بعد مرور اسبوعين
بالديره
مساعد (هو ولد الجده اللي قد قلنا عنها بالشرقيه يوم ضاعو البنات ): هاه خلصنا يايمه نزلنا الاغراض كلها
ام مساعد : اي ماشاءالله البيت كبير وحلو . الا وين اخوك عبدالرحمن ؟
مساعد :الحين جاي
[تعريف بسيط عن عائله ام مساعد زوجها متوفي وعندها بس ولدين
مساعد الكبير زوجته ( ريم ) عيالهم عهد وعهود توام اعمارهم ٢٠ اخوهم اورنس عمره ٢٢
الولد الثاني عبدالرحمن زوجته (مشاعل ) عيالهم ريان الكبير عمره ٢٢ وعيالهم الصغار لين وسالم ٥ سنوات ]
ريان : انا انتهيتتتتتتت تعب
ام مساعد : اقول اعقل بس وش سويت ؟
ريان با انهيار : قولي ياجده وش ماسويت
اورنس : ماعليك منه ياجده ذا دلوع
ام مساعد : الله يصلحكم ، ترا بنروح اليوم نشوف اهل الديره نتعرف عليهم
مساعد : امداك ياالغاليه
عبدالرحمن وهو جاي : خلها تعرف امي ما ترتاح لين تعرف جيرانها
عهد : عاد ياجده تعرفين نجلاء ووِئام بدق عليهم عشان تعرفين اهلهم
ام مساعد: زين ماتسوين
بالحاره عند سلطان وسعد
سعد: شف شكلهم جايين جديد
سلطان : وناسه خلنا نتعرف عليهم
سعد : اوف منك تمشي وتتعرف اعقل
سلطان : شف شف هذول العيال قدهم كبرنا خلنا نروح تكفى تكفى
سعد : رح لحالك
سلطان : ابن عمييي واخر شي ماتروح مالت صدق
سعد : اوف ياليل امش امش وراحو الشباب ل ريان واورنس اللي كانو واقفين ومايعرفون احد هينا
سلطان : السلام عليكم
اورنس و ريان : وعليكم السلام
سلطان: اشوفكم جاين جدد ؟
سعد ضحك : شرايك اجل ماعليكم مضروب الولد
اورنس بضحك : لا شدعوا اي بالله جدد جاين وتخبر مانعرف احد هينا
سلطان: ابشر بعزك انا خويكم من اليوم وشف هذا بيتنا جنبكم
سعد : الا شنو اساميكم ؟
ريان : انا ريان وهذا ولد عمي اورنس
سلطان : ماشاءالله عيال عم
ريان : وانتو وش اساميكم؟
سلطان : انا سلطان وهذا سعد
اورنس : وش يقرب لك ؟
سلطان : الله يسلمك جدي و ابوه اخوان تقدر تقول عيال عم
ريان : حماس احسكم واجد دام الوضع كذا
سعد بضحك : ايي كثار بس مو حيل شوي
سلطان : اجل نخليكم ترتاحون والعصر نتقابل بالدوانيه
اورنس : ان شاءالله
ببيت الجد
سلطان: والله ياجده جونا سكان جدد
نجلاء نقزت : اييي شكلهم وصلو
الجد باستغراب: من هم
وِئام : ياجد اللي قلنا لكم يوم ضعنا جلسنا عند ناس وقالو انهم بيجون يسكنون بالديره
الجده : يالله حيهم ، سلطانوه عزمتهم ؟
سلطان: لا بس قلت للعيال يجون الدوانيه اليوم
الجده : رح رح قل لهم يقولون ل اهلهم يجوننا العصر
سلطان : ياجده تعبان خلي سعود
سعود : كل هواء جده قالت سلطان يلا ياحلو قم
الجده بتمثيل انها زعلانه : اجل خلاص انا اقوم احفادي مايسمعون كلامي
سلطان: يخسي سعود يزعلك اقوم ابشري
سعود : خير انت اللي مزعلها
سلطان قام وتوجه ل بيت ام مساعد وطق الباب
عهد : مين ؟
سلطان اللي تنح ويحس انه عرفها
عهد : مين؟
سلطان : انا انا سـ سلطان
عهد : وش بغيت ؟
سلطان : جدتي تعزمكم العصر عندنا
عهد : ان شاءالله
ومشى سلطان وهو تفكيره بعهد وصدم بـ خلف
خلف : ياهو وينك فيه ؟
سلطان :موجود موجود
خلف :واضح واضح تكفى ناد لي سعود
راح سلطان و قال ل سعود
سعود : هلا والله بالعضيد
خلف : هلا فيك مشينا نتمشى ؟
سعود : قدام ( وصلو للمكان اللي كل مره يروحون له اللي هو جبل بعيد عن الديره ويطل عليها )
سعود : الا بقولك
خلف :سم
سعود : تراني بكرى بروح الرياض
خلف :عسى ماشر؟
سعود : ماشر بس بقدم على وظيفه هناك
خلف : اخاويك ؟
سعود : لا انا بروح صد رد
خلف : الله يحفظك
