៣ ឆ្នាំក្រោយមក...
ខ្ញុំ វ៉ាង អ៊ីប៉ ជាពោះម៉ាយកូនមួយ ហើយជា CEO ប្រចាំក្រុមហ៊ុនត្រកូល វ៉ាង ដែលធំជាងគេនៅក្នុងបរទេសចិននេះ។ ក្នុងនាមជា CEO ម្នាក់ខ្ញុំត្រូវចំណាយពេលជាច្រើនជាមួយការងារនៅក្នុងក្រុមហ៊ុននិងពេលខ្លះទៅដល់កន្លែងការងាររបស់បុគ្គលិកផ្ទាល់តែម្ដង ហើយថ្ងៃនេះដែលខ្ញុំត្រូវមកអង្គុយនៅក្នុងបន្ទប់ប្រជុំដើម្បីពិភ្សាជាមួយម្ចាស់ភាគហ៊ុនក្នុងការផ្ដើមគម្រោងការងារថ្មីបន្ថែម។
«តាមអ្វីដែលខ្ញុំដឹងសម្រាប់ឆ្នាំនេះខាងក្រុមហ៊ុនរបស់ពួកយើងទទួលបានប្រាក់ចំណេញតិចជាងរាល់ឆ្នាំ ១០ភាគរយ តើលោកប្រធានគិតបែបម៉េចដែរ?»
ខ្ញុំបែរទៅមើលមុខម្ចាស់សំណួរទាំងក្នុងចិត្តមិនសប្បាយទាល់តែសោះ ព្រោះតែពេលនេះជាពេលនិយាយពីរឿងគម្រោងថ្មី ហេតុអីក៏មានសំណួរបែបនេះឡើងមកចាកប្រធានបទអ៊ីចឹង? ដល់.កហើយអញ។
«ហ៊ើយ! សម្រាប់រឿងនេះ ខ្ញុំឆ្លើយមិនបានទេ ព្រោះតែគម្រោងរបស់យើងប្រើតែគម្រោងចាស់ៗគ្មានអ្វីថ្មី លោកគិតថាមានមនុស្សមកចាប់អារម្មណ៍ជាមួយផលិតផលរបស់ពួកយើងទេ?» ខ្ញុំផ្អៀងក្បាលទៅខាងស្ដាំបន្តិចបង្ហាញទឹកមុខមាំដាក់គេ ហើយគេក៏បែរមុខចេញធ្វើឱ្យខ្លួនមិនត្រូវ។
«បានហើយ! ពួកយើងមកនិយាយពីគម្រោងថ្មីវិញ»
ម្ចាស់ភាគហ៊ុនដែលមានអាយុច្រើនជាងគេនោះនិយាយឡើងមក ហើយក៏ចាប់ផ្ដើមនិយាយពីគម្រោងការងារថ្មីធ្វើឱ្យគ្រប់គ្នាអង្គុយស្ដាប់ដោយគ្មានអ្នកណាជំទាស់ជាមួយនិងគម្រោងរបស់ខ្ញុំឡើយ តែសុខៗខ្ញុំក៏ត្រូវឈប់និយាយព្រោះតែ...
រ៉ឺងៗៗ
«ហេឡូ»
(អ្នកប្រុស អ្នកនាង ជឺសៀ...)
«បន្តិចទៀតខ្ញុំទៅដល់ហើយ នាំគ្នាបន្តតាមរកនាងទៅ»
និយាយចប់ខ្ញុំក៏ចុចបិទទូរស័ព្ទ ហើយបែរទៅមើលមុខលេខារបស់ខ្ញុំដែលបានដឹងច្បាស់ថាមានរឿងអ្វីកើតឡើងមករួចក្រោកដើរទៅឈរក្បែរគេនិងខ្សឹបតិចៗ។
YOU ARE READING
លោកប៉ាចា៎! តាមយក❤️ម៉ែដោះចាន់ឲ្យបានណា៎😺
Romanceព្រោះតែកំហុសឆ្គងមួយពេលបានធ្វើឲ្យខ្ញុំក្លាយជាប៉ារបស់ក្មេងស្រីឈ្មោះ វ៉ាង ជឺស៊ៀ។ អ្នកម៉ាក់របស់នាងបានទុកនាងនៅជាមួយខ្ញុំបន្ទាប់ពីបង្កើតនាងរួច ហើយទៅរៀបការជាមួយប្រុសផ្សេង។ ដោយសារតែតួនាទីជាម្ចាស់ក្រុមហ៊ុម ខ្ញុំគ្មានពេលមើលថែកូននិងផ្ទះ ទើបជួលមេផ្ទះមកមើលការខុស...
