عند سيف ولمى
اللي خلصو عشاء وجالسين على الكنب
سيف : الحين سوال ممكن ؟
لمى ناظرت فيه ب استغراب بصوت خفيف وقالت : ايوه؟
سيف : امك نحله ؟
لمى : هاه ؟
سيف ضحك من صدمته وقال: لانها جابت عسل
انهارت لمى : لا لا موووو طبيعي
سيف : شسوي ماعرف افتح مواضيع
لمى نست نفسه وقالت : ليتك مافتحت
سيف : شنو شنوو ؟؟
لمى تداركت نفسه بصوت خفيف : امزح
سيف : لاااا ارجعي هاوشيني مابي هالحياء تكفين
ضحكت لمى و كلمو ليلتهم
اليوم الثاني
ببيت الجد
نجد: طولو ؟
نجلاء : طفشت متى يجون
نهى : تافهين قسم بالله ماصارت
الجده : ورا ما تسكتن قروشتننا
وِئام : تستاااهلووون ازعجتونا صدق
نهى : هه مايضحك
على دخول سلطان و عهد
سلطان: السلااام عليييكم
فزو الكل
الجده : ياهلااا وعليكم السلام
نهى : عاد الحفيد المدلل هذا
نجلاء: اسكتي لا تسمعك جدتي
بدوء يرحبون بسلطان و جو العيال (حريم العيال يتغطون عن العيال يعني عهد و عهود و لمى و امل وشوق يتغطون عن العيال )
جالسين الكل وقامت نجد وقالت : بما ان مجتمعين على خير حابه اقولكم خبر
الجد : غردي
نجد : بيجيكم حفييد ثااااانيي
الكل فز
العمه شيخه فزت : اسالك بالله
نجد : اي والله
سلطان : لاعااااد
نجد : ليه
سلطان: يععع ما اتخيلك ام ماتصلحين بقره
ابومحمد : ورا ما تسكت لا ادفنك
سلطان: بسكت بسكت
الجد : على البركه يابنتي
الجده : مبروك ياروح جدتك
و بدو يباركون ل نجد و طلعو يباركون ل راشد
الساعه ٨ الليل
الجد : وين بتسافرون شهر العسل
سيف : والله مدري
الجده : انا اقول اعتمرو اول عقب روحو
نهى : لا انا اقول سافرو عقب اعتمرو لا جيتو تكفرون عن ذنوبكم خصوص العيال و سالفه غض البصر يعني
الكل ضحكك
سلطان: البنت هاذي كارثه قسم
سعود : مو صاحيه
نهى : عاد انا علمتكم
عبدالله: يبه انا افكر اروح جورجيا ؟
ابو سعود : اي والله حلوه رح له
محمد : انا يمكن لندن نروح
ابو محمد: اي ياوليدي حلوه رح
الجد : زيين حلو والبقر الثانين الله يعين
ضحكو نجلاء: انشهد انهم بقر
وئام : سلامات اخوي مو بقره !
نهى : اخوك اول واحد شتبين بعد
سعود : هيه هيه اختي الصادقه
نهى : اقول البخ
سعود : انطمي
الجد : البخو كلكم ويلا كل واحد يروح شقته و بيته يرقد لا اشوفكم
سلطان: قدنا كبار ياجدي تطردنا
الجد ضربه خفيف بالعصاء : انت اول واحد يلا قممم
سلطان: طيب احترم ان زوجتي موجودة عيب قدامه هيبه
الجد : ان مارحت عطيتك ضربه ثانيه
سلطان: لا لا بقوم
سعود : وانا بهج بعد لا يجيني مثل ماجاء سلطان
نهى : وانا بدق على زوجي لا انضرب نفسه
عبدالله: صار عبره
سلطان: اشكيكم ل ربي
ابو محمد : قم قم رح الله يستر عليك
وقامو طلعو
الجد : والله اني اغليهم
الجده : اخ اي والله اني احبهم يارب طول ب اعمرنا و احفظهم لنا يارب
الجد : اميين يارب
الفجر بشقه سلطان
عهد : سلطان سلطان قم يلا صلاه
سلطان لا حياه لمن تنادي
عهد : اووووف ياسلطااااان قوووم يلا لا تروح عليك الصلاه
برضو مافي رد
دق جوال سلطان اخذته عهد الا اسم (ابوي الغالي )
عهد : الحمدلله يارب عمي دق وردت
ابومحمد : سلطانوه ياكلب وينك صلاااه
عهد : احم السلام عمي
ابومحمد : عهد؟وينه سلطان في شي
عهد : لا لا مافي شي بس ياعمي عجزت له مايقوم لي ساعه اقومه
ابومحمد: اي هذا ماينفع معه الهدوء خليه جايه جايه وسكر
لبست عهد جلال الصلاه بسرعه عشان ثوبه قصير ماينفع قدام عمه
شوي الا يجي الجد وابو محمد
الجد: عهد ياوليدي اذا ماقام بس علميني اجي امحطه لك(اضربه لك)
عهد ضحكت
دخل الجد وصفق الباب بقوه
فز سلطان وقال : بسم الله وش جابكم
الجد : ايا كلب وش وش جابنا !
ابومحمد: قليل خاتمه
سلطان: لا لا قصدي شصاير
الجد : وش صاير الا هالمسكينه تعبت وهي تقومك للصلاه قم ياويلك ان ماشفتك قبلي بالمسجد
سلطان: ابشر ورجع انسدح
ضربه بالعصاء الجد
ابومحمد : قمم قمم
فز سلطان ابشرو يلا
طلعو ابو محمد والجد
لف سلطان وناظر عهد
عهد : يمه لا تناظر كذا عمي دق عليك و رديت قلت يمكن ينقذني عجزت اقومك
سلطان نط عليها و باسها : المره ذي سامح المره الثانيه بعضك
عهد ضحكت ومشى سلطان يتوضى وطلع يصلي
الساعه ٨ الصباح
نجد و راشد
راشد : اليوم لا تسوين فطور مابي
نجد : ليه ؟
راشد : عشان ما يتعبك الحمل
نجد : شدعوا اقدر
راشد جاء بيتكلم قطعه صوت الباب فك الباب
ام راشد : وين نجوده؟
نجد : هلا ياعمه
ام راشد : علمك راشد فطور لا تسوين بسوي انا انتِ ارتاحي
نجد : ياعمه بساعدك طيب اشياء خفيفه سلامات اجلس انا وانتِ تشتغلين لا والله
ام راشد : مابي اتعبك
نجد : تعبكم راحه يا امي
راشد : عشتو الدلع ل ناس وانا اطلب الله
ام راشد : لك كل الحب بس عاد هذي نجوده الحببب كله
ضحكت نجد و طلع راشد يشوف العيال
الحاره
عمر : قسم بالله صايرين ما نجتمع خييير
راشد : اي والله
اورنس : تزوجو الشباب وماعاد نشوفهم
ريان : الله واكبر هذا ثالث يوم لهم امداك حكمت انك ما تشوفهم
اورنس : خلني يا ابن الحلال كفايه اني وحيد
خلف : افا وليه وحيد
ريان : جالس بالبيت لحاله مو كل خواته تزوجو بيوم واحد
عمر : ياعزتي لك صدق
سعد : انا اقول شرايكم نفطر لان بطني يطلع صوت
راشد : مو حن نفتك من سلطانوه ابو بطن تجينا انت
ريان : ماشاءالله ياكثر اكل هالاثنين ولا يبين عليهم
سعد : حسبي الله اذكرو الله حاسديني الحين تنحاش بنت الحلال لا كبرت كرشي
العيال انهارو ضحك : ماشاءالله ماشاءالله
خلف : امشو نفطر لا ياكلنا بس
سعد : يع طعمك خايس شبي بك
خلف : توكل يا رجال
عمر : اذا بتقعدون كذا عز الله ما كلينا امشو
بمكان بعيييد جداً عن القريه 📍(المحادثه الاولى بينهم )
مجهول 1: انا اقول لكم ناخذ الشيبه و غصباً عنهم جميعاً بيدفعون
مجهول 2: اي ترا لو خذينا الشيبه ياحبيبي اضمن لك اهل القريه كلهم بيدفعون
مجهول 3 : انا مايهم من تاخذون اهم شي نكسر ظهورهم وناخذ فلوسهم
مجهول 4: اهم شي لا يدري **********
ببيت الجد
الجد : يانهى متى يجون؟
نهى : ياجدي قلت لهم والحين جايين
الجده: شفيك
الجد : شفيه مافي شي
دخلو العيال
سلطان: ياهلا جدي
سيف: فيه شي يبه؟
سعود : لبيه ياجّد وش بغيت
الجد: متى تسافرون ؟
سلطان بضحك : جدي متحمس لسفره اكثر منا
الجد : سلطان خل عنك المزح اهرج معي زين
سعود : ياجدي انا ماشي بكرى
سيف : وانا بعد يبه
الجد : و سلطان؟
سلطان: ان شاء الله بكرى
الجد : حلو كم يوم
سيف : تعرف يابوي عشان الدوام ما بنطول
سعود: اي ياجدي
الجد : يعني كم ؟
سلطان: اسبوعين اسبوع ونص ب فرنسا و الباقي بنروح مكه
الجد : كويس توكلو
سعود : يلا فمان الله
بنفس المكان البعيد اللي جيناه ذيك المره 📍( المحادثه الثانيه بينهم )
مجهول 1: ياخي اسمعونييي
مجهول 2 : ياخي فكرته حلوووه والله
مجهول 3 بخوف : ياجماعه والله مايصير
مجهول 4 ياخبل ياخواف يوم انك ********* عادي والحين يوم جينا بـ******* عرفت اللي يصير و اللي مايصير ؟؟؟؟
