Memories Bring Back You

❤️ Chapter 06 💚

.
.
.

Wuxian එදා දිය උල්පතට ගිය පසු නැවත යාමෙන් වැලකිලා හිටියා. තමන් එතනට පැමිණෙන එකට Wangji අකමැති වුණත් ඔහුට හැමදාම එහි යාමට උවමනා වුණා. ඒත් දැන් ඔහුගෙ වංශය කාරියබහුල නිසා Wuxian ට එහින් ගැලවීමට නොහැකි වුණා.

Wen වංශය යි Wei වංශය යි එක්ව ඔවුන්ගේ භූමීන් අතරමැද තිබෙන කඳුකරයෙ දඩයමක් පටන් ගැනීමටයි සූදානම් වුණේ. එම කඳුකරයේ තිබෙන අඳුරු වනාන්තරයෙ කළු මකරුන් නැවත අවදි වෙලා යන්න ආරංචි වුණ නිසා ඔවුන් තම වංශවලට පැමිණ ඒවා විනාශ කරන්න කලින් ඔවුන්ව ගොස් මරා දැමීමට සැලසුම් කළා. එම කළු මකරුන් අවදි වන්නෙ වසර 100කට සැරයක්. මේ කාල වකවානුවෙ ඔවුන් අවදි වෙන බව සමහරු අවදානයෙන් හිටියා.

වංශ තුනම එක්ව සටන් කරන්න ඕන වුණත් මෙවර Lan වංශය දඩයමට පැමිණියෙ නැහැ. ඒ ඔවුන්ගෙ නායකතුමා අසනීපයෙන් නිසා. Lan වංශයෙ අනාගත උරුමක්කාරයා වුණ Lan Wangji ද මෙයට සහභාගි වෙන්න ප්‍රතික්ෂේප කලේ පියාණන්ව බලාගන්න ඕන නිසා. එතුමගෙ ජීවිතය මරණ තර්ජනයක ට මැදි වෙලා නිසා Wangji කැමති වුණේ නැහැ තම වංශයේ සොල්දාදුවන් ව වත් නායකයෙක් නොමැතිව දඩයමට යවන්න.

Lan වංශයට ඇඟිල්ල දික් කර බැන වැදුනත් අනෙක් වංශ දෙකම ඔවුන්ගේ සහයෝගීත්වය නැතුව දඩයමට සූදානම් වුණා.

.

.

.

.

පසුගිය මාසෙටම Wuxian ට සිදු වුණේ Wen Qing සමග කාලය ගත කරන්න. ඔහු එයට විරෝධය පෑවත් මෙම දඩයම නිසා ඒ දෙදෙනට එකට වැඩ කිරීමට සිදු වුණා. ඒත් ඔවුන් අතර සුහද කතා බහක් නැහැ. වාද කරන එකමයි කරන්නෙ. එකට වැඩ කරන්න වුණත් තත්පරයක් හොඳින් හිටියත් අනෙක් විනාඩියම වාද කරනවා. ඒත් ඔවුන් ඉබේම මාසයක් ගිය පසු යාළුවො වුණා.

ඒත් Wuxian වග බලාගත්තා ඇයට ඕනවට වඩාත් ලන් නොවී සිටින්න.

.

.

දඩයම පටන්ගෙන සති දෙකකින් වගේ Wuxian ටයි Qing ටයි සිද්ධ වුණා අඳුරු වනාන්තරයට යන්න. ඔවුන්ට කඳුකරයේ නැගෙනහිර වනාන්තර කොටස දඩයම් කිරීමට නායකතුමන්ලා භාර දුන්නා.