الساعه ٨ الصباح
بمكان بعيد شوي
الدكتوره : اخيرا صحيتت ؟
المريض: تكفين يا دكتوره شصار فيني احس مدري مدري
الدكتوره : يا اخ سعود انت تعرضت ل حادث ودخلت بغيبوبه
سعود : واهلي ؟
الدكتوره با استغراب : انت عندك اهل ؟
سعود : اي اي يادكتوره عندي
الدكتوره: محد جانا منهم لمده ٦ شهور
اما سعود كان بصدمه ٦ شهور محد جاه قال : كيف محد جاء
الدكتوره : تبي تتصل على احد ؟
سعود : اي اي خويي
الدكتوره : عطني رقمه اكلمه
سعود : ***٠٥٥٨٤
الدكتوره: اتصل عليه واجيك
عند خلف كان جالس فوق الجبل وجاه اتصال ورد
خلف : السلام عليكم
الدكتوره: وعليكم السلام اخ خلف ؟
خلف : اي نعم خلف من معاي ؟
الدكتوره : معك الدكتوره حنان ممكن تتفضل تجي مستشفى ****
خلف : مستشفى ؟ ليه عسى ماشر
الدكتوره : مافيه شي بس تعال
خلف : طيب دقايق بس وقام وركب سيارته وتوجه مسرع ل المستشفى دخل و سال عن دكتوره حنان وشافها
الدكتوره: هذا انت خلف ؟
خلف : اي اي شلعتي قلبي وش بغيتي ؟
ضحكت الدكتوره وقالت : بس خويك يبيك
خلف بصدمه :اي خوي ؟
الدكتوره : سعود ؟
خلف هينا انصدممم : سعود شلون سعود سعود توفى !
الدكتوره بصدمه :كيف توفى ؟
خلف قال لها كل شي الدكتوره : يمكن تلخبط اسماء وانتو يوم دخلتو ماكانت واضحه الملامح عشان حادث لان صح قبل ٦شهور في حادث ل شخصين اسمهم سعود عبدالله واحد توفى والثاني بالعنايه
خلف استانسسس انه ما مات : طيب تكفين يادكتوره وين غرفته ؟
الدكتوره: الدور الثاني يمين غرفه رقم ٥
وراح ركض خلف وهو مشتاققققق ل سعود ودخل عليه : سعوددددد
اهههه ياسعود وقعد يبكي
سعود ضحك وقال : هاه تبكي وانت ماتجيني لك ٦ شهور
خلف : اعقب اعقب والله قالو انك ميت
سعود : كيف ميت ؟
قال له خلف السالفه
سعود حزن كثير : اشوفك نحفان طلعت ياخوي تعبان تحسب اني توفيت
خلف ضحك وقال : متى تطلع ؟
سعود : بكرى ان شاءالله
خلف قال : اخ ياسعود لو تدري وش صاير
سعود : شصاير
خلف : النذل فارس خطب وئام وتزوجو
سعود: نعم كيف كيف كذا
خلف : كان ودي اقول كل شي بس انت قايل لي لو وش مايصير ما اقول لحد بس يوم شفت اختك وضعها هذا ماعليش اعذرني علمت الكل عنه
سعود : الخسيس وش مسوي فيها
خلف قال له السالفه من البدايه
سعود : طلقها ؟
خلف : مدري العيال محد دق علي
سعود: طيب اسمع لا تقول لحد عني بصدمهم
نروح عند فارس بعد ماطلق وِئام راح بيت الجد
فارس بصوت عالي : انتو
الجد : وعليكم السلام
سلطان: لا مرحبا ولا مسهلا
محمد : وين ورقه طلاق وئام
فارس قط الورقه على الارض وقال : ماني ميت على بنتكم من زينها عاد
سلطان: تعقب تعقب وتخسي ياهالحيوان
محمد بضحك : مو ميت عليها وامس صفقناك عشان تطلقها واضح مو ميت عليها
سعد : يلا يلا اذلف مجالسنا تتعذرك
فارس : تفو عليكم ولا مجالسكم وعليكم وعلى نسبكم
سيف : لين هينا وخلاصصصص اذلف دام النفس عليك طيبه اذلف
طلع فارس وصادف خلف اللي جاي مسكه خلف مع ثوبه وقال: طلقتها ؟
فارس با استهزاء: خذها خذها طلقتها
خلف : غصب عنك
فارس : توكل بس
راح خلف ودخل المجلس وقال : السلام عليكم
الجد :وعليكم السلام اشوف وجهك مشرق اليوم
ضحك خلف وقال : هاه شصار على فارس ؟ يبعد الشكوك عن انفعاله امس
سلطان: طلقها وطرق عن خشمه
الجد : دامك مروق ياخلف عطنا قصيد
خلف :ياحلوكم تحسسوني اني شاعر وعندي قصيد
سعد : اوه اليوم مسفهل
سلطان: من كلمه ياحلوكم درينا انك با اعلى مراحل الروقان
ضحك خلف وقال :
لا قلت احبك .. والله اني احبك
وزودن على حبي انا ميتن فيك
الشاهد المعبود ربي و ربك
اني على طول الدقايق احاتيك
سعد :انا اقولكم الخاطر مسفهل اليوم قصيد حببب
واختلفت الردود من :صح لسانك ،عشت ، الله عليك
كانت هالليله غير غير عند خلف اللي اول مره ينام مو مرتاح
ونامو ابطالنا وعدت الليله
