القصر 🏰 - مكتملة

فصل خاص ❤️

.فصل خاص لأجل صديقتي المتحمسه عله يضيف قليلا من السعاده الي قلبها..❤️..
هيا بنا نبدء ... 🏃🏃

سامحونى فى الاخطاء الاملائيه لحد ما اعدلها .. 🫡
.............

كان عمران يتهامس فى مطبخ المنزل الخاص بهما .. فبعد زواجه من ملاذ اتفقا على السكن فى شقه ملاذ و عنان تسكن مع والدته .. بعد نقاشات عده و مجادلات وافق عمران شرط ان يقوم بتجديد المنزل بالكامل لها و عليها تم الامر ..

سمعت حركة من الخارج فأشار بالصمت لمحدثه ليصدع صوت ملاذ تنادي باسمه .. كانت تصير ببطئ واضعه يديها على بطنها التى اصبحت منتفخة أثر الحمل .. اتسعت عيناه عند سماع صوتها قائلاً : اتقفشنا .. روحنا فى داهية ..

اسرع خارجاً من المطبخ قبل ان تدخل هي ليقابلها قائلا : لولو حبيبتى انتى جيتى ..

رفعت حاجبها بتعب : كنت هسئلك نفس السؤال يا حبيبى انت جيت امتى ؟ .

رفع يده يحك رقبته باضطراب و هو يقول : انا لسه جاي .. و كنت هنزل اشتري شويه حاجات و بعدها اروح اصلى التراويح فى المسجد ..خلاص بكره اول يوم .. كل سنه و انتى طيبة ..

اقتربت منه تحتضن جزعه ليضمها اليه و هي تردد : و انت طيب ..

رفعت ناظرها اليه و هي تتحدث بنعومه عله يوافق : مش هتاخدنى اصلى معاك بردوا .

تنهد بهدوء و هو يجيبها : لا .. الدكتور قال ارتاحي و السلالم كتير عليكي .. صلى فى البيت ..

ابتعدت عنه مكتفه ذراعيها كادت تكمل ليسكتها هو : لا يعنى لا .. و يلا علشان هتاخر .. هو انتى ممكن تطلعلى القميص الاسود بتاعي .. علشان بصيت عليه مش لاقيه ..

- من دسته القمصان يعنى .. ده هما قميصين ..

- متشكر يا محترمة ..

ما ان دلفت الغرفة حتى اسرع هو الى المطبخ ليستمع الى صوت عنان خلف الباب تهمس : خدت بالها ..

- لا الحمد لله امان ..

كادت تتسلل ليمد يده امامها قائلاً : نصيبي فين يا نصابه ..

اخفت الحقيبه المليئه بالمكسرات خلفها و هي تقول : اخرج بس و تعالى عند طنط نقسمهم بدل ما ملاذ تقفشنا ..

- انا مضمنكيش خطوتين قدام .. لخصي يا عنان الى هنام على الكنبة لو اتقفشنا انتى اصلا كل مره بتجري .

- طب ما احنا مش هنعرف نقسم دلوقتى ..

- يبقى هاتيهم و انا هقسمهم و اجيبلك نصيبك .

- مشافوهمش و هما بيسرقوا شافوهم و هما بيتحاسبوا ..

كان ذلك صوت ملاذ التى تقف عند باب المطبخ تكتف يديها و هي تحرك قدمها بعصبية ليبتلعا ريقهما بتوتر ..