သူ့ကိုသာလျှင်...(ခေတ္တရပ်နား)

2

"မောင်လေး အင်တာဗျူး ဝင်လို့ရပါပြီ"

"ဟုတ်ကဲ့ခင်ဗျ"

A Co.,ltd ဆိုတာ နည်းပညာပိုင်း agency company တစ်ခု
e-commerce website တွေ၊ digital marketing နဲ့ပတ်သတ်သမျှတွေ၊ Graphic Design၊ Mobile App တွေရေးဆွဲပေးတာတွေ စတာတွေကို company တစ်ခုတည်းက လက်ခံပြီးဆောင်ရွက်ပေးတာမို့ အတော်အတန်လေး ကြီးမားတယ်ဆိုရမယ်....

E-commerce website တွေလုပ်ရတာ ဝါသနာပါတဲ့ သံယောဇဉ်ငယ်က A company မှာ Web Developer ရာထူးနဲ့အလုပ်လျှောက်ထားခြင်းပင်....၊

ကျောင်းပြီးကတည်းက လုပ်ငန်းခွင်ထဲဝင်လာခဲ့တာ လုပ်ဖော်ကိုက်ဖက်အမျိုးမျိုး လုပ်ငန်းရှင်အမျိုးမျိုးနဲ့ကြုံလာရပြီး အမြဲတမ်းကံမကောင်းတတ်တဲ့ သံယောဇဉ်ငယ်အဖို့ စီနီယာကောင်း ဆရာသမားကောင်းနဲ့လည်း မကြုံခဲ့ဖူးလေတာမို့ သူများထက်ပို ကြိုးစားရတယ်....
တကယ်တော့ သံယောဇဉ်ငယ်ဟာ ဆရာကောင်း သမားကောင်းနဲ့တွေ့ပြီး ပညာတွေလိုချင်တာမျိုးပါ.....

တအိအိနဲ့ဘဝကိုဖြတ်သန်းလာတာ A company မှာအလုပ်လျှောက်တဲ့အချိန်ဆိုရင် သံယောဇဉ်ငယ်ရဲ့အသက်က ၂၃နှစ်ပင်ရှိနေပြီဖြစ်တယ်.....။

အင်တာဗျူးရုံးခန်းထဲဝင်တော့ အရေးပါသူ လူကြီးသုံးယောက်ကိုတွေ့လိုက်ရတာမို့ ရိုရိုသေသေဝင်ထိုင်ကာ...

"မင်္ဂလာပါခင်ဗျ"

"မင်္ဂလာပါမောင်လေး အစ်မက A company ရဲ့ HR head ပါ ဒါကတော့ A company တစ်ခုလုံးရဲ့ CEO ဒါကတော့ IT head ပါ"

"ဟုတ်ကဲ့ တွေ့ရတာဝမ်းသာပါတယ်ခင်ဗျ"

"အင်း....cv မှာရေးထားသလိုဆို ဒါကတစ်နှစ် နောက်တစ်နှစ် နောက်ဆုံးတစ်ခုမှာတော့ သုံးနှစ်လောက်လုပ်ခဲ့တယ်နော် ကုမ္ပဏီတစ်ခုမှာ နှစ်အနည်းငယ်ပဲ လုပ်ဖို့စိတ်ကူးထားတာလား"

"အဲလိုမဟုတ်ပါဘူးခင်ဗျ ပထမကုမ္ပဏီ၂ခုက internship ဆင်းရတဲ့သဘောမျိုးပါ တကယ်ဆို ကျွန်တော်လည်း တစ်နေရာထဲမှာ အဆင်ပြေပြေနဲ့အခြေတကျလုပ်သွားချင်တာမျိုးပါ"

"အင်း...ဟုတ်ပါပြီ အရင်ဆုံး အလုပ်နဲ့ပတ်သတ်တာမေးလိုက်ပါအုံး"

HR Head မှာ CEO တို့ဘက်ကိုပြောလိုက်ပြီး သံယောဇဉ်ငဉ်ရဲ့ career နဲ့ပတ်သတ်ပြီးစတင်မေးမြန်းတော့သည်....
ကံကောင်းတယ်ပြောရမလား အတွေ့အကြုံရှိခဲ့သူမို့ အင်တာဗျူးဖြေရတာ တော်တော်လေးအဆင်ပြေပါသည်....၊