شاعر لعيون القصيد

البارت 56

شموخ ومها جو بعد لاجل يتطمنون على عهد وفرحو لمن شافو ان عهد حالتها احسن من امس ومها كانت واقفة جنب سرير عهد وهي تأشر لها وتسالها عن احوالها ب حب وعهد كانت ترد عليها وشوية تفهمها وشوية شموخ تفهمها وكانت مها الانسانة الي طيبة مع الكل وتسال عنهم ودايم بسمتها ما تفارق شفاهها
عهد مسحت بيد مها ب حب  من توصياتها وخوفها عليها مثل كنها امها :معليتس يا عيون اختس بنتبه لنفسي وانتي بعد انتبهي لنفستس ولا تشيلي شيء ثقيل وانا اختس وارتاحي زين
مها هزت راسها ببسمة وشموخ شافت وشلون مها مهتمة بعهد مثل كنها اختها واكثر بعد وشدها علاقتهم الحلوة وقالت ب حب:الله يخليكم لبعض يا رب من اهتمامها وتوصياتها ظنيت انها اختس
عهد ابتسم وهي تناظر لمها:مها اختي الي ما جابتها امي ،صحيح توني اعرفها لكني احس بيننا معرفة عمر
شموخ ابتسمت لعلاقتهم الي اسر قلبها :وانا من يوم عرفت مها ما شفت منها الا كل خير وكل من شفته مدحها
ابتسمت مها وجلست فوق الكنبة وشموخ بعدت شوي لاجل تقعد براحتها وبعدها التفتت لعهد:ما قالو متى يخرجوك
عهد:العصر ان شاء الله
شموخ:ما كنه بدري كنتي تقعدي يوم يومين
عهد :انا الي مابي، قعدة المستشفيات هاذي ما وراها الا ضيقة الصدر
شموخ بضحكة :اجل بنشوف بعض بالبيت
عهد بضحكة:ان شاءالله
ام نايف :وش ان شاء الله انتي ما بتجين معنا بالبيت
عهد عضت شفتها وهي تقول:لا يمه اسمحي لي ابي ارجع بيتي
حنين تخصرت:ماشاءالله الحين صار ما يعجبك البيت الي كبرتي فيييه
عهد بتبرير:لاا ماهو ما يعجبني بس عندكم طفش مافي من يسلييني اما فبيتي في فهودي وفي الجدة الله يحفظها والكل
ام نايف الي ما زعلت بزاد فرحت لان بنتها سعيدة ببيتها واهل زوجها يحبونها عشان كذا هي تحبهم ولا ما احد يحب الي ما يحبه وقالت:الله يسعدتس فبيتس يا رب
عهد من القلب :اميين
وكملو يسولفن الا ان جا صقر لاجل يعلم عهد انو بعد شوي بيطلعو وقامو مها وشموخ عشان يسبقون عهد وصقر للبيت وهم يلحقونهم
وما ضل عند عهد الا امها واختها ودلال الي قالها صقر تضل عشان عهد
وقامت عهد بمساعدة من دلال ودخلت الحمام وانتو بكرامة ودخلت دلال معها وهي مو مخلية عهد لوحدها رغم انهم يتهاشو بالييت دايم لكن بالوضع هاذا كان غيير واثبتت حبهم لبعض رغم هواشهم وبعدها طلعت وغيرت ثيابها وساعدوها تلبس عبايتها ،ودخل نايف عشان ياخذ اغراض عهد وياخذها للسيارة ودلال اول ما دخل رجعت ارتبكت ونايف دخل وما لاحظ لدلال انها موجودة ظن انها رجعت البيت وتقدم عند حنين وهو يشد اذنها بخفة :وش الي كنتي تقولينه لخطيبتي وتزعجينها هااه
حنين بآلم :اييي والله مكنت اقولهاا شيءء اسالها
نايف: ايه ايه بسالها لمن اعرس عليها واقول اختي الكريمة وش الي قالته لتس وازعجتس عشان اجيتس بالبشت واكخفتس
حنين بعدت يده عن اذنها:مو شرطط تسالها بيوم العرس كاهو قدامك هي اسالها
نايف التفت مكان ما اشرت وصدم لمن شافها وكانت متفشلة ومنحرجة بنفس الوقت وهو انحرج زيادة وعهد الي كانت قاعدة فوق السرير بعبايتها كتمت ضحكتهاا من منظر نايف
ونايف كح وهو يرقع الموضوع: ا وين اغراض عهد
حنين عضت شفتها من منظره وقالت وهي تكتم ابتسامتها:هناك
نايف راح واخذ اغراض عهد وهو يصد نظره عن دلال الي انحرجت
وحنين وعهد فضلو يسكتو ولا يزيدونه في دلال الي بنفسها منحرجة من يوم جت ، وجت ام نايف من برا كانت مع صقر توصيه على بنتها وهي تستعجلهم وطلعو وحنين وامها ركبو بسيارة اخوهم وعهد ودلال مع صقر وحركو السيارة للبيت وكانو دلال وصقر يسولفو ويضحكو مع عهد ولا يحسسونها ابد في شيء وفعلآ عهد من الخارج ما كانت تحسسهم ابد بشيء من حزنها الي دافنته لكن من الداخل كان في شيء بروحها ناقص عن العادة وتلامس بطنها بين حين وحين وتسشعر بمكان فاضي بجوفها قبله كان في نبض
و وصلو البيت بعد دقايق طويلة وكان الجميع بإستقبالهم بالحوش  وصدمو عهد بالإستقبال لمن فرقعو ذاك الي مدري شسمه T_T وفي الي يزخرط وكنه اليوم عرس مو وحدة راجعة من المستشفى ،وكان كل ذا لاجل ما يحسسو عهد في اي شيء وتغير نفسيتها بعد الي صار
وعهد الي كانت مصدومة الكل بالحوش لاستقبالها وتقدمت منها الجدة وهي تحضنها وتبوسها : يا هلا ب نور البيت يا هلاا
عهد ناظرتها بفرحة وباست يدها  وهي تقول:هلا فيتس يا جدة
ام عادل:وشلونتس اليوم يا بنتي
عهد الي ماسكها صقر من يدينها وكل حيلها فيه:الحمدلله طيبة يا خالتي
صقر قال بضحكة:كملو لمن تدخلو داخل خلو حرمتي ترتاح
ام جاسم قالت بتدارك:ايه ايه دخلها يا ولدي ما يصير توقف بالحر عشان جرحها
وتقدمت عندها وهي تمسك يد عهد من جهة الثانية وهي تساعدها ودخلوها داخل وساعدهها صقر عشان تسدح وبعد ما تطمن عليها طلع لانه كان في حريم  اخوانه موجودين وطلع هو للعيال الي كانو واقفين له عند المجلس
وتقدم منه حيدر وهو يقول:  هلا هلا والله
صقر : هلا  بالعريس والله ،وشلونك اخبارك
حيدر : الحمدلله ،انت وشلونك اخبارك
صقر ابتسم :الحمدلله بخير
امجد توسعت ابتسامته لمن شاف صقر مبتسم وحاله افضل من امس وحيدر قال بفرحة :تعالو ندخل لا يستقعدنا ابوي وين كنتو و وين رحتو
صقر حط يده بكتف حيدر ويلتفتو لاجل يدخلو:يالله
ودخلو كلهم داخل وصقر ناظر لحيدر وهو يطبطب بكتفه ببتسامة:وش سويت البارح
امجد وحيدر ناظروه بدهشة وهم مو فاهمين قصده:هااه؟
صقر استغرب من نظرتهم وبعدها استوعب هم وش فكرو فيه وقال بدفاع بسرعة : هيه هيه وين رحتو بنيتكم ترا نيتي سليمة والله
امجد :بالله سليمة وانت تسال عريس ذا السؤال
صقر :قصدي انه وين راح وكذا لكن انتم الله يشفيكم
حيدر ضرب راس امجد بخفة :وانت ليه يروح تفكيرك بعيد  الظاهر يبينا نزوجك
صقر :والله وانبعد اقول كذا وانا اخوك هاذا من يومه خربان ويبينا الحين نزوجه قبل يتدهور الوضع
امجد رخي ظهره:قايلكم ما بتزوج الحين لا زانت الامور قلت بنفسي ابي اتزوج
حيدر :بكرى لا طحت ومحد سمى عليك وقتها نشوف
قعد امجد زي الناس وهو يشوف ياسر توه دخل المجلس وقال :جا ياسر ،انا قايم له
وقبل يتكلمو العيال قام امجد وصقر ابتسم لامجد الي قام لاجل ياسر والتفت لبدر الي كان قاعد جنب امجد الي قام وقال :وانت وش اخبارك يا بدر
بدر كان باله مو مع صقر ولا يمهم حتى ولمن تكلم صقر صحي له وهو يقول :هاه
صقر :هاو؟وشفيك يا بدر؟
بدر ناظر الي حوله بإستيعاب ومسح عيونه باصابعه بتنهيدة وصقر قرصه قلبه وقرب شوي صوبه وهو يقول :وشصاير يا بدر؟
بدر اخذ نفس وهو يناظر لصقر الي كنه داري ان الموضوع يتعلق بساهر وقال :ساهر
صقر عقد حواجبه:وشفيه؟
بدر :امس سافر الدمام بعذر الشغل وانا ادري انه مافي بضاعة مثل ما قال ولا هو عذر يشرف لكنه قايل لابوي كذا واتصل عليه ما يرد
صقر اخذ نفس بتفكير وهو يدري ساهر الي مره مو قليل والمفروض هو يكلم سارة لكن الي حصل مع عهد خلاه مو يم الي حوله ابد
بدر :والله يا صقر ضايق علي الحاال
صقر ناظره بنظرة يطمنه فيه :معليك وانا اخوك ان شاء الله يومين ويرجع
بدر اخذ نفس وهو ياخذ سبحته من فوق التكاية:والله ما ظنتي يا صقر انه يومين ساهر لا ضاق صدره لم نفسه وابتعد هاذا اخوي وانا خابره زين
صقر ما قدر يتكلم وهو فعلا كلام بدر ساهر من يومه اذا ما زان له الوضع و وصل حده خذا نفسه وابتعد الا ان تزين حاله والحال هالمرة ما تبشرهم انه بيرجع بسرعة