-ر*** بش تجلطني يا ز** شنيا هاذي مروحة في كرهبة شكون في نصاص الليالي طرطور أنا؟؟؟
هشام يحكي لصاحبو لمجد وفي إيدو دبوزة شراب
-لا بوص حشاك أما ياخي ماتفهمش الطفلة ماتحبكش برا شوف حياتك
هشام سمع كلمة ماتحبكش و حدف الدبوزة على الحيط كسرها
- أما أنا نحبها يا صاحبي نعشقها راهو الڨلب مش حاب يكون كان ليها وهي باعثتني حومة كاملة تعرف حبي ليها كان هي
-بوص إنت كيف تقدمتلها أمها رفضاتك على خاطر لفلوس إي ماكش ناوي تشوف حل
-تي ق*** مني** تموت كان على الفلوس مايهمهاش مصلحة بنتها أصلا أنا عارف لي هي ماتحبش آمال تقول مش أمها ياز** أما هاني قاعد نخدم و نجمل في الفلوس شهر بركا وتلقاني في روماا
-شنوا بوص تقليش بش تحرق
-يالمجد ياصاحبي تو هذا وجه واحد بش يحرق ماو الشايب قابل بش يسلفني فلوس نمشي بيهم وأنا تو قاعد نخلي بش نلقا مانصرف
نسيت ماقتلكمش لي هشام قاري إدارة أعمال أما مسكين لتو لا ناب عليه ربي بخدمة
و توا نعرفكم على لمجد صاحب هشام نداد من الصغرة تربو مع بعضهم حتى هو طويل وأبيض مايفوتش هشام في الزين الزوز مشاءالله عليهم
******
نرجعو لمهدي و أحمد في البار
-والله كيما قتلك ياز** طحت على راسي ملي ريها دخلت لقلبي
- كان يحكيلي عليك حد أخر لكلام هذا مانصدقوش إنت مهدي متع لبنات تحب طفلة؟؟؟؟؟ ياز** مش حابة تدخل لمخي
-رب* شو أنا فاش نحكيلك وإنت فاش تقول
- اي حكيتش معاها ؟
-كلمتها أماحسيتها ماتحبش تحكي بش تعبني باين فيها
بقاو سهرية كاملة يشربو
فاق الصباح لقاها بجنبو دزها وقلها
-قوم ولا ناوية تزيد تبات هوني
-ممم خليني نزيد نرقد
مهدي عيط عليها لين تفجعت -قوم لني* والديك ياقح** برا دبر خمج أخر بات بحذاه
قام حدفلها لفلوس وقلها ندخل لظوش وخرج و نحب مانلقاكش هنا
*************
كالعادة فاقت آمال على صياح أمها فطرت و خملت دارهم و مشات للفاك هي وأختها باطبيعة كل وحدة والفاك متعها خاطر آمال تقرا هندسة و هذا عامها الثالث و ميسون هذا أول عام ليها في الفاك و تقرا فرملية
- صباح الخير أمولة
-صباح النور ملوكتي وينك cv
-اي cv أما تاعبة من سهرية لبارح هههه
-والله حتى أنا حقا ملاك مهدي ولد عمك كلمني لبارح زعما شيحب
-والله مانعرف أما أمولة إنت كي أختي ماتقربوش برشا مهدي هو صحيح رجلة و باهي برشا أماراهو ماركة بنات prsq كل ليلة مع طفلة
آمال حست لكلام هذا كي سكينة جرحها صحيح ماحباتوش أماعجبها أصلا عرفتو مااللول بش يلعب بيها ولا كان مش هكا شموصلو ليها
**********
جميلة (أم هشام) -وريريريريريييي الحمدلله ياوليدي
-هههه يزي ياأمي لي يسمعك يقول بش يعرس
-والله فرحتلك ياكبدي واشخصني كان تزيد تفرحني وتعرس
- أمي قتلك موضوع هذا ماعادش تجبدو
-باهي وليدي (هيفاء أخت هشام)-واا بروو أمتا ماشي مالا جيبلنا واحد ڨاوري من غادي
-سكر إنت سكر لنهدملك فمك أمي شنيا العزري لجبتهولننا
- عزري سخطة على ڨبك
جميلة تضحك وتتفرج على هشام و هيفاء كيفاه يتعاركو ديما كي قطوس والفار أما يحبو بعضهم برشا
هشام الجمعة الجاية ماشي لإيطاليا بش يخدم ويكون و يرجع لحبيبتو جيبو معبي
