شاعر لعيون القصيد

البارت 4

وفي صباح اليوم الثاني
صحيو كلهم من بدري والمخطط انه يحركون المدينة
الروحة الي مخططين لها من رمضان ،ومن بدري الكل راح بيته وجهز اغراضه عشان يمشون الظهر
يقين المعروف عنها طباخة جهزت اكل وحلويات عشان اذا جاعو بالطريق
دخلت عليها دلال وهي تقول:يقين ،، خلصتي ولا لا ترا ابوي قال نحرك الظهر
يقين:خلصت خلصت يا روحي بس اغلفهم
دلال  تشوف وش طابخة :الله  الله وش مسويية
يقين ابتسمت:سويت كيكة وبسبوسة ادري عمي يحبها وشوية معجنات وشوية سمبوسة من حق رمضان وهااه بالحشوة الي تحبينها انتيي
دلال :والله محظوووظ الي عنده يقيين فوق ما انتس طباخة كمان تنظفين عننا ولا تقصريين الله يخليييتس لنا ياا رب
يقين تحط لها قطعة بسبوسة :هاه جربي وعطيني رأيتس
دلال جربت و وسعت عيونها بلذاذة : يهببل
يقين فرحت انه عجبتها
دلال سندت نفسها بالرخام :اقولتس يقين،،  ليه ما تسوين نفس بسبوسة عهد والله بعد البسبوسة الي تسويهاا مافي
يقين رفعت حواجبها واخذت الصحن من يدها :اجل روحي كليي من بسبوسة عهد الي مافي بعدهاا
دلال تناظر الي خذته من يدها:ماا كنت اقصدد وشبلاتس زعلتي
يقين:ضفي وجهتس ، لا اقوم لتس الحين
دلال مشيت من عندها وهي ودها تكمل القطعة بس يقين مستحيل تخليهاا

وبالمجلس
ابو جاسم قاعد ويتقهوا ويسأل عياله كل شوية اذا اخذو غرض وكل ما تذكر حاجة ذكرهم
حيدر قاعد ويتقهوا مع ابوه
ابو جاسم لف لصقر:صقر قل لامك تجهز لي شماغ الي شريته حق عؤس ريان لانه ثقيل ودافي
صقر:ابشر يبه
حيدر يتقهوا :قل لشوق تجهز لي هدومي انا الحين جاي بلبس
ابو جاسم التفت له بدهشة : خير خير وانت وين رايح؟
حيدر نزل فنجان القهوة بإستغراب :هاو ؟ معكم انتم وين رايح يعني ؟
ابو جاسم:من قال انت جاي معناا لا حبيبي انت قاعد هنا مع جدك وجدتك بعد الي صار ليلة العيد مافي روحة تنقبر بمكاانك
حيدر  وسع عيونه بدهشة وناظر لصقر ونطق :بس يبه
ابو جاسم: اقول بلا يبه بلا بطيخ ، انا قلت ما بتجي يعني ما بتجي تحمل الي يجيك دامك تسوي غير ما تفكرر
حيدر سكت بقهر لانه كان اكثر واحد متحمس يروح
قام ابو جاسم عشان يلبس ويحركو
وعادل طبطب في ظهر حيدر:يالله معوض السنة الجاية ان شاء الله
حيدر التفت لجده  بتحطم  :جدي شفت ولدك
الجد:والله ما قدرت اتكلم لا يعصب ويكنسل الروحة من أصلها
حيدر :معليه يمكن خيره

جهزو كلهم وركبو السيارات وابو جاسم يكلم حيدر ويوصيه :يا ويلك يا حيدر لو جيت ولقيت قالب الدنياا تترك كل حااجة وتنتبه للغنم زيين ، تفهمم
حيدر:افهم يا يبه افهم
ابو جاسم:انتبه لجدك وجدتك
حيدر:ان شاء الله
ابو جاسم دخل راسه داخل وهو يقول لجاسم يالله حرك
وحيدر ودعهم بعيونه لين كل سيارة مشيت ورا الثاني وهو يراقبهم بعيونه لين اختفو ورجع لف بنظره للبيت وهو يحس ما وده يدخل والبيت كذا هاادي ،دخل يده بين شعره وهو يقلب فيهم وقال نروح المزرعة احسن لنا والله من القعدة هنا
ودخل داخل وهو ينطق :شرايك يا جدي  نمشي المزرعة
الجد الي قاعد بالمجلس :مدري والله اسأل جدتك
حيدر لف عشان يطلع عند جدته ودخلت جدته توها وهي بيدها صينية شاي
حيدر:شرايتس نمشي المزرعة دام مافي احد بالبيت مابي اترككم لوحدكم واروح له عشان الغنم كذا احسن ننام ونصحى وندير بالغنم بعد والصراحة ما ودي اقعد بالبيت وهو فاضي
الجدة:فكرة سنعة والله ما شبعت من المزرعة امس
حيدر بحماس:اجل مشيناا
الجدة :تعال تعال وين رايح جب معك كيس وشل لحافي ومخدتي مقدر انام بدونهم
حيدر :جدة الله يصلحتس اناا؟؟؟
الجدة:ليه في غيرك ؟؟
حيدر بإستسلام : ابشري الحين رايح اجيب كيس والم العفش ونمشي
مشي وهو حتى الملعقة ما يعرف مكانها بالبيت ويدور ويحوس هنا وهناك لحد ما يلقى الي يبيه