Abimana Si Musang [BL]

[Bab.18] Musang gue sakit

Gue tepat waktu, si musang baru aja keluar. Terus gue ikutan keluar pintunya gue tutup lagi.

"Kukira aku bakal menghilang secara misterius, ketauan ya ?" katanya sambil nyengir

Gue nyoba buat senyum selebar mungkin sambil ngilangin ingus gue yang dari tadi kek mau jatoh, mana ngenain bibir gue. Asin cuy

"Makasih.." kata gue

Si musang ngebelalain matanya terusan terkekeh,

"Ngapa ketawa ? kaga seneng ?" kata gue

"Enggak cuman kamu makin manis aja kalo begini" kata dia

Gue mana bisa baper cuman gegara pujian, kaga ih gue kaga baper. Hahha kaga deng jantung gue lagi konser dangdut ini.

Musang ngacak-ngacak rambut gue terusan pamit mau pulang, gue masuk lagi kedalem terusan nyari emak. Setdah baru aja beli udah langsung dipasangin aje, tapi kaga ape-ape gue lagi seneng hari ini.

Pan lagi rasanye gue makin cinta aje sama si musang. cuman ya ini gue malu, masa iya jantan bilang cinta ke jantan juga secara langsung.

Pan kaga mungkin, kalo gue si mungkin kalo jantannya si Abi. Gue saking senengnya ampe kaga bisa tidur, gue tidur cuman bentara terus mau kerja.

Gue udah siap-siap sambil senyam-senyum dari pagi, emak gue malah ngeliatin guenya bingung.

"Lo ngapa pake seragam ?" kata emak gue

"Pan Kiki mau kerja makk" jawab gue

"Lo bego apa pegimane, minggu-minggu mau kerja" kata mak gue

Lah iye gue baru inget kalo ni hari minggu, sia-sia gue mandi pagi-pagi. Oiya gue punya ide, gue juga kangen ama si musang. setdah segala pake kangen-kangenan.

Gue ganti baju terusan sarapan, gue pamit ke emak mau kerumahnya si musang.

Gue dijalan sambil masih senyam-senyum kek orang goblok, pas udah mau nyampe kosannya dia gue berenti dulu buat beli cilok.

Si musang juga kaga pilih-pilih makan, pedes dia juga mau. Jadi gue beli ciloknya bener-bener pedes, gue ngetuk pintunya sambil manggil.

Pas pintunya kebuka si musang langsung ngejatohin kepalanya dibahu gue, gue bisa ngerasain panas dibahu gue,

"Lo kaga ape-ape ?" Tanya gue

Si musang kaga jawab, pan gue jadi takut kalo-kalo dia mati. Gue bawa dia kekamarnya, terus nutup pintu depan.

Gue balik buat liatin dia yang gue tidurin dikasurnya, si musang ketiduran ternyata. Kek nya kemaren dia begadang, badannya anget dia lagi gaenak badan.

Pakaian yang di pake juga masih sama kek kemaren, gue pergi kedapur buat ngambilin air buat ngompres, dimejanya ade laptop yang masih kebuka, tapi udah mati.

Karna gue sering dimari ya gue jadi hapal ama ni tempat, tapi gue baru sadar kalo dimari sepi banget, kek cuman musang aje yang tinggal.

Gue ngompresin dia sambil duduk disamping dia, gue mau makan cilok sekarang, ape nungguin musang dulu ? gue bingung tapi kaga ape-ape gue nungguin dia.

Setelah setengah jam dia bangun juga ,

"Ngapa bangun ? tidur aja" kata gue

Musang minggirin kain yang gue templokin didahinya dia, terus duduk.

"Kamu kenapa disini ?" Tanya dia suaranya aja masih berat kek gitu

"Gue udah dimari dari tadi,"

"Lo ngapa ampe ketiduran dibahu orang sambil berdiri, iya kalo ntu gue kaga ape-ape aje. kalo si icha pegimane lo ?" kata gue