الديره
الساعه ٤:٣٠ الفجر 📍
الجد : قم قم ياولد صلاه صلاه (محد قام لا حياه لمن تنادي )
فتح الجد الباب بقوه ومحد قام شغل اللمبات وقام يكب ماء عليهم
سعود شهق : شفيك شفيك ياجد
الجد : شفيني ؟ قم والله خمس دقايق اجي محد قايم يويلكم
قام سعود يصحي العيال وقامو توجهو للحمام (يكرم القارئ)
وقعدو يتهاوشون
سلطان يتهاوش مع سيف من يدخل اول صرخ عبدالله ابوي ابوي لفو كلهم ضحك عليهم وقال : ياهطفو دخلت قبلكم وماهي ثواني الا فعلًا دخل الجد عند المغاسل وقال انا سابقكم دقيقة وحده تتاخرون يويلكم وتفرقو العيال كل واحد راح يتوضى ويغسل (بيت الجد كبيرروكل عياله كل واحد له جناح بس العيال نايمين مع سيف وعبدالله بغرفتهم ) راحو العيال لصلاه
بالبيت الجده : يلا يابنات الفطور قبل يجون الرجال
نجد : ابشري ابشري ياجده بس بشوف نهى ونجد و وِئام قامو ولا
وراحت نجد ولقت البنات كلهم الا وِئام اللي امها تعبت وهي تقومها ولا قامت
على الفطور
الجد: الايا ام سعود وين وِئام ما اشوفها؟
ام سعود : ياعم اقومها ولا تقوم ترجع تنام
الجد بعصبيه : صوتو لها خلوها تنزل تفطر
سعود يرقع ل اخته : ياجد انا كنت عندها يوم جينا وكانت تعبانه شوي
سلطان ماسك ضحكته وهو يدري ان سعود يرقع ل اخته وقال بهمس ياكذاب كنت معي طول الوقت
سعود : اسكت ياولد لا افرشك هينا
بعد الفطور اتجهو الكبار ينامون شوي
الساعه ..:٣
بالصاله و العيال والبنات كلهم موجودين الا وئام
نجلاء: سعود شفيها وِئام صدق تعبانه؟
سلطان بضحك: وانتِ مصدقه ؟ ذا يرقع ل اخته
نهى : ياليت جدي يدري بكذبتك عشان يضربك بالعصا اللي معه ههههههههههههههههه
سعود : ورا ماتسكتون شوي ؟ياازعاج خلاص
سيف : خلاص اسكتوا لحد يجي يسمعكم ثم صدق يروح وطي سعود عشانه كذب
عبدالله: ياعيال طفش شرايكم نفر بالحاره ؟
نهى : سلامات نبي معكم ترا طفش حتى حنا
محمد : والله فكره ودي اطلع طفشان
سلطان عشان يقهر نهى : اييي يلا وبعض الناس يجلسون هينا ومد لسانه
نجد : لا عمامي الحلوين مايخلونا صح؟
عبدالله: للاسف ذي المره بنسحب عليكم
سيف : لااا مانسحب على بنات اخوانيييي
نهى ونجلاء ونجد: كفو كفو عمنا البطل
سيف: يلا قومو البسو ننتظركم بسياره
نجلاء: طيب وِئام نقومها؟
عبدالله: هي ما قامت قبل شوي بتقوم الحين ؟
راحو البنات بحماس يلبسون العبايات
بسياره
محمد وهو يسوق : وين تبون نروح ترا امشي ولا ادري شسالفه
سلطان : اسال عمنا الجميل وطالع ل سيف
سيف : لا داعي لاداعي ادري اني جميل خلونا نروح الكوفي اللي بااخر الديره
دق جوال سعود وفز با ابتسامه : هلا هلا باللي راح الشرقيه وسحب على خويه
خلف : هلااافيك يابعدي والله تعرف الاهل راحو قلت اغير شوي عن الديره اتمشى هناك
سعود: احسن ماسويت انك رحت تغير جو الا اقول متى تجون؟
خلف : ان شاءالله الليله نمشي
سعود : الله يحفظكم
خلف: يلا فمان الله تبي شي ؟
سعود : سلامتك
(خلف صديق سعود وسيف كانو هالثلاثه قريبين من بعض )
اهل خلف
ابو خلف (ثامر)
ام خلف (مريم)
وخلف بكبر سعود
اسماء (اخت خلف الكبيره عمرها ٢٦ متزوجه واحد من برا الديره عندها بنت حور و ولد احمد )
لمى اصغر وحده وكبر وِئام و نجلاء
نرجع للبيت عند الجده وحريم العيال
الجده : يا حريم ووين العيال؟
نوف ام محمد : ياعمه سالت العامله تقول ان كلهم طلعو بنات وعيال مع بعض بس ماتدري وين راحو
ام سعود وهي تقوها جايه من بعيد وسامعتهم : ياعمه راحو يتمشون
الجده : بحفظ الرحمن و يلا ياحريم البسو ام عبدالعزيز عزمتنا على قهوه العصر
ام محمد و ام سعود العمه شيخه : ابشري
وراحو الحريم
بغرفه مظلمه وبارده قامت وهي تحس عظامها متكسر ولفت تمسك جوالها تشوف الساعه كم شافت ان الساعه ٤ العصر ومحد قومها!
قامت تغسل وتصلي ولبست ونزلت تحت شافت مافيه غير العاملات
سالتهم قالو لها ان الكل طالع مافيه احد سكتت وتشوف السنابات والصدمه ان طالعين البنات والعيال كوفي ومحد عزمها !زعلت
وعلى دخول العيال والبنات قالت وِئام : ماشاءالله طالعين وساحبين علي !!!
سعود : ياعيوني اخوك انتِ كنتي نايمه ونقعدك ماتقومين ؟
نجلاء: صدق تعبت من الصبح اقعد فيك ولا تقومين
سلطان: يوه عاد وئام كيس نوم ماتقوم حذف عليه سعود مخده وقال : الا اختي حبيبتي
وِئام :اختك حبيبتك ساحب عليه
ضحكو كلهم سعود: ابد البسي وامشي امشيك احسن تمشيه
وِئام : لا مابي
سعود: اقول عن الدلع ويلا
قامت تلبس وراحت تتمشى هي واخوها
هذي البدايه الين ماشوف دعم وابداً بالاحداث 🙏🏻
