ببيت الجد بجناح ابوسعود
ام سعود : الا اقول
ابو سعود : هلا
ام سعود : جتني ام فارس تبي تخطب وِئام ل فارس وشرايك ؟
ابوسعود فرح عشان بنته : ماعندي مانع بس شفتي وئام اذا تبي او لا ؟
ام سعود : اي اكيد ماعندها مانع اذا حنا موافقين
ابو سعود : طيب شوفيها تاكدي
راحت ام سعود ل وِئام
ام سعود : هيه بنت قومي
وِئام: هاه يمه
ام سعود : بسك نوم قومي
وِئام بقل حيله من امها اللي تغيرت فجاة: هلا يمه
ام سعود : ترا خطبك فارس وحنا موافقين
وِئام بصدمه: نعمممم موافقين كيف موافقين بس ماعليش انا مو موافقه ولا ابي اتزوجه
ام سعود عطتها كف : قليله ادب ترفعين صوتك على امك !!!
وِئام: مو قصدي يمه بس مابيه مابيه
ام سعود : يويلك يا وِئام لو تطلعين تحبين احد ثاني
وِئام اللي خلاص وصلت معها : انا ماحب احد انا ماحب الا نفسي بس يمه شفيك شفيك تغيرتي علي انتِ اللي بحياتك ماقد مديتي يدك علي الحين تضربيني عشان اتزوج ؟ عشان زواج يمه مابيه مابيه تكفين الله يخليك
ام سعود : نفس ماقلت لك عاد
راحت ام سعود ل ابو سعود وقالت : اوف بنتك مدري شفيها تقول مابي
ابو سعود : خليها براحتها خلاص
ام سعود : لا يابن الحلال هي الحين عشان اخوها بس بعدها بتوافق لا يطير نصيب البنت وهي بتوافق صدقني
ابو سعود اقتنع وقال : خلاص برد لهم خبر بكرى
الجده : شقالت وئام ؟
ام سعود : موافقه
العمه شيخه: غربيه وافقت بسهوله ذي
عند الرجال
ابوسعود: يبه فارس خطب وئام شرايك؟
الجد : ابد وش راي البنت فارس ونعم فيه
على جيه خلف وانصدم دخل وقال : السلام
ردو السلام وقال ابو سعود كان يحسب صدق عشان اخوها وقال: وِئام ماعندها مشكله
خلف انصدم كيف وِئام ما امداني احبها تتزوج ولا تتزوج مين فارس فارس !
الجد : اجل نقول مبروك
العيال كانو يكرهون فارس بس ساكتين
طلع خلف بضيق توجه ل قبر سعود وهو ضايق خاطره وجلس عند قبره وقال وعيونه مليانه دموع : ابلشتك كل شوي جايك بس مالي مكان اجيه غير هينا كل ماضقت جيتك اخ اخ
وسكت شوي ثم قال :
الناس نامت وانا ياسعود سهران
والعين تبي النوم والنوم يجفيها
اشتقت وانا من كثر الشوق تعبان
وبكيت وعيني مالقت من يواسيها
وقلبي حزين و الخاطر ماهوب طربان
والنفس مالقت ياسعود من يسليها
اخذ شوي واذن الفجر ضحك وقال يلا ياسعود بروح اصلي واذا قدرت جيتك وهو انا اقدر على بعدك ؟
راح يصلي الفجر ثم راح البيت
ام خلف : ارحب يابوي انت شلونك ؟
خلف : اخ يايمه تكفين انا من عقب سعود ماني بخير
لمى سمعت كلامه وعيونها دموع على حال اخوها
ام خلف : وانا امك هذي سنه الحياه وكلنا ماشين على هالطريق
بكرى الصباح بالديره
الجد : اليوم كلكم تروحون المزرعه الا سيف يبقى
سيف : ليه يبه !
ابو سعود : امي تبيك الحين
سيف : بروح معكم
ابو اورنس ضحك : خيرها بغيرها
خلف : معوض
راشد : فعلًا معوض
سيف : اروح عند امي احسن
العصر وسيف منسدح بالصاله
الجده: قم قم رح البقاله
سيف : يمه مجلستني عشان اكرف من اليوم
نهى : رح ولا يكثر
قام سيف وشاف ذاك البيت اللي يحترق
سيف بخوف ياخاله ياخاله فيك شي ؟
ام خلف : تكفى تكفى ياسيف ياولدي بنتي داخل
سيف اللي طب بين النيران وهو يسمع صراخ لمى : يابنت يابنت
لمى : تكفى تكفى طلعني
وجاها انصدم مو حلاوتها ومسك يديها وسحبها بحضنه وشالها
لين وصلها برا ثم خلها تتغطى وطلعها و ودامهم بيتهم و جو المطافي وطفو الحريق وطلعو سليمين بس بيتهم احترق
سيف : خاله فيكن شي تبون المستشفى ؟
ام خلف : لا بخير وماقصرت
سيف : ادخلو البيت بيتكم وقال ل اهله عليهم وراح للرجال بالعزبه
وقال لهم وتوجهو ل الديره وقعد ابو خلف :اخ ياشيب احترق بيتي
الجد : ابشر باللي يصلحه لك
ابو خلف : عندي عندي والله ياكثر الخير بس مغبون
وريحو الشباب وقال الجد : ياخلف قالو انك نص شاعر ؟
خلف ضحك
الجد : عطانا قصيد ولا قصيدك مايطلع لنا
خلف ضحك بحزن وقال : يطلع يطلع
الجد : اسلم
خلف قال :
انواجه مّن الليالي .. مايزعلنا
ونرضى وكلٍ على لوعاتها صابر
مصير الايام ترضي من زعل منا
ويبقى مكانه مكانه يوم هو خابر
الجد : يوه ولدنا شاعر
ابو سعود : صح لسانك
وكلهم قامو يعززون له
ضحك بضيق وقال بينه وبين نفسه اخ ياسعود محد يعزز لي كثرك
وبعدها كلن راح بيته ونام الا خلف اللي يفكر بوِئام
وجاء الصباح وعطو موافقتهم ل فارس وانتشر الخبر بالديره
وصل الخبر ل خلف اللي جالس عند راشد وقال : اخ
راشد :شفيك
خلف : عندي كلام بقوله تكفى بقولها
راشد :اسلم
خلف :
ودريت انك لغيريّ
وانفجر وسط الصدر شريان
راشد: تحب ؟
خلف ضحك وقال : كنت وخذها غيري
راشد بصدمه : تحب اخت سعود !!!!!
خلف :حبيتها اول ماحبيتها خطبها ذا اللي مايستمى اسكت لا تجيب طاري لحد
راشد : ليه ما خطبتها
خلف : اقولك بنفس اليوم اللي حبيتها خطبها الزفت ذا
راشد : الله كريم لو هي نصيبك والله ماتروح لغيرك
خلف بحزن : اتمنى انها نصيبي
