[ Unicode ]
" Jimin....."
Jimin ရဲ့ဘဝမှာ မကြားချင်ဆုံးအသံပိုင်ရှင်က လှမ်းခေါ်နေတာကြောင့် Jimin မသိချင်ယောင်ဆောင်ကာ ခြေလှမ်းတွေကိုပိုသွက်လိုက်တယ် ။ မနက်မိုးလင်းကတည်းက ဒီအကောင်နဲ့တိုးနေရတာလည်း ဘယ်ဘဝက အကုသိုလ်လဲဆိုတာ မသိတော့ပေ ။
" Jimin.... ကိုယ်ခေါ်နေတာ ကြားရဲ့သားနဲ့ကွာ...."
အနောက်ကနေပြေးလိုက်လာပြီး အရှိန်နဲ့ Jimin လည်ပင်းကိုသိုင်းဖက်လိုက်တာကြောင့် Jimin နာသွားရပြီး စိတ်တိုစွာနဲ့ ထိုအကောင်ကိုဆောင့်တွန်းလိုက်မိသည် ။
" Jimin ကလည်းကွာ...."
ဆောင့်တွန်းလိုက်တာကိုတောင် မျက်နှာတစ်ချက်မပျက်ပဲ အနားရောက် လာပြန်တာလေတယ် ။ စကားပြောချင်စိတ်လည်းရှိမနေတာကြောင့် Jimin သူ့ဘေးကနေထွက်လာမိခဲ့တယ် ။
" ကိုယ် မနေ့က မင်းကြိုက်တဲ့ ချောကလက်ဝယ်လာတယ် ရော့...."
Jimin ရဲ့အကြိုက်မှန်သမျှကိုလိုက်မှတ်ထားပြီး လိုက်ဖြည့်စည်းပေးနေတာကိုလည်း Jimin လုံးဝမကြိုက်ပေ ။ ဒါကြောင့် သူပေးတဲ့ ချောကလတ်ကိုလက်နဲ့တွန်းဖယ်လိုက်ရင်း
" ငါ ချောင်းဆိုးနေတယ်....."
အကယ်၍များ ထိုချောကလက်ကို သူ မဟုတ်တဲ့ တခြားတစ်ယောက်ကပေးတာဆိုရင်တော့ Jimin ကျေးဇူးတင်စကားပြောပြီး လက်ခံမိမှာသေချာလေသည် ။
" ချောင်းအရမ်းဆိုးနေလို့လား.... ကိုယ် ဆေးဝယ်ပေးမယ်လေ ....."
" ရတယ် မလိုဘူး...."
ကားမှတ်တိုင်ရောက်တော့ လူရှုပ်နေတာကြောင့် Jimin စိတ်ရှုပ်သွားရသည် ။ သူ စီးရမယ့်ကား မြန်မြန်လာပါစေလို့သာ ကြိတ်ဆုတောင်းရင်း ကားကိုသာမျှော်နေလိုက်သည် ။
" မင်းမနက်စာစားလာလား.... ကိုယ်တော့ မင်းကိုမမှီမှာစိုးလို့ထွက်လာလိုက်တာ မစားခဲ့ရဘူး... ကျောင်းရောက်ရင် ကန်တင်းအတူထိုင်ကြမယ်လေ....."
" ငါ အိမ်က စားခဲ့ပြီးပြီ.... ပြီးတော့ ကျောင်းရောက်တာနဲ့ အတန်းတက်ရမှာ အရေးကြီးတယ်...."
" ကိုယ် အထက်တန်းတုန်းက စာသေချာမလုပ်မိတာအခုမှနောင်တရတယ်.... မဟုတ်ရင် မင်းနဲ့မေဂျာအတူလိုက်တက်ရမှာကို အခုတော့....."
YOU ARE READING
Hate The Way You Love
Fanfictionကိုယ်ရဲ့အသက်လောက်ချစ်ရတဲ့သူက ကိုယ့်ကိုမုန်းတီးနေတာလောက် နာကျင်စေတဲ့အရာရှိနိုင်ပါဦးမလား ကိုယ္ရဲ႕အသက္ေလာက္ခ်စ္ရတဲ့သူက ကိုယ့္ကိုမုန္းတီးေနတာေလာက္ နာက်င္ေစတဲ့အရာရွိႏိုင္ပါဦးမလား
