الظهر بالمطبخ
ام محمد : يانجد قطعي البصل بالله
نجد : ابشري
العمه شيخه: وئام حبيبتي بالله قومي هذولي اللي بس رقود نجلوه و نهى
وِئام: طيب
نجد : ياجده من عزمتي ؟
الجده : ماعزمت واجد بس (ام مساعد . نوير . ام امل . ام رعد . ام خلف . ام راشد . ام عمر . ام حسين . ام ضاري . و ام مسعود . وام سامر . ام ريتال . ام موضي ) وكم وحده ماتعرفينهم
(ام رعد لهم بيتهم بالديره كل فتره يجون )
نجد : ماشاءالله كل هذا و ماعزمتي واجد اجل لو عزمتي واجد شلون بيصير
ام سعود : لا بالله هم شوي بس انتو مدري شفيكم
نهى : سلام
ام محمد : وعليكم السلام مابغيتي اخت نهى
نجلاء: وش سويتي ؟
الجده : الواحد يقول السلام
نجلاء: اولاً السلام ثانياً وش سويتي و شنو تبوننا نسوي ؟
العمه شيخه: بنسوي فطاير جبن و لحم و دجاج والنوع ذاك الحار وزعتر وبنسوي ورق عنب و محشي و بنسوي مكرونة بشاميل وبنسوي كرات بطاط مع دجاج وبنسوي جريش و شوربه و مرقوق تشريب وسلطات نوعين حلويات وكذا
وئام : اوله اوله كذا ذا
الجده : يلا ابدو شغل عشان نخلص
العمه شيخه: روحي يمه ارتاحي وحنا بنساعد البنات
الجده : لا لا خلوني معكم
ام محمد : لا ياعمه تعب عليك
ام سعود : ماعليك ياعمه حنا بنتساعد و ان شاءالله نخلص
الجده : طيب
وطلعت راحت الصاله وبدو يشتغلون البنات و هواش
ماهي دقايق الا وطق الباب فتحت العامله
عهد : وين مدام ؟
العامله : داخل
عهود : يلا مشينا
دخلو وسلمو على الجده
الجده : شلونكم
عهد وعهود: بخير نحمد الله
عهد : ياعمه جينا نساعدكم بالفطور
الجده : يا بنياتي ماله داعي نتعبكم
عهود : لا ياعمه لا تعب ولا شي
عهد : ياعمه انتِ قلتي لا تسوون شي معكم هاه حنا من الصبح قايمين قلنا اقل شي نجي نساعدكم مو حلوه بعد
الجده : والله ما تقصرون مير شوفو البنات اذا يحتاجون شي ونزلو عبايتكم ترا مافي احد غير البنات
عهد و عهود : ابشري
دخلو ساعدو البنات
الساعه ٢ العصر
عهد : اههههه انتهيت
نجد : كلناااا
عهد : بروح اريح بالصاله لاني خلصت شغلي و برجع لكم
وطلعت عهد و ما كان في احد موجود وجلست على الكنب وكانت لابسه ثوب بيض ميد لونه اسود اكمامه قصيره وكانت راميه نفسها بشكل عشوائي على الكنب
اما عند سلطان اللي كان نازل بعد ما نام نومه بطله بس وقف يوم شاف
وحده مرتميه على الكنب وشكلها يجنننن خق عليها وهو كانه عرفها وقعد مبتسم ويتاملها وهو مارمش وبعدها حس على نفسه وقال : ياغبي الدنيا صيام صيام ورجع غرفته وهو يهوجس بـ عهد
المغرب
البنات حاطين الفطور وكل شي و مضبطين اشكالهم و الحريم وصلو وقعدو ينتظرون الاذان افطرو وخلصو وكان يوم حلو بس هدى ومنى كانو مكرهين البنات بعيشتهم
<<<<<<<<تسريع احداث <<<<<<<<<<<<<
يوم ٢٨ رمضان
الجده : خلصتو اغراض العيد و تجهيز عرسكم ؟
البنات بصوت تعب وانهيار : ايييييي
سلطان: مفروض حن يا العيال ناخذ جائزه من ٢ رمضان وحن كل يوم من الديره ل الرياض و من الرياض لشرقيه وعلى ذا الوضع تعبنااااا
الجد : عيب عليك خواتك شلوو يقضون حق زواجهم
سعود : اشوا انهم خلصو لان تعبنا
نهى : اقول اسكت انت و هو بس
نجد : خذيتونا وانهبلتو وجع
نجلاء: مب صاحيين اسكتو بس حمير
سعود : خير من الحمار ؟
نجلاء : انت اكبر حمار عندك مانع ؟
سعود: اي عندي
نجلاء: خله عندك اجل وصمها
