៊ីប៉ ដែលឈរបើកទូសម្លៀកបំពាក់របស់ខ្ញុំ ហើយនៅបែរមកមើលមុខខ្ញុំដូចនេះជាបន្ទប់របស់ខ្លួនឯងអ៊ីចឹង។
"ជឺសៀ ភ្ញាក់ឬនៅ?" អ្នកប្រុស អ៊ីប៉ សួរបណ្ដើរទាញសម្លៀកបំពាក់ខ្ញុំមួយឈុតចេញពីក្នុងទូមកហុចឱ្យខ្ញុំ ហើយនៅមានខោក្នុងខ្ញុំទៀត។
"នៅទេ" ខ្ញុំឆ្លើយទាំងអៀននៅពេលដែលមនុស្សប្រុសផ្សេងមកកាន់ខោក្នុងខ្ញុំបែបនេះ។
"ប្រញាប់ប្ដូរសម្លៀកបំពាក់ហើយចេញទៅផ្ទះបាយទៅ"
"បាទ" ខ្ញុំសឆ្លើយទាំងទម្លាក់ទឹកមុខនៅពេលដែលមនុស្សប្រុសម្នាក់នៅតែប្រើខ្ញុំទាំងខ្ញុំឈឺបែបនេះ។
ហ៊ើយ! នេះមកពីយើងជាកូនចៅគេ វាមានតែអ៊ីចឹង...
ខ្ញុំស្លៀកពាក់ហើយក៏ដើរចេញពីក្នុងបន្ទប់ទៅផ្ទះបាយក៏បានឃើញអាហារពេលព្រឹកពេញនៅលើតុនឹងមានអ្នកបម្រើជាច្រើននៅផ្ទះបាយនឹងសួនបន្លែ។
"បងប្រុស ចាន់"
សំឡេងអួលដើម.ករបស់ ជឺសៀ បន្លឺឡើងមកពីក្រោយខ្នងខ្ញុំ ហើយខ្ញុំក៏បែរទៅពីឃើញនាងល្អិតនៅក្នុងវង្វង់ដៃលោកប៉ានាងដោយបានស្លៀកពាក់ឯកសណ្ឋានសិស្សរួចរាល់ហើយ តាមមើលលោកប៉ានាងជាអ្នករៀបរយឱ្យនាងហើយ។ ខ្ញុំដើរទៅទទួលនាងល្អិតពីក្នុងដៃលោកប៉ានាងព្រោះតែនាងឈោងដៃមករកខ្ញុំឱ្យពរនាង។
"អង្គុយញ៉ាំអាហារពេលព្រឹកទៅ ជិតហួសម៉ោងកូនទៅរៀនហើយ ថ្ងៃនេះចាំប៉ានឹងបងប្រុស ចាន់ ជូនកូនទៅសាលា"
"ពិតមែនទេ?!"
"បាទ" អ្នកប្រុស អ៊ីប៉ ឆ្លើយរួចក៏អង្គុយចុះនៅកៅអីរបស់ខ្លួន ហើយខ្ញុំដាក់នាងល្អិតនៅកៅអីរបស់នាងរួចអង្គុយចុះក្បែរនាងដើម្បីបញ្ចុកនាងតាមតួនាទី។
"តើនៅក្ដៅខ្លួនទៀតទេ? ចាន់"
សំណួររបស់អ្នកប្រុស អ៊ីប៉ ធ្វើឱ្យខ្ញុំប្រញាប់បែរទៅមើលមុខងាប់របស់គេទាំងភ្ញាក់ផ្អើល ហើយក៏សម្រួលអារម្មណ៍បន្តិចមុននិយាយតបទៅវិញ។
"ឈប់ក្ដៅហើយ"
"ល្អហើយ"
និយាយតែប៉ុណ្ណោះ គ្រប់យ៉ាងក៏ស្ងាត់ទៅវិញធ្វើឱ្យខ្ញុំឆ្ងល់ជាមួយទង្វើរនឹងអ្នកបម្រើនៅក្នុងផ្ទះនេះជាខ្លាំង។
តើខ្ញុំឈឺរហូតគ្រប់យ៉ាងផ្លាស់ប្ដូរហើយមែនទេ?
________រងចាំអានភាគបន្ត_________
YOU ARE READING
លោកប៉ាចា៎! តាមយក❤️ម៉ែដោះចាន់ឲ្យបានណា៎😺
Romanceព្រោះតែកំហុសឆ្គងមួយពេលបានធ្វើឲ្យខ្ញុំក្លាយជាប៉ារបស់ក្មេងស្រីឈ្មោះ វ៉ាង ជឺស៊ៀ។ អ្នកម៉ាក់របស់នាងបានទុកនាងនៅជាមួយខ្ញុំបន្ទាប់ពីបង្កើតនាងរួច ហើយទៅរៀបការជាមួយប្រុសផ្សេង។ ដោយសារតែតួនាទីជាម្ចាស់ក្រុមហ៊ុម ខ្ញុំគ្មានពេលមើលថែកូននិងផ្ទះ ទើបជួលមេផ្ទះមកមើលការខុស...
