اما تحت عند الجد
سلطان: اوف ابي اشوف رد فعل وئاممم
نجلاء: كلنا
الجد : بس ياملقوف انت و هي
سعد جاه اتصال وقام من شخص يعرفه بعد ماخلص اتصال لف يتلفت وشاف نهى من بعيد شوي وهي حاطه راسها على يدينها وضامه رجولها راح لها وقال : وش تسوين لحالك ؟
نهى طالعه فيه وسكتت
سعد : افا تسحبين علي ؟
نهى : ياسعد مالي خلقك
سعد : اح اقوى قدره وضحك
نهى ابتسمت: شتبي جاي ؟
سعد: شفتك متوحده لحالك قلت اجيك
نهى : اقول جب بس
سعد : تسكتين اخ بس حلال من ضربك
نهى بتمثيل زعل وحزن : اي اي اضربني من بقى بعد اليوم ماقلب علي
سعد حس انه زودها : والله مو قصدي اسف
نهى انفجرت ضحك وماقدرت تتكلم ضحكت على شكل سعد
سعد : ايا كلبه صدق تلعبين علي
نهى وهي بحاله انيهار : اخ شكلك شكلك يضحك مقدر
سعد : اردها لك هين هين وقام
نهى : وين رايح ؟
سعد : شكل جلستي معك اعجبتك وغمز
هينا نهى تذكرت ذاك الموقف وقالت : انقلع انقلع بس وقامت هي داخل تسبقه
وضحك سعد وكان كل اللي صار تحت انظار الجد اللي حس ان سعد يحب نهى وقرب ومسك كتف سعد وقال : تحبها
هينا نز سعد : بسم الله
الجد : شايف جني ؟؟؟
سعد : لا لا بس انخرشت
الجد : ماجاوبت على سوالي
سعد بـ استغباء: اي سؤال ؟
الجد : تحبها
سعد مره ثانيه بـ استغباء: مين ؟
الجد ضحك وقال : نهى
سعد خاف شوي وفي داخل وده يقول كل شي بس سكت وقال : لا ومشى بسرعه
ضحك الجد وهو استانس ان سعد يحب نهى لان سعد الجد رباه مع عياله ويعرف سعد حيلل ودخل داخل
نهى : عمي ابو ضاري
ابو ضاري : سمي ياعيون عمك
نهى : عم طلبتك قل تم
ابو ضاري : تم
نهى : خذني معك لبيتكم هذولي مايبوني
الجد : افا من مايبيك
نهى بزعل : كلكم
ابو محمد : مافيه روحه اقول اجلسي بس لا تقروشينهم
نهى : انت مو ابوي يعني ماراح اسمع كلامك
الجد اشر لـ ابو محمد بمعنى خلها وقال :يعني تنظرين الموافقه مننا ؟
نهى : لا طبعا من عمي ابو ضاري اذا يستقبلني او لا
الجد :افا ياذا العلم
الجده : بعتينا يا نهى
ام ضاري : ابد انتِ كانك بنتي حياك
نهى ضمت ام ضاري وقالت : يابعدي ياخالتي
وهينا محد كان قد فرحة سعد بيشوف نهى يومياً عندهم
شوق : وناسه يعني بتجين ؟
نهى : افا عليك بضبط اغراضي بس بعد شوي
ونزلو سعود و وِئام و وِئام لفرحه بعيونها
الجد : ياهلا بحفيدتنااا
نجد : ياعمري الفرحه بعيونها
سلطان: ايييي وجاء حبيب القلببببب
سيف : لنا الله
محمد : ياليت نهى تحبنا نفس كذا
نهى : انطم بس توك تقول اني ماني بـ اختك هذا سعود يحب وِئام ولا يرضى عليها
سعود : صح صح مو نفسكم
نهى : اخ ياسعود ليتك اخوي بس
سعود : ابشري بعزك وانا اخو نهى
وِئام بغيره : ماشاءالله ماشاءالله اخو مين !!!!
سعود بضحك وخوف منها: اخو وِئام
نهى : امحق اخو صدق باعني
سعد : ماعليك منهم اصير اخوك انا واسحبي عليهم
شوق : وانا !
سعد : ماعليش نهى مسكينه محد يحبها قلت اكسب فيها اجر
نهى : خخخخخخخخخخخخير !! توني بقول عاش سعد والحين كل هواء انا مالي بـ هالدنيا احد اخخ بس
عبدالله: كنتي بتقولين شي صح ؟
نهى ضحكت وقالت : اييي بس خفت انكفخ
عبدالله : قولي قولي من لك الامان لان ادري بتقعد بقلبك
العمه شيخه : وش بتقول ؟
نهى : كنت بقول مالي بـ هالدنيا احد اخ بس وينك يازوجي
الكل انهار ضحكككككككككككك حرفياً كلهم ضحكو من قلب
سعد بقلبه عندك عندك بس انتظري شوي
ام محمد : عيب عيب ماعدتي استحيتي
نهى : يمه شسوي عبدالله قال قولي
عبدالله: تكفين خليها انا اضحك وانهار اذا قالتها
سلطان: منو تعيس الحظ ؟
نهى : والله محد تعيسه حظ الا اللي بتاخذكم ولا في وحده صاحيه تتزوج سلطان ؟ولا محمد ؟ ولاسيف ؟ ولا عبدالله ؟ حتى سعد معكم منو اللي بتاخذككم تكفون ؟
سيف : سلاماتتتتت و سعود ؟
نهى : سعود غير احسسن واحد فيكم
سعود : لبى عينك يا اوخيتي اوعدك اذا تزوجت بجيب لك هديه
نهى : ليه اذا تزوجت ؟
سلطان: ياغبيه يلعب عليك هو مايبي يتزوج
نهى : ايا قليل الادب اوكيه نضم سعود لكم
سعد :شفتي كيف مفروض انا اللي قلتي اني مو معهم
نهى : هاهايييي ياحليلك بس انت اولهم مقروده اللي بتاخذك مقروده امها داعيه عليها
نجلاء: رحمه سعد
سعد : تشوفين اني مسكين
نهى : اسكت بس
سعد : لو انك قلتي سعد مو معهم كان جبت لك هديه قريب بتزوج
ام ضاري بصدمه وفرح: صدق بتتزوج ؟
سعد : اي والله قريب ان شاءالله
هينا نهى حس بشي بقلبها وتضايقت بس ماتدري من شنو وقامت
الجد :على وين ؟
نهى : فيني نوم وراحت اول ماوصلت غرفتها سكرتها وهي ماتدري من قال بيتزوج وهي حاسه بضيقه ماتدري هي من شنو قلبها يعورها حست ودها تبكي وبكت لين صدق نامت
تحت بصاله الساعه ٢ونص الفجر
كانو الكبار بجلسه والبنات والعيال بجلسه
ابو ضاري : حنا ماشين
الجد : فمان الله
ابو ضاري: شوفو لي نهى بالله
ابومحمد :تتدلع ماعليك منها
ابو ضاري: لا شوفها
الجد : يانجلاء نجلاء
نجلاء: هلا ياجد هلا
الجد : شوفي نهى اذا تبي تروح مع عمها ابو ضاري
نجلاء: ابشر وتوجهت لـ جناح ابو محمد وقامت تطق غرفه نهى بما انها مقفله قالت : يانهى ننننننننههههههى
قامت نهى من الازعاج وطق الباب : نعم نعم !!
نجلاء انصدمت من عيونها الحمراء والدموع وقالت :يلا ماتبين تروحين مع عمي ابو ضاري ؟
نهى : لا
نجلاء: طيب شفيك ؟
نهى : مافيني شي يانجلاء و قولي لـ عمي اني بنام ومارتبت اغراضي مره ثانيه مشت نجلاء اللي مصدومه من نهى
نجلاء: ياعم تقول بتنام ولا جهزت اغراضها
ابو ضاري : تمام نوم العوافي وصوتي بالله ل شوق وسعد
نجلاء: ابشر
توجهت لهم نجلاء وقالت : يلا سعد شوق بتروحون وجلست ولفت على سلطان وسيف وعبدالله ومحمد قالت : كله منكم انتو
سيف : هم يبون يمشون حنا شكو !
نجلاء بعصبيه:لا نهى
سعد وقف يوم سمع طاري نهى
محمد : شفيها ؟؟
نجلاء: شفت عيونها حمراء ودموع وصوتها مبحوح واضح كانت تبكي كله من مزحكم الخايس
سلطان: لا شدعوا مستحيل تزعل نهى
وِئام: شنو على بالك قلبها حجر ماعندها مشاعر !
سعد زعل كثير وتضايق وده يعرف وش فيها
ومشو لـ بيتهم
اذان الفجرقامو وصلو بالمسجد ورجعو للبيت
بعد الاذان وقت الفطور الساعه ٦:٠٠ الصباح 📍
