شاعر لعيون القصيد

البارت 18

شموخ وصلت غرفة. امها وشافتها تكح بشدةة وجريت عندها وهي تقول بخووف:يممه وشبلااتس يمه حبييبتيي ويينه البخااخ
ام ثامر كانت تكح وبنفس الوقت مخنووقة وما كانت قادرة تنطق زين وما كانت تدري وين البخاخ
شموخ قعدت تدور البخاخ زي المجنوونة عند الطاول وبالادراج
صارت تطيح كل شيء يجي قدامها بس عشان تلقااه وهي قلبها طبوول خوف على امهاا
فجأة لمحته طايح تحت السرير واضح انه طاح منها
جريت على طوول واخذته وقربت من فم امها وقعدت تبخ لين هديت ام ثامر شوي
شموخ بخوف :صرتي زينة الحين يا يمه!؟ علمييني
ام ثامر حطت يدها بقلبها وهي تتنفس:الحمدلله
صرت زينة يا يمه
شموخ قامت من مكانها وهي تغمض عيونها بأرتياح وتدخل يدها بين شعرها وبعدها ناظرت لأمها وهي تقول:يمه الله يهدييتس ويصلحتس داايم اقولتس واعلمتس تخلين البخاخ معتس خليه حدتس اربطييه بشيلتس وش كاان بسوي لو صار لتس شيء هااه
ام ثامر :والله كان معي يا يمه بس مدري يمكن طاح
شموخ تنهدت ورجعت قعدت جنبها وهي تقول:لا تزعلين مني يمه والله اني من خوفي علييتس
ام ثامر ابتسمت ومسحت بشعرها:ادري خايفة علي يا روح امتس جعلني ما انحرم منتس
شموخ ضحكت وحضنتها :فديتس يا يمه والله فدييتس
دخل قصي بهاللحظة وهو يدور شموخ:شموخوو وينتسس
شموخ قامت:هلا
قصي يوم شافهم قال ببتسامة :وش عندكم حاضنين بعض
شموخ:انت شعليك هاه بعدين اشفيها لو حضنت امي
قصي:ما قلنا شيء احضنيها بس غريبة
شموخ:وراك كنت تناديني
قصي:كنت ابيتس تجهزين لي ثيابي وراي طلعة
شموخ تغمز له:وش ورااك؟
قصي ضحك :رايح مع العيال الخيمة
ام ثامر:انتبه لنفسك يا يمه
قصي قرب منها وحب راسها:ابشري يمه ما طلبتي
ام ثامر :الله يسعدك يا يمه
شموخ قامت:يالله انا قايم اجهز لك ثيابك وانت خلك عند امي لين ارجع
قصي استغرب بس قال :ابشري
قامت شموخ ومشيت وقصي ضل عن امه يسولف ويضحكون ثنينهم سوا

رجع ياسر من المسجد الي قعد فييه لين فضيي. من النااس وتوجه بيته دق الباب مرتين وبعد دقايق فتحته نجود وهي تقول:هلا اخوي
دخل ياسر وهو يسمع اصوات رجال بالمجلس عرف ان في رجال جايين زيارة لابوه ولف لنجود:مين الي عندنا؟
نجود:ابو سلطان وابو فاتح
ياسر طلع محفظته وجواله ومده لنجود:دخلي هذول داخل وانا اخوتس بروح اسلم على الشيبان
نجود اخدت من يده :طيب
مشيت نجود وبعدها ياسر له وجهه رايح للمجلس
وقبل يدخل وقف من سمع ابو سلطان يقول :الله شاهد علينا اننا نحشمك من جيت وسكنت بيننا يا ابو ياسر ومر العمر وما شفنا منك القصور لا انت ولا احد من اهلك بس
وسكت
ابو ياسر استغرب :بس وشهو
ابو سلطان صد بنظره وهو مستحي اشلون يقول
وقال ابو فاتح :ولدك يا ابو ياسر شهده اكثر من شخص ولقاه يروح بيت نسيب ابو جزاع ويشم ويمشي الي يسويه ماهوه جايز كلنا ندريي انه هو بغاهاا والنصيب مدها لغيره والي يسوييه محدن يقبله
ابو ياسر سكتت وصد نظره مستحيي لأنه حااول وااجد انه يمنعه يروح ويكلمه ويقوله يا ولدي الي تسويه حراام ما يصير لا ترووح وش يقولو الناس يقولو ابو ياسر ما عرف يربي لكن ياسر ما يطيع
ابو سلطان عرف ان ما بيد ابو ياسر شيء وقال :اسمع مني يا سعود وخذ ولدك عند شييخ اعرف واحدن زيين مرض ولدي واخذته عنده والحمدلله طاب من المس
ابو ياسر ناظره وهو مستغرب وش الي يقصده بأخذه عند الشيخ ولده مافيه الا كل العافية
ابو سلطان كمل :صدقني ولدك مسحور ولا وشوله يروح يشم عتبة دارها ويرجع ما لعمله تفسير غيره
ابو ياسر الي من عمايل ياسر فعلا من يشوفه يقول مسحوور لاكنه داري بولده ماهو مسحور
وياسر الي سمع كل كلامهم وسند راسه بالجدار وهو يتنهد بقلة حيلة من الناس ومن عمايله هو الي ما يدري ليه يسويهاا لكن غصب عنه