شاعر لعيون القصيد

البارت 46

ومرت اليلة الي عيا يمر لحيدر وشموخ من فرحتهم
وبنسبة لصقر الي حس مرت سنين من عمره من هاذي الليلة وصل يناظر لدلال الي نايمة بمكانها وهو كل شوية يجي ويتطمن عليها وعلى عهد
واخر شيء نام قبل الفجر بساعة
وشرقت الشمس مرة ثانية بس ما عطوها موية هالمرة🤭
امزح والله اخر مرة
وشرقت الشمس وصقر كان نايم للحين قربت منه دلال وهي تحركه بشوييش :صقرر يا صقرر قوم ما بتروح الدوام؟
صقر الي تحرك بنزعاج وهو يفتح عينه ببطئ وكسل
لكن من شاف دلال ابتسم وهو يقول:عيون اخوها!
دلال ابتسمت:هلا يا بعد كل اخواني
صقر قعد وجهو مبتسم :متى صحيتي فديتس
دلال:من زمان صحيت
صقر مسح بشعرها ب حب وهو يناظرها ببتسامة
ودخلت عهد وهي تقول :هاه لسه ما صحي ؟؟
صقر ناظرها:لا صحيت
عهد ابتسمت وهي تشوفه مبتسم عكس امس وقالت :عسى الصباح دايم منور بمبسمك
صقر ابتسم وهو يناظر دلال:دام دلين موجودة مبسمي بمحله
عهد تخصرت:وانا!!! مزهرية ولا جداار؟؟
دلال ضحكت وصقر قال بسرعة:انتي قلبي كله
دلال :بدينا نغار مرة ثانية
عهد:ايه نغار ليه لا كافي امس نمتي وهو يهمز لتس
دلال :ليه ما قده همز لتس؟ دايم اشوفه يهمز لتس يالكذووبة
عهد صدت نظرها وقام صقر وهو يقول:انا داخل اغير واروح قبل ابوي يزفنيي وانتم يا وييلكم لو اشوفكم تتهاوشن
عهد :معليك حبيبي ما نتهاوش
دلال :صايرين حبيبين مع بعض معليك
ابتسم صقر:زين
وخرج وهو شايل ثيابه لاجل يلبسهم وعهد اول ما شافته مشي ضربت دلال بخفة:انا كذوبة اجل هاه ! ؟
دلال رجعت ضربتها:ايه وانا صادقة ظنتس ماا اشوف
عهد:مافي خصوصية بهالبييت
دلال :يا زينه من خصوصية وانتم كل ليل تنادوني لاجل اهمز لتس انتي ورجلتس
عهد تبتسمت:ايه فديتس عشان لا جت بنيتنا تصير تشبهتس
دلال:واذا ما شبهتني؟؟
عهد :والله يعني لين ذاك الوقت يصير خيير
دلال :زيين
عهد ابتسمت لدلال وقالت :تعالي نطلع للجدة فديتس
دلال ابتسمت:يالله
وطلعو ثنينهم برا

ابو جاسم ناظر لابوه :هاك يبي نروح لهم اليوم
الجد ناظر حيدر وهو ساكت وبعدها قال:زين خلاص رح لهم اليوم
ابو جاسم:اشلون نروح لهم فجاة نعطيهم موعد قبل
حيدر :طيب اتصل عليه الحين وعطيه موعد
ابو جاسم:شكلو يا حيدر بتجلطني انت لين تتزوج
حيدر متربع قدامه:يالله يبه ترا الدكتور قال لا تزعلووني
ابو جاسم اخذ نفس وناظر لابوه
الجد:اتصلل يا ولديي وعطه موعدد
حيدر مبتسم وهو سنونه من بسمته طالعة:يالله يببه
ابو جاسم ناظر لحيدر وبعده صد نظره عنه وهو يطلع جواله من جيبه وهو يقول:صبرك يا ربيي
وقعد يدور رقم ابو ثامر الي لقاه بعد ثواني
واتصل وحط الجوال باذنه منتظره يرد
بعد ثوواني رد :الو
ابو جاسم بفرحة:الو السلام وعليكم
ابو ثامر بفرحة:وعليكم السلاام يا ابو جاسم
ابو جاسم:اشلونك اخبارك يا ابو ثامر عساك طيب
ابو ثامر:والله الحمدلله ،وانت اشلونك واشلون العيال عساهم طيبين
ابو جاسم ناظر حيدر الي قاعد جنبه والابتسامة شاقة حلقه:الحمدلله العيال طيبين ،والله وانا اخوك بغيت نجي انا والعيال يوم الخميس عندكم
ابو ثامر كان يظن انه بيقول بيجون اليوم وقال:حياكم والله تشرفونا وتنورونا
ابو جاسم:الله يسلمك يا ابو ثامر ما تقصرر
ابو ثامر :والله اسعدتني الله يسعدك مرحبا بكم
ابو جاسم:الله يسعدك يارب ،سلم لي على ثامر
ابو ثامر:يوصل إن شاء الله
ابو جاسم:مع السلامة
ابو ثامر :مع السلامة
حيدر عدل جلسته بفرحة:وش يقوول! ؟
ابو جاسم:وش يقول يعن يقول تشرفونا
حيدر :يوم الخميس؟
ابو جاسم :ولا تبيه اقرب
حيدر سكت شوي وهو يقول:لا لا خلاص زين كذا اصلا ما بقا له واجد يعدي معليك
ابو جاسم صد نظره عنه بقلة صبر وحيدر قام من مكانه بحماس وقبل يطلع باس راس ابوه وهو يقول :شكرآ لك يا تااج راسي
وطلع يجري وابو جاسم الي ما قدر يخفي بسمته من فرحته وقال الله يسعدك يا حيدر
طلع حيدر وهو يعلم الكل بفرحة انه بيخطب شموخ يوم الخميس
وما خلا احد ولا دق عليه وعزمه انه يروح معهم
بدر وساهر وعساف وياسر وكل من يعرفه
رامي:ياهوه ترا رايح تخطب ماهوو عزيمة
حيدر:والله لو بيدي شليت القبيلة كلها ورحت خطبتها لكن خلاض الاقربون هم الي بقولهم ،مين باقيي يا حيدرر ميين ؟؟؟
رامي قال له بطقطقة :نسيت تعزم صاحبنا عزام
حيدر:صح والله نسييته صدق
رامي صد نظره وهو يقول :بيجلطني ذاا
حيدر قعد يكلمه وهو يعزمه ومستاانس
جاهم امجد وهو يقول :حيدرر
حيدر لف له وابتسم وقال الي معه بالسماعة مع السلامة اكلمك بعدين ونزل الجوال من اذنه بحماس وفرحة:امجدو عرفت؟
امجد:ايه عرفت عرفت وابيك تجي معي والحين
حيدر:ليه وشصاير
امجد يسحبه:مو صاير شيء لازم تتفاول يعني
حيدر :والله مع الاشياء الي صارت لي وانا بطريقي الا السعادة خلتني اتوقع القرصة حتى من ظلي
امجد دخله غرفة الجد ومشي هو عند المزهرية
حيدر بستغراب:وشبلاك انت؟
ومجد:صبرر
ونزل المزهرية من فوق وهو يقلبها بيده
وطاح بيده سلسال وبعدها دخل يده وهو يطلع ورقة
حيدر كان معقد حواجبه وامجد رفع السلسال وهو يقول:ما تذكرته!! ؟
حيدر قعد يناظر بدقة وبعدها قال بتدارك:هااذا سلساال شمووخ!! من ويين جبته والله لي اسبوع ادوره بالحارة وما الاقييه
امجد: هاذا يوميتها جابهم لي نياف وقال هذول يرجعو لاخوك ظنتي وفور ما شفته عرفته وحطيته هنا ونسييته توني اذكره
حيدر قعد يمسح بالسلسال ب حب وهو مبتسم:والله انك زحت همي ظنتي ضاعت
امجد ابتسم:لا ما ضاعت ودامه موجود السلسال موجود العهد الي بينكم
حيدر ابتسم وناظر الورقة وهو يقول:و وش ذا طيب
امجد ناظر الي بيده ومده له وهو يقول:خذ شفه
حيدر شاله من ويده وهو يفتح وشاف القصيد الي كتبها بيومهاا لشموخ
وكانت نص القصيد مو واضح كلماتها لان نص الورقة كان لونها احمر من دمه وتبتسم على جنب وهو يذكر ليلة الي طلع من بيته وهو ولهاان عشان يوصل لشموخ
ومن يومها اخذ شهور لاجل يوصلها
امجد بضحك:رجعت لك الذكريات؟
حيدر:ايه والله رجعت لي ذكريات مالها ببالي مكان
امجد:يالله تبسم الحياة بوجهك واخيرآ
حيدر تنفس بفرحة:واخيرآ يا امجد واخيرآ
امجد ابتسم ب حب ة:الله يسعدكم مع بعض يارب
حيدر من القلب :اميين
امجد :يالله انا ماشي مواعد ياسر اني اروح له
حيدر:في امان الله