رواية : نَفسـي عَـزِيـزة مَـن جَفانـي جَفِّـيته لـو صَـعب عَلـى القَلـب فَرقـاه

11

شــمـوخ..

كنت اتمشى بهالقصر الكبير و اطالع بالأثاث و المزرعة من برى  الطاقة و انا امشي ..
فجأه سمعت احد يناديني طالعت وراي  .. و شفت ريماس و ريناد عاد وجيههم ما تبشر بالخير ..

وش يبون ذولا ماني برايقة لهم ابد

قلت شموخ بثقه .. و انا رافعة حاجبي يوم تقدمت ريناد اللي نادتني : هلا ريناد بغيتي شي ؟!

ريناد مشت بغرور و وقفت قدامي ..
وهي تقول : هه تقولي بغيتي شي ي سراقة الرجاجيل

طيرت عيوني بصدمة ..
خيٌـر وش عندها ذي ..
قال ايش قال بواقة رياييل
"مدري ليش حسيت نفسي بمسلسل كويتي ههه
شموخ مو وقت سماجتك هههه
قلت ببرود لها :وش وش عيدي ما سمعت انا سراقة الرجاجيل اجل "و قلت بسخرية مقصودة "
ًههه هو اللي رمى نفسه علي و من متى هو لك اصلا!!

شفت ريماس تتقدم وتقول بسخرية وهي تحط يدها على خصرها و تميل جسمها : الله اعلم من اللي رمى نفسه على الثاني

قلبت عيوني بملل أوريك اللحين ي ريماسوه مسوية تحجرين بعـد سواد الوجـه اللي عرفته عنك : اقول ريماس انتي اخر من يتكلم ولا تتذكرين
و قلت بدلـع مصطنع اقلدها فيه :ساميييييي ههااايييي

سكتت ريماس بصدمة اللي وضحت بملامحها وهي تطالع لي و ريناد التبن تطالعنا باستغراب

ريناد بنفسها ((غريبه وش دخل سامي ولد عمي صقر بالسالفه )) << طبعا ذاك سامي ثاني مو ولد عمهم

ابتسمت بسخرية و لفيت لريناد اللي قالت

ريناد بقهر : اقول اقول ي سراقة الرجاجيل الكل يعرف ان فهد لريناد و ريناد لفهد جايه بكل برود تاخذينه و انتي مالك كم شهر ي بنت الفقر

وقفت بشمووخ و تقدمت من ريناد و انا محافظة على برودي و قلت للتبن هاذي
بهمس مرعب : عيدي ما سمعت ؟

قالت لي ريناد بغضب وهي تتقدم لي بوقاحة
: بــنــت فــقــــ ..

مسكتها من شعرها .. قبل لا تكمل و شديته بقوه حتى حسيته يتقطع بيدي .. هي اللي خلتني اضطر لهالشي .. و قربتها مني وهي تصارخ
وقلت بهمس اقرب للفحيح : اشوفك خذيتي راحتك ي بنت محمد بالكلام لا تنسين ان عندي نفس اسمك و عـن فهد ذا هو اللي جاء و خطبني ما قلت له يجي
صرخت ريناد بــألـم : فكـــي شعـــري ي مـلـعـ**** ريــمـ ـاس الٌــحـقـيني آآآآآهــ

تقدمت ريماس منا لكـني طالعتها بحدة خافت هي  و تراجعت عشان لافضحها .. هه و نعم الصداقة بس خخخ
فكـيت شعـرها  بسخرية لريناد اللي تبكي و شعرها حالته حاله شفقت عليها بس هي اللي خلتني اسوي كذا  و قلت: هــه اشوف وين القوة اللي قبل شوي ولا تبخرت
ركضت ريناد وهي تبكي و وراها ريماس اللي تناديها