وعد : شفيها ذي قامت ؟
نهى: ماعليك منها نفسيه ذي منى بنت نوير
ام رعد : وعد تعالي
قامت وعد : هاه يمه شفيك ؟
ام رعد : ترا رعد غير رايه يبي نجلاء
وعد : غريبه شيبي ذا !!!
ام رعد : مدري عنه المهم يبي نجلاء
وعد: اوكيه ورجعت جلست عند البنات
عند العيال
ابو رعد : ما كانه تاخر جدكم؟ وعلى دخلت الجد
سلطان: الطيب عند طاريه
ابو رعد : انشهد انه طيب
الجد : ارحب الاخبار
وسلمو على بعض سلام حار
جلسو يسولفون
ابو رعد كان عنده علم ان رعد يبي نجلاء وقال : والله يابو عبدالله مالك با الطويله جاي بخطب لـ ولدي منكم ولي الشرف والله
الجد : ابد والله حنا اللي لنا الشرف والله واللي تبونها ابد ناخذ رايها ونرد لكم
ابو رعد : والله ودنا بـ بنتكم نجلاء
الجد : بنشوفها ونرد لكم خبر
ابو رعد : تقدر الحين
الجد : خلها بعد صلاه العشاء
العيال انبسطو لـ نجلاء
سلطان بضحك : اخس يانجلوه يطلع منها
محمد : يمه نجلوه تتزوج
سعود :مايليق نجلوه تتزوج
ابوسعود : ولد انت و هو بس عيب
سلطان: يرضيك ياجد تتزوج البنت قبلنا ؟
الجد : انت تكلم قل ابي اتزوج
ابوضاري : اسكتو بس نلحقكم على الزواج لحقه
صالح : الحمدالله تزوجت
ضاري : صدق الحمداللهً
ابو ضاري : بقى سعد هاه بعد رمضان ان شاء الله
سعد : يوه يبه بطول يعني
الجد : انت بس تكلم وتجيك البنت
سعد ضحك وقال : يعني لو اخطبها الحين يصير ؟
ابوضاري : ببالك وحده انت ؟
سعد : هاه ؟ انتظرو بروح واجي وطلع ركض يدق على امه
ام ضاري : هلا سعد شفيك ؟
سعد : يمه يمه بسرعه تعالي من الباب الخلفي حق المطبخ
ام ضاري : شفيك ؟
سعد : مافي شي بس تعالي
ام ضاري : تمام وراحت له وقالت :
شفيك انت مطفوق ؟
سعد : يمه لو اخطب نهى توافقين ؟
ام ضاري بصدمه : نهى !
سعد خاف : اي يمه ليه ؟
ام ضاري : لا والله يافرحتي بس متى تبي ؟
سعد : الحيييين
ام ضاري: خلاص بكلمهم
سعد: كفو اميمتي
وراح الدوانيه وام ضاري راحت داخل
سعد : احم السلام عليكم
ابوضاري : هذا وراه بلاء
سعد : اول شي رد السلام واجب ؟
الكل وعليكم السلام
سعد : ثاني شي ياعمي ابو محمد انا طالب القرب منك واطلب يد بنتك نهى على سنه الله ورسوله
هينا الكل انصدم وفرح بنفس الوقت
ابو ضاري ضرب ظهر سعد وقال : وراه ما قلت لي ؟
سعد : اسوي سبرايز لكم وكذا
ابو محمد: والله لنا الشرف وانا ابوك وابد نشوفها ونرد لكم خبر
سعد بحماس : متى
ابو محمد : بعد صلاه العشاء
راشد بهمس لـ ابوه : يبه كملها تكفى
ابو راشد ضحك وقال : اصبر بعدين
راشد : لااا يبه الحين تكفى
ابو راشد : ياولد اصبر
راشد: اذا احد خطبها ؟ يبه تكفى تكفى
او راشد : اوف طيب طيب
راشد انبسط: يلا تكلم ؟
ابو راشد بقل حيله : يا ابو عبدالله
سلطان بهمس وكان جنبه سعود وخلف يسمعهم : شكله راشد بيكملها ويخطب يا وِئام او نجد
خلف بقلبه : مستحيل راشد يخطب وئام ويدري انه يبيها ويدعي انه مايخيب ظنه برفيقه
الجد : سم؟
ابو راشد : الليله مبروكه ودام رعد و سعد خطبو بناتكم قلت نكملها و انا طالب يدك بنتكم نجد لـ راشد
الجد ابتسم و هو مبسوط كل حفيداته بيوم واحد انخطبو : ابد والله بس نشوف راي البنت
سلطان وقف وقال : ماعليش ما نعطيكم بناتنا
انصدم الكل
سلطان: لين اتزوج انا
ابو محمد : ياولد اجلس انا ماراح ازوجك هالحين اصلا
سلطان بصدمه : وليه ؟
ابومحمد: اعقل بعدين يصير خير اجل اوهق بنت الناس معك ؟
الكل انهار ضحك
عند راشد راح يكلم امه وقال لها و ام راشد انبسطت
ام راشد : والله هذي الساعه المباركه ابشر اكلمها لك
عند الحريم
