انصدمو يوم شافو ان راعي السياره سعود سعود خويهم
انهار خلف انهيارررر على وصلو الاسعاف واخذو سعود وركب خلف وراشد لحقهم بسياره وصلو المستشفى وراشد دق على سيف وهو يرجف
سيف : هلا هلا ارحب
راشد وهو يرجف : سـ سـيف
سيف بخوف : شفيك ولد ؟
راشد : الحق الحق ياسيف سعود مسوي حادث
انهار سيف : كيف كيف مسوي حادث ! شلون متى
راشد :تعال مستشفى *******
سكر سيف وهو منهار
الجد : ولد شفيك
سيف : يبه يايبه سعود سعود
ابو سعود بخوف : شفيه ولدي شفيه !
سيف : سوا حادث حادث
راحو الكل ام سعود و ابو سعود والجد والجده و وِئام
وابو محمد والعيال وصلو المستشفى والكل جالس بخوف ينتظر الدكتور يطلع
الدكتور: انتو اهل سعود عبدالله الـ ماكمل كلامه الا راد
الجد: اي اي حنا
الدكتور بحزن : عظم الله اجركم
وِئام : بصراخ تكفى تكفى يا دكتووورر قول غير هذا الكلام تكفى
الدكتور : للاسف الشديد عظم الله اجركم
انهارت وِئام وهي تصارخ وتقول : ياسعود تكفى ياسعود ياسعود تكفى وانا ياسعود من لي بعدك اخخخخ ياسعود بعد كلامها اغماء عليها
الجد : اللي حزن كثثثثير وخصوصا على وِئام اللي انغمى عليها
ام سعود اللي منهاره وتبكييي بحزن
ابوسعود اللي كان مقهور باالحيل
الدكتور : في احد بيدخل على المرحوم ؟
خلف بحزن وبكاء : انا انا يادكتور
مسك كتفه سيف وقال : تقدر ياخوي ؟
خلف بتنهد وقال : اقدر اقدر
سيف : بدخل معك
دخلو وانصدمو ان ملامحه مو باينه معدومه معدومه بقوه بعد من كثر ما الحادث كان قويي ملامحه مو واضحه دم و معدومه
خلف بكاء بحزننننن بكاء با اقوى ما اعطاه ربي هذا صديقه كيف كذا اخذه الموت وانهار سيف اللي كان ماسك نفسه انهار برا عند سلطان اللي من بعد الخبر وهو ماقدر يبكي قدامهم طلع برا المستشفى وحط يدينه على وجهه وجلس على الكرسي وبدا يبكي يبكي بقوه هذا ولد عمه و اخوه وصديقه اللي من يوم ما طلع على الدنيا وهو معه كيف كذا بلمحه عين راح كان الكل حزين وصل الخبر ل عمر وحسين اللي كانو بالديره وحزنو حيل والديره كلها درت والكل حزن سعود الكل كان يحبه
بالبيت وصلهم الخبر وانهارو بكاء
نهى بحزن : كان يقول اودعكم لو رجعت سافرتكم نبيه نبيه مانبي ا
السفره
نجلاء: اخخ ياربي يارب انك ترحمه
نجد : ياروحي وِئام كيف بتتحمل
العمه شيخه وهي تبكي : اهخ اهخ ياسعود
ام محمد اللي كانت تعامل سعود كانه ولدها وتغليه : الله يرحمك ياسعود وتبكي رجعو من المستشفى والكل حزين
الجد بغصه : ندفنه بعد الفجر
الجده بحزن : اه ياحفيدي اه ياربي
اما الكل كان بحزن ومحد كثر وِئام وخلف اللي كانو اقرب اثنين ل سعود
بعد ايام العزاء كانت وِئام من خبر وفاة سعود ماكلت شي ولا طلعت من غرفتها ولا تجلس مع البنات كان وضعها مزري
ام سعود اللي كانت تبكي وتصلي وتدعي طول الوقت
ابو سعود اللي كان من المسجد ل غرفته وكان بالغصب يبين انه قوي وهو مكسور
اما الجد والجده حزينين على حفيده ويبينون انهم اقوياء
المعه شيخه و ام محمد وابو محمد كانو يواسونهم
البنات حزينين على وضع وئام اللي كل مايبون يروحون لها تكون نايمه
العيال بعد كانو مو نفس قبل يضحكون ويطلعون تغير وضعهم ١٨٠ درجه بس بالبيت والمسجد واذا بيغيرون يوقفون مع جدهم بالمجالس شوي بعدين يرجعون البيت
خلف اللي كان طول اليوم على الجبل اللي كان يروح له مع سعود ينام بالبيت ويطلع يصلي بالمسجد و بعدها الجبل
راشد وحسين وعمر واورنس وريان كانو يحاولون يغيرون جو العيال بس ماقدرو حتى عهد وعهود وامل و لمى شوق يحاولون مع نهى و نجد ونجلاء بـ وِئام
كان الكل حزين على سعود
<<تسريع الاحداث بعد شهرين >> بالديره تحديدا بيت الجد علو الغداء
الجد : لين متى ياعبدالله بتبقى على هالوضع
ابو سعود بحزن : يايبه فاقد ولدي كيف تبيني ارجع نفس قبل ؟
الجد بحزن على وضع ولده : طيب يابوي وِئام ماشفناها من شهرين
ابو سعود بروح اشوفها راح ابو سعود لغرفة وِئام
ابو سعود : وِئام يابابا قومي قومي
وِئام: هلا ياعيون وئام
ابو سعود : قومي انزلي تغدي
وِئام اللي وجهها اصفر وعيونها حمراء من كثر البكاء ونحفانه : مو مشتهيه
ابو سعود: مايصيريابابا وش مسويه بنفسك
وِئام هينا انهارت : كيف كيف يا يبه تبيني اكل واعيش طبيعي وانا فقدت ضلعي فقدت سندي بالحياه يبه انا من يوم قلتو سعود توفى الدنيا ظلمت بوجهي ماقدر ماقدر كل ماروح مكان اتذكر سعود اتخيله معنا حتى غرفتي اتخيل سعود يجي يصحيني من النوم انخيل سعود يقول لي انزلي تغدي تعشي اتخيل سعود يراضيني لا زعلت محد يداريني غيره محد افضفض له غيره محد يفضفض لي كثره كل شي بحياته اعرف يبه انا ابي سعود يبه لو تدري وش كثر مشتاقه لسعود والله ماتلومني يبه سعود لا ضحك ضحكت لا زعل زعلت لا تضايق تضايقت لا فرح فرحت سعود اخوي وصديقي سعود دنيتي يبه انا فقده دنيتي فقدت سعادتي بهالدنيا اه ياسعود اه رحت وخلتني وحيده
ابو سعود بكاء : افا افا تركك وحيده وانا ويني ؟ كيف مالك احد انا وين رحت ؟انا سندك انا كل شي تبينه يابوي
وِئام: يبه انت كل شي بالنسبه لي بس سعود كان معي بكل شيييي
ابو سعود وهو حزيننن : امشي امشي يابوك اكلي والله ما اكل الين تاكلين
نزلت وِئام وهي بس عشان ابوها
الجد : توه مانور بيتنا
الجده : اخيرا يابنتي نزلتي
العمه شيخه : ياهلا باحلا البيت
ام محمد : ارحبي ارحبي
نهى من باب تغير جو : اي اي الترحيب بس بـ وِئام ولا حنا لا
سلطان بمزح : اي اي زعلنا حنا بعد
نجلاء: خلاص حتى انا بزعل ومابطلع من غرفتي
وِئام ضحكت بخفه : شدعوا تغارون مني ؟
الجد : يابعد الدنيا اضحكو جعلني ماشوف حزنكم
العصر ببيت الجد كانو الجالسين البنات والجد وام سعود وام محمد والعمه الا وِئام تتسبح
ام محمد وهي تبي تغير جو ام سعود شوي : بعد المغرب معزومين عند ام فارس
ام سعود : مالي نفس
ام محمد : لا والله تجين انتِ اول وحده
الجده : اي اي كلنا بنروح
العمه شيخه: والبنات بتجيهم شوق وامل ولمى وعهد وعهود
نجد : اخ ياليت يونسون وئام شوي
عند خلف و هو جالس على الجبل لحاله قال :
يمر الوقت وتمر الدقايق والسنين
وانا راضي بحكم الوقت لو طالت المده
{خلف شاعر شوي ويحفظ شعر واي شعر بالروايه مو انا اللي كاتبته ماخذته }
ضحك بحزن وقال : وينك ياسعود تسمع قصيدي وتعزز لي وانا ادري تسلك وقال :
لازلت اتذكر تلك الرجفه التي هزت قاع قلبي
حين رايت فقيدي بـ كفن
وتنهد تنهيده طويله ونزلت دموعه وكانت حارههه من القهر والحزن اللي فيه
ترقبو البارتات الجايه 🫶🏻
