رواية : نَفسـي عَـزِيـزة مَـن جَفانـي جَفِّـيته لـو صَـعب عَلـى القَلـب فَرقـاه

15

ستسقُط ويكسر قلبك مره ،ثم مرتين ،ثم ثلاثة، ثم اربعة، ثم خامسة، ثم تنهض وحدك ثم تميل ثم تتزن ثم تتحول إلى شخص لا أحد يقدر على إيذائه
.
.
قامت الجده من مكانها بصدمه : شلووووون!!!؟
ردت ام نواف وهي تطالع للفنجال بهدوء: هذا اللي صار..
قالت الجده بصدمه وهي تطالع لحرمة ولدها : يمر اسبوعين و ما تقولون لنا شي لييش !! طيب في عزيمة روابي يوم ما حضرتوا كان هذا هو السبب!!!
ردت ام نواف بصدق: بالحقيقه اي هو السبب و انا ونواف قررنا ما نقول شي لان روابي بنت عبدالله كانت بالمستشفى و ما ابي فوق الصدمه صدمه
الجده وهي تطالع فنجالها: طيب و ولده حسام؟
ام نواف بهدوء: بيننا و فينا و بنربيه بدون امه حتى لو زوجت نواف بيكون حسام بعيوني الثنتين
ردت الجده بواقعية:تعرفين ان ما يعوض مكان الام اي مخلوق
زفرت ام نواف بهم وهي تطالع بحسام اللي جالس بعيد
نادته الجده بصوت عالي و جاء لها باسته بين عيونه وهي تطالعه بشفقه
و قالت : اسمع حسام روح للبنات فوق بتلاقيهم بالصالة
طلع حسام بحماس
و الجده و ام نواف قعدوا ساكتين لفتره و بدوا يسولفون

...

انتشر خبر طلاق نواف بين أفراد العائله و كانت صدمه لهم
و بعدها بيومين تقبلوا الموضوع و كون خوله ما تخالطهم كثير
وأما حسام فوق ما كان مدلع دلعوه زياده و حطوه بالسماء

نــــواف..
غاب اسبوع بعد طلاقه بمكان مجهول
و رجع الاسبوع اللي بعده
هو ابد ماحب خوله لكنها جرحت برجولته و قللت من قيمته
حس بقهر و انتم تعرفون شقد قهر الرجال شي كبير
شايل هم ولده اللي ما كمل ٨ سنوات
...
فــهـــد..
هادي هالفتره و شكل برأسه شي اجل اجتماعه بالشركة الالمانيه  و مدري وش بباله هالايام
...
تــركــي..
يمر طيف خلود عليه كل فتره وهو كل ما يتذكرها يبتسم
يفكر يخطب خلود بس بعد ما تتخرج من الثانوي و يكوّن نفسه صار يسحب الكلام من أخواته عنها و ينبض قلبه لطاريها
...
راكــان..
تغير هالفتره صار يفكر بروابي يبي يعرف أخبارها بس ما عنده احد يقول له
قعد مهموم و يبي يعرف سبب اللي صار لها
محتفظ بخاتمها اللي حصله بوحده من الورود
اللي رمتها عليه معلق بوحده من الورد و فيه اثار دم !!!
يسهو كثير بهالفتره و اهله ملاحظين التغير
...
ريــاض ..
شايل هم قراره اللي يفكر فيه الفتره الاخيره وش هو قراره؟!
رفض يقول لنا لسى مجهول يبتسم لطاري ليان
و يحس قلبه يألمه لمجرد ما يتذكر قراره شكله بيعيد التفكير فيه
مجرد ما هو بنفس المدينه يحس بقربها و ملامحها البريئه تلاحقه بتفكيره
...
مـنـــى..
تحس بشفقه كبيره على حسام نتيجة عدم اتفاق طرفين نتيجة صفقة زواج فاشلة هو حكى لها اليوم المأساوي
وهي طمنته و احتوته طفل بريئ من وعى على الدنيا
وهو يعاني من برود امه اللي كانت متجاهلته و متجهه لشهوات الدنيا (صديقاتها،سفريات،أسواق،مكالمات،و إلخ..) و منى بحنانها المعهود صار حسام يروح لهم اكثر و اكثر
...
شــمـوخ..
مترصده لحركات فهد و متجهزه نفسيًا لأي مصيبه بتجي بنفس الوقت متوترة ومو عارفه وش يفكر فيه
....
روابـــي..
تأخذ علاجاتها اول بأول هاديه اكثر من اول
صارت ما تحب تقعد بالبلكونه
تحرص انها تسكرها يوميًا
و مع هذا يروح نظرها بدون احساس للدريشة كل شوي توعي على نفسها و تصحي عمرها
و تقول(هذا اكيد كان يلعب علي و بيتزوج اللي كانت تكلمه )
و كل ما يتردد هالكلام بعقلها ينقبض قلبها و تفكيرها براكان
...
خـــلــــود..
ما زالت تكتب بمذكرتها كل يوم اشعار و هواجيس
تطري على بالها و تركي كان المحور الرئيسي بكتاباتها القصيرة
و بأخر الكتاب كانت راسمه رسمه بسيطه كل ما تشوفها تبتسم كانت لولد شعره كستنائي بعيون بنيه و شعر دقنه خفيف كانت ملامحه رايقة دائمة الابتسام
...
اما لــيــان
مادرت عن شي هي و كيان عايشين الإجازة بتفاصيلها
بس لما تتذكر رياض يجيها شعور غريب ما تقدر تفسره
بس تجاهلته
....