هذا بارت بعد قطعه طويله
اتمنى يعجبكم .. 🤍
.
.
ولا ندري عن الأقدارِ شيئًا
وفي الأقدارِ منفعةٌ و ضُرُّ
فقد يأتي من المكروه خيرٌ
كما يأتي من المحبوبِ شَرُّ.
صحت بفجعه و تحس قلبها بيخرج من صدرها
و هي تتنفس بصعوبه
ناظروا لها باستغراب
بينما جدتها مسكتها وهي تقول : منو حبيبي سمي بالله وش فيك!؟
ناظرت لاخواتها اللي كانوا يناظرونها بصمت ينتظرون ردها و ناظرت بكيان اللي تناظرها باستغراب
و طاحت دموعها
ضمتها جدتها
بينما تشاهق وهي تبكي بقوه: حـ حلمت ان صـ صار لنا حادث و وو..
ما قدرت تكمل و انهارت بكي
جدها حط يده على ظهرها : سمي و تعوذي من الشيطان يا بنتي ما فينا الا الخير !
مسحت دموعها وهي تحس نبضات قلبها تنبض بقوه
وش هالحلم المفجع
كان كأنه حقيقي لدرجه تخوف!
تخيلت اذا جاهم الحادث صدق لاقدر الله
كانت بتبقى شموخ لحالها ..
تعوذت من الشيطان و هي تحس النوم طار من عيونها
ناظرت من الدريشه و كانوا باقي بخط السفر
خواتها رجعوا يسولفون بينما جتها ليان جلست جنبها و ضمتها
بادلتها منى وهي تحس باقي خرعة الكابوس بقلبها...
....
دخل بالليل الغرفه
و كانت نايمه لحالها
اقترب منها و رفع الغطاء و غطاها
و انحنى يتأملها و يتأمل ملامحها المسترخيه
كيف هي جميله و رايقه
دائمًا تشتد ملامحها بتواجده
و تكون عصبيه او حاده
اول مره يشوف ملامحها كذا
كأن كل الهموم و الافكار ذهبت و كانها خاليه من كل شيء
ناظر لرقبتها و اثار التكريز بدأ يختفي
ابتسم
يحس انها ملكه و بكذا اكد ملكيته لها
بس ..
عبس لما تذكر الجوال
خرب كل شيء بعد ما اكتشف هالجوال
وقف و راح يبدل ملابسه بضيق
بينما هي فتحت عيونها بعد ما راح
و عقدت حواجبها
ليش كان يتأملها كذا
مو يكرهها؟
غامض و غريب اطوار
ما فهمته ولا فهمت شخصيته
هي تدري انه عصبي و تدري بصفاته هاذي
بس تحس فيه جوانب مخفيه فيه عن الكل
تحس نفسها بتحدي
تبي تستكشف خفاياه و تفضحه
غمضت عيونها بسرعه بعد ما حست فيه وهو جاي
تمدد جنبها و قفل اضاءة الابجوره اللي عند راسه
اقترب منها و دس وجهه بشعرها الطويل
وهو يستنشق ريحته و حاوط خصرها و قربه لجسمه و تنفس براحه
بينما هي كان قلبها يدق بقوه
مهما مرت الايام
باقي ما تعودت على قربه
اقشعرت وهي تحس بأنفاسه على رقبتها
و جاهدت نفسها عشان تنام غصب
....
بعد اسبوع
كانت روابي جالسه مع راكان برا بالحوش يتأملون السماء كعادتهم
تعودت عليه و على قربه
كان يدها بيده و هي تتأمله بخلسه
و النسيم البارد قشعر جسمها
ابتسم راكان و فسخ جاكيته رغم معارضاتها و حطه على كتوفها
حط رأسه على فخذها و تمدد
بينما صنمت روابي و ابتسم راكان و غمض عيونه
بتردد مدت يدها و مسحت على شعره وهي ترجف شوي
بدت تمسح على شعره بابتسامه وهي تتأمله و هو مسترخي
قرصت خده بخفه و عقد حواجبه و ناظر فيها
بينما ضحكت هي قام وقرصها بخفه في خصرها
بينما صرخت: راكاان !
حكت خصرها وهي تضحك بينما رجع حط راسه بحضنها
و غمض عيونه
رجعت تمسح شعره بنعومه و تتأمله
استقرت يدها على عيونه المغمضه و رجعت راسها على ورا
بينما راكان مسك كف يدها و باسها
شالت يدها بخجل بينما ابتسم هو...
أنت تقرأ
رواية : نَفسـي عَـزِيـزة مَـن جَفانـي جَفِّـيته لـو صَـعب عَلـى القَلـب فَرقـاه
General Fictionتحكي عن ثمان بنات ايتام عايشين حياتهم بعيد عن المدينه تشاء الاقدار و يجدونهم عائلتهم اللي مقاطعه ابوهم من سنين بعد سنين طويله من وفاة ابوهم و قصصهم مع عايلتهم وش السر اللي بين الجد و ولده ؟ وحياتهم اللي تغيرت من الفقر الى الغنى فجأه ! و قصص الحب...
